#يتيمات _من _ رحم الالم
البارت..15...بقلم سمو العراق....
أحتاج الوحدة والسكون لكي أفكر، أفكر في أي شيء بالظبط؟ أدمنت التفكير في نفسي وكلما فتحت صفحة وجدتها أسوأ من التي تسبقها.
جمعت اغراضها واغراض بنتها بالدموع وقررت تروح وجاي يطلعون هي وامير ياخذها البيت عمها ..وبهاي الاثناء دخلت صبا وامها وابنها...
صبا بوست وهج بغيرة واضحه/...مبروك انشاءالله تتربئ بدلالج ودلال ابوها..
رجعت وهج امتدت على الفراش وسندت ضهرها للحايط جان امير كاعد بصفها اجت صبا صارت مقابيل امير وتلعب باابنها وتضحك ولابسه بنطرون ضيق وقميص طويل وردي وشال وردي وحاطه مكياج وطالعه كوولش حلوة...عكس وهج جان وجهها اصفر وعيونها مورمه من البجي وملابسه بسيطه وخصلات شعرها هاربه من حجابها...
صبا ببتسامه/...مبروك امير بنتك كوولش حلوة طالعه عليك
امير بضحكه/...ههههه صدوك تشبهني بالضبط
وهج انقهرت من كلامهم وكملت كلامها/...لا متشبه امير تشبهني عندي صورة من جنت صغيرة مثلي هيج حلوة
صبا بمزح/..ههههه ومنو يكول انتي حلوة؟؟
ام محمد بقهر/...لا وهج تجنن وبنتها عليها اصلا وهي متزوجه واخذها وياي المكان يخطبوها مني..
صبا ضاجت من كلام ام محمد وهج فرحت بكلامها وامير ماعلق علئ كلامهن..ضلت صبا مركزة بنضراتها علئ امير وهو يلعب باابنه مما اثار غيرة وهج...
وهج بقهر/...يالله كوم وديني الأهلي...
امير بصوت ناصي/...بيت عمي كاعدين خلي يروحون واوديج البيت عمج...
وهج بعناد/...لا هسه توديني لا اروح الوحدي والله
امير بعصبيه/...لا تعاندين ..وشمحلاج وترحين الوحدج حتئ اله اكسر رجلج...
وهج بعبرة/...لعد كووم وديني الاهلي...
كام وشال الطفله والجنطه مالتها ومرت محمد ساعدتها تمشي ركبت بالصدر وانطاها الطفله وساق السيارة كان السكوت سيد الموقف انتبهت عليه وهج من يسوق وهو لازم الاستيرن كانت اديه ترجف ومتوتر وتنفسه ضيق...
وهج بخوف/...امير بيك شئ؟؟
امير بصدق وهو يلزم صدرة/..مااعرف احس تجيني لحضات اختنك وروحي تطلع اكرة روحي وكرة الكل ما اعرف احسن نفسيتي تعبانه وجسمي تعبان ماعندي قوة وفكري متشتت مااعرف شنو الاريده؟
وهج بقهر/...خاف تريد صبا وتخاف دكول....ترة عادي اذا تحبها وتريد تزوجها اتزوجها هي حبيبتك من قبل وبنت عمك بس قبل كوولشي وقبل لا تتاخذ اي قرار طلكني وانت حر بحياتك..
