البارت 16...يتيمات من رحم الألم
بقلم«سمو العراق»
لا تكن مثل مالك الحزين هذا الطائر العجيب الذي يغني أجمل ألحانه وهو ينزف، فلا شيء في الدنيا يستحقّ من دمك نقطة واحدة.
ناديه حضنتها/...شلونج ماما حبيبتي تفضلي؟؟
وهج من حضنتني فرحت وعبالك رجعتلي الروح يعني امي تريدي وتحبني الي مكان بينهم دخلت واستقبلني اخواتي من ناديه سلمن عليه وكان سلامهن بارد لان ماكوو مواقف جامعتنه من قبل كعدت وحضنت بنتي الصدري والكل كعد عندي وزوجة عمي راحت البيتها ناديه مخلتها تروح بس هي اصرت تروح لان خطيه عافيه اطفالها وعائلتها وتريد تسوي غده وبس يجي عمي وميلكاها بالبيت يطين عيشتها راحت وضليت كاعده واني متوترة وخايفه ...اجت امي اخذت بنتي من حضني وباستها وهي تلعب بيها وتحضنها وتناغيها ابتسمت الحنيتها علئ بنتي
ناديه /...شوكت ولدتي ؟؟؟
وهج/..صارلي شهر..
ناديه/...بعدها مطالعه الاربعين بس حلوة ماادري اذا تشبهج او لا ...لان مشفتج من جنتي بكدها
نزلت راسي مقهورة من كلامها وبعدها كلتلها لا تشبه ابوها....
وحده من بنات ناديه جاوبتني /...هيج ابوها حلوو؟؟
ابتسمت علئ كلامها وداخلي يغلي من القهر من امير ولا كلف يرفع الفون عليه هسه لاتسال عليه اسأل علئ بنتك بس الظاهر هو ميريدني ويريد يزوج بنت عمه....بعدها جاوبتها...
وهج/...اي حلوو هي حيل تشبه نفس المعاني ولون البشرة
هي/...هههههه حلوووو
بعدها كامت ناديه سوت غده والبنات ساعدنها ودخلوا ثنين شباب اصغر مني استحيت منهم لكن ناديه طمنتني همه اخواني منها رجعت فرشت السفرة وتغدينه كولنه سوة حسيت بفرح واني بين عائلتي الجديده وقررت احجيلها عن كوولشي وعن امير واطلب الطلاق منه وأعيش عندها لكن تراجعت واجلت الموضوع الغير وقت....
.............******
عند بلال كان كاعد عند ابوها ومتردد يفاتح ابوة بالموضوع لكن بعدها تشجع وفتح موضوعه....
بلال/...احم احم
الاب/...شبيك تحمحم احجي عندك شئ؟؟
بلال/...اي يابه اريد اتزوج..
الاب ابتسم/...من حقك ومبروك مقدما من باجر اخلي امك تدور الك عروس
بلال/...لا لا اني عندي العروس وحاجزها من زمان لكن الظروف حالت بيني وبيها...
الاب/...منوو العروس؟؟
بلال/..فاطمه بنت ابو حازم
