يتيمات من رحم الالم
سمو العراق
بارت 12
امنح الاخرين فرصه ثانية فربما تحتاج يوماً من يمنحك هذه الفرصة.
اهلا احبتي...
كانت نايمه بالمستشفى والمغذي مشكل باايدها رفعت نفسها من فراشها بعد ماتحمدوا الها اهلها بسلامه...
فاطمه بحزن/...بويه خلي يطلكني مااريده..
ابو حازم/..ليش بويه شصار وماتردين الولد؟؟
فاطمه ببكاء/..مااريد ازوج بويه..
نضال بعصبيه/...انجبي ماتريد تزوج تزوجينه وغصبا عليج شدكول علينه العالم فطيم المسودنه تمشينه علئ رئيها
فاطمه بعصبيه/...ماازوج مااااا
نضال/...وعلا...
فاطمه توجه كلامها لابوها/...بويه صيح بيها...
تقربت منها بعد ماالكل طلع من الغرفه وهمست الها بفحيح مرعب...
نضال/...شوفي ولج فطومه اذا ماتزوجتي بلال اكلهم انتي اتحبين منووو وكلمه مني اوديج بيها للنجف انتي تعرفين اهلي وتعرفين عاداتنه وتقاليدنه ومو بس انتي حتئ بلال تلكينه بالنجف فاذا تحبين بلال اقبلي بسالم وقد اعذر من انذر..
فاطمه بصدمه وبكاء/...ليش تكرهيني اني شسويتلج؟؟
نضال/...ما اكرهج بس لازم تزوجين سالم حتئ يبنون بيتي اذا ماتزوجتي مراح يبنون بيتي وبعدين شبي سالم خوش ولد ويشتغل لو اله ابن بغداد المايع
فاطمه/..ابن بغداد المايع طلعني من حالتي وعالجني اله فضل عليه وانه اتباهئ بي كدام صديقاتي حبني حتئ واني مريضه مريت بمواقف هواي وياه بس سهاد غدرتني وجذبت عليه كالت يحب وحده من اهل بغداد وماايدور موديلج هي خربت عليه لو ماهي وانتي جان اني اليوم زوجته اني احبه احبه
نضال بعصبيه/...حبتج حيه انشاء الله انجبي ياا ادب سز اكوو وحده علئ ذمه رجال ثاني وتحجي بحبيبها
فاطمه بنحيب/...بنيتي سعادتج علئ حساب تعاستي ربطتيني بحماج الثور ليفكر بس بطنه صدك لو كالو هم البهايم علفها...
نضال بعصبيه/...انجي
طلعت من غرفه المستشفى بعد ماركعت الباب بقوة تاركه فاطمه بحيرة من امرها ودموعها ماتوقفت من خدها تريد بلال ولا ترضى بسالم لكن نضال خوفتها ولايمكن تسمح الها تزوج بلال وتخرب خطبه سالم..
وحددت هذا الشهر عرس فاطمه بدون اي نقاشات
.............##
بعد مرور اربع اشهر بلال طلع من المستشفئ وحالته تحسنت لكن لحد الان يمشي على عكازة ويحس بعرج برجله من طلع من المستشفى ابو ذبح اله فداء وعزم عمامه وتم الصلح بينهم وبين بيت عمهم ....بلال من يوم النخطبت بي فاطمه لحد الان مرايح المحافظتهم يتمنئ تخرب الخطبه لكن تفاجئ لعدم فسخها للعقد كرها حيل وحملها كافه المسؤليه.
