
حبابيبي المفروض النشر باجر...بس اني عندي مجال وكدرت اكتب
لذلك احتمال بعد يومين مراح انشر وراح اعوضكم
قصة #النهاية
الجزء السابع...للكاتبة لينه سعد
🌟🌟🌟🌟🌟🌟🌟🌟🌟🌟🌟🌟🌟🌟🌟
جان شي قوي بداخلي
شي ممتعودة علية
كانما من صحيت من نومي اتغيرت هواي ....مو اني
كانما وحدة ثانية
جانت هواي افكار ابالي وعزيمة قوية وكلت واني مصممه وبارادة قوية
_مراح اعوف البستان هيج
....اتوجهت واني اتوضة..وبديت اصلي وبعد ماكملت حسيت اتوضحت الرؤيا عندي
كل الغشاوة الي على اعيوني اختفت
والامل اتجدد من جديد
رحت لكنتوري فتحتة واني اطلع جبة سودة
ولبست شالي الاسود ونزلت جوة
....امي صارت كبالي وعيونها كبالي وتتفحصني من فوك ليجوة والتعجب باين بعينها
_ها يمة وين
_اروح اجيب عمال للبستان الي راح اتموت اشجارة
_شنو...وانتي وينج وين البستان
_شنو ويني وينه...هذا حلالنه وهذا تعب ابوية الي كضة عمرة كله بس يزرع بي
ولتكولين انمار
مااريد احجي واجرح....انمار هم يالة علية بيته وبغداد
محد بحالنه لا انتي ولا اني
....كعدت على القنفه وهي مستسلمة كليا لكلامي لان فعلا كلامي صح
_بس يمة عيبة
_لا يمة ماكو عيبة.....العيبة انمد ادينه
اني اعرف وين اروح راح اروح للبساتين القريبة النة كلهم اصدقاء ابوية وراح احجيلهم شريد وراح ينصح ني شسوي ومتاكدة مراح يعوفوني
....بديت اطلع حتى بدون ريوك
رحت واني ادخل اكثر من مزرعه واحجي وياهم
الكل اتعاطفو وياي والكل انتخو الية
وثار الي ردته ااجرت فلاليح للبستان رغم ماعندي مبلغ بس اتفقت وياهم المحصول بالنص
...جنت شايلة هم لانمار خاف ميقبل بس حتى لو مقبل راح احصرة واكول
اذا ماتخليني اكمشها انت اكمشها وانت ازرعها
وفعلا عارضني وصارت هوسة....بس بالاخير اقتنع لان اشغاله ودراستة كلها ببغداد وحلمة الي ضل سنين يحلم بي علمود يسافر يكمل دراسته
جان منتظر الدولة اطلعة برة
بس كل احلامة فشلت اختارو غيرة بسبب الواسطات
ضلت نفسيته تعبانة.....ابتعد عنه بس مهتميت كل همي البستان يرجع مثل قبل والحمدلله كدرت وبخلال اشهر بسيطة ارجعة
...بدة الكاع تنطي محصولها
جان يزمي عبارة عن تعب بس تعب بحب
البس الجبة العريضة واطلع وي الفلاليح اتفقد البستان واشتغل وياهم
وارجع اخر النهار تعبانة
بس كلبي مرتاح...واكدر انام بليل براحة وقبل هذا التجىء لقلمي واكتب الخواطر
