#يتيمات_من_رحم_الالم
بارت 13
لا تثق بأحد فالكل يخون اذا اتحيت له الفرصه
وصل البيت عمه ابو سلام ضل راكب بالسيارة ومدخل اتصل علئ صبا وثواني وفتحت خط
امير/...يالله اطلعي بسرعه اني بالباب...
صبا وتسوي روحها مسكينه/...ادخل امير هسه افتحلك الباب..
امير بعصبيه/...شلون ترديني ادخل وانتي الوحدج وبعدين بمكان هل كلام الفارغ جيبي ابنج وتعالي لايمووت ويالله كتلني الحر
صبا بعصبيه/...روح الله وياك تريد تمن عليه بفضلك روح مو بعازتك هسه اخذه اني..
امير بعصبيه/...اهووو هسه غير تطلع تطلعين لو اروح والله اول مرة اشوف وحده ابنها بين الحياه والموت وكاعده تداهر ولج هسه المن داخل دطلعي
صبا بعصبيه/...روح ابني مابي شئ..
امير بدهشه/...مابي شئ لعد مو جنتي تلطمين وكلتي شرب القاصر وحالته خطرة...
صبا بتبرير/...اي شربته لبن وملح وخليته تقيئ وصار زين هسه متدخل امي موجوده...
امير بتنهيده/..لا شكرا تعبان وبس اريد اوصل للبيت
يالله مع السلامه
قفل الخط وهو يتذمر كرها بزايد ولف على بيتهم مسافه الطريق ووصل نزل من سيارته استقبلته وهج وهي تسائله عن تأخره جاوبها بالحقيقه ومخابرت صبا وابنها الشرب القاصر ضاجت وهج من روحته الهم وتذمرت بداخله بس محجت خافت يكول عليها تغار منها لذالك فضلت السكوت صعد سبح وبدل ووهج صبت اله غده تغداء ونام وهج ضلت تتأمل ملامحه وممطمنه من ناحيه صبا وخافت من مخابرتها وبعدها عدم خروجها من البيت بس متكدر تحجي تريد تكون حياديه ومتدخل ببيت عمهم....
*********......
عرس فاطمه
اجت من الصالون واستقبلتها ام محمد وتوته بوسنها بحزن شافن دموعها مغرقه وجهها لكن مكايجها مسايل ضلت تبجي بصوت عااالي والنسوان تفاجئا منها وام محمد حزنت بداخله يعز عليها الموقف بلال يريدها وهي تريده لكن الامور مشت بغير ارادتهم ومتكدر تغير من الامور شئ لان فاطمه زفتها بعد دقائق وصلت الزفه ودخلت النسوان ودخل العريس من شافته ام محمد انجلطت من الصدمه معقوله هذا زوج فاطمه الناعمه مابي اي جماليه ومو فقط الجمال وانما اصلا كبير حييييل علئ فاطمه دخل بضخامته واسمرار بشرته ومخفف شعرة وهو اصلا شعرة خفيف ابو حازم عنده شباب اكثر من سالم هي تمنت فاطمه لبلال لكن شائت الاقدار ان تصير فاطمه السالم وبعد هي قسمه طلعها سالم من بيت اهلها وابوها باسها وهي ضلت تتنحب وتشهق بصوت عالي وممتمسه بملابس ابوها مكان ابودها ان تروح زوجه السالم
ابو حازم بحنيه وهو يمسح دموعها/...بويه فاطمه هذا زوجج انه مامسلمج لرجال غريب يالله بويه توكلي علئ الله وروحي
