#يتيمات من رحم الالم
البارت6...بقلمي«سمو العراق»...
لَلمساءً لَغُةّ فُـي جّـبًينِ آلَکْوٌنِ..☀
تٌـؤجّـجّـهّـآ نِسِـمًآتٌـ آلَمساءًً آلَمًشُـرقُةّ ..☁
وٌمًعٌ تٌـلَکْ آلَنِسِـمًآتٌـ تٌـتٌـرآءﮯ لَنِآ صّـوٌر آلَأحًبًةّ ..💓
فُـنِطِرقُ آلَبًآبً لَنِقُوٌلَ لَهّـمً :
مساءً آلَمًوٌدٍهّـ وٌآلَمًحًبًهّـ ..💓
... مساءً آلَذِکْريآتٌـ .. وٌأسِـعٌدٍ آلَأوٌقُآتٌـ ..
فُـأنِآ لَآ أمًتٌـلَکْ مساءً بًآسِـمًآً فُـأهّـدٍيهّـ لَکْمً ..
غُير أنِي أمًتٌـلَکْ ثًـقُةًّ بًـِ مًآلَکْ آلَمًلَکْ
فُـأسِـألَهّـ أنِ يهّـبًکْمً آلَسِـعٌآدٍةّ أينِمًآ کْنِتٌـمً ..
مسّـًًآءًًً آلَخِـير
سمو العراق....قراءه ممتعه
مريم اتصلت باامها واجاها صوتهاا...
مريم بضيق/...يمه وهج ضاعت حلقتها وتبجي..
ام جاسم بصدمه/...يااا شلون ضاعت؟؟
مريم بتنهده/..ماادري يمه مالكتهاا. وهسه شبعت بجي حتئ مكياجها خرب
ام جاسم انقهرت/..كليلها لاتبجي هسه اروح اشتريلها حلقه...انتن شوكت توصلن..؟؟
مريم/..بعد نص ساعه هسه راح يجي اخوو امير ياخذنه اني خابرت من موبايلي.
ام جاسم/..هااا يالله اطلعن واني رايحه للسوك.
طلعن بعد مااجاهن بلال وهج اخذت لطريق تبجي حلقتها غاليه وام جاسم ماعدها تشتري واكيد راح تتداين وتتورط بس لمهم متشوف وهج تبجي.. **************************
طلعت الزفه من بيت ابو محمد ولكل كان مبدل، كاشخ كانت زفه حلوة وحاضرين اقاربهم واصدقاء امير وبلال ومحمد راحو يجيبون لعروس من بيت اهلها تحت اجواء الطبل والموسيقى الزفه العراقية.
وصلوا لبيت ابو جاسم بعد مادخل امير اقل من ربع ساعه والنسوان يركصن ويغنن طلع من البيت وهو لازم عروسته وهج....ركب السيارة وهي ركبت بصفه كان هو يسوق لاحظ بكاء وهج العنيف..تنهد بضيق وهو يلف السيارة شاف ابو زعتر وهو يركص ابتسم.
امير طلع من جام السيارة/ّ..ابو الزعتر اركص اركص ليوم يومك...
ابو زعتر وهو مكطع روحه بركص/..هههههه اذا بعرس اموري مااركص بعرسمن اركص؟؟:
امير وهو يلف السيارة/..ههههههه ....لتفت عليها وسمع شهقاتها...تنهد بحيرة...اوووف استغفر الله.
وصلوا للبيت ودخلوا وهج لبيت ابو محمد ودخل وياها امير وشويه وطلع شاف لشارع مزدحم بالعالم شاف ابو زعتر كاعد يصور...راح اله وهو يمسكه من كتفه ويديرة عليه....
ابو الزعتر ببتسامه/...هاااا مبروك.
امير بضيق/..يامبروك يمعود لعروس عبالك ابوها ميت شبعت بجي..؟؟
