ألتقت طرقنا

الجزء الاول (النصف الاول)

يكولون علمود تتخلص من همومك وترتاح من اتعاب الحياة مفروض تسافر وتغير نفسيتك..
أمنت بهاي المقولة أن تسافر وتتخلص من همومك ...
لكن هذه الرحلة مكانت رحلة عادية كانت اشبه بااذب نفسي للنار ..
لو يرجع الزمن للوراء مستحيل اكرر هذه الرحلة ..
٢٢_أب-٢٠٠٨
كريم: وينو رافد اتأخر
هادي: والله بوية رافد غيح(راح) يجيب هيدي سياغة (سيارة)بس مفروض يرجع قبل ربع ساعة ...
شوفو دك علية هسة
_ وينك رافد الوالد يسئل عليك اتأخرت
رافد: قولو للوالد غيح اتأخر ولايضل بالو علية
هادي: صوت مغية(مرية)منو ع(جاي) يبكي
رافد: قصة طويلة لمن جيكم نحكي..
قبل اسبوع..
يمام: يمةة
فاطمه(ام يمام): وغمة شبيج تعيطين
يمام: امي تدرين انتي أحلى وأحن وارقة أم بهل دنيا
فاطمه: خير ياطير شتردين
يمام: يمة كولي لبابة نطلع لشمال العراق ماطول خلصت امتحانات وحتة تعبت من سادس فدوة لطولج يماا
فاطمه: شنو سالفتج لجيتي على طلعة صالج شهر
يمام: امي والله هيج ضجت نفسيتي تعبت من ورا الدراسة هيج نروح نسافر نغير جو مو يكولون الي يريد يغير نفسيتة يسافر
فاطمه: بنات هل وكت نفسيتهن متتغير الا بالطالعات الله كريم ابوج نايم باجر نحجي ويا
يمام: اروحلج فدوة يمااا احبنج
زهراء: اي والله جديات أني وياج يمام على سفرة
يمام: ايي عفية باجر نحجي وية ابوية جهزو نفسكم ههههههه..
أسمي يمام طالبة سادس اعدادي قبل اسبوعين خلصت امتحانات السادس الاعدادي عمري 18 سنة انسانة فكاهية واشاقة عكس اختي المتشاقة مهم عايشين ببيت جدي احنة 3 عوائل عمي احمد وعمي محمد وعوائلهم وياهم وجدي متوفي وجدتي عايشة بس حالتهة صحية تعبانة متعلقة بجدتي كلش لان هية من جنت صغيرة تحبني وتهتم بية  وعائلتنة مهم ابوية عندة سوبر ماركت مدبرين عيشتنة الحمد لله احنة بنيتين وولد صغير عمرة 9 سنين ..
طلعت من غرفتنة رحت للمطبخ اكل كم شي لان جعت جانت ساعة ب 1 بالليل تقريبا اخذت توست ودهنت علي جبن وشوية عسل كعدت اكل نزل ابن عمي المزعج
يزن: شبي الحلو كاعد هيج وكت
يمام: يزن لاتتجاوز بكلامك صار الف مرة اكلك لاتجاوز
يزن: على كيفج بنت عمي واحبج ليش متقدرين هذا الشي
يمام: استغفر الله ربي معتبرتك مثل اخوية ليش تحاول تخرب اعتباري هذا
يزن: مااريدج تعتبريني اخوج ماشي
يمام: خلصت اكلي كمت من مكاني رجعت غراض مكانهة جاي اصعد فوك يزن لزم ايدي
_ايدك عني
يزن: واذا معفتهة شسوين تعيطين بعد احسن علمود اكو سبب يزوجوج الي
يمام: جريت ايدي قوي وضربتة كف
_لا مو بهذا الغباء قسم بالله يزن اخر انذار الك مرة جاي اتصرف غير تصرف مو اروح اتبجبج لااهلي واشكيلهم عليك لا ميسون شي اني باايدي شي عليك وانت تعرفة كلش زين فااحترم نفسك وخليني محترمتك ماشي..
صعدت لغرفتي اني واختي زهراء
زهراء: شبيج عصبية
يمام: يااختي هذا يزن شكد مزعج
زهراء: هم رجع تودد الج
يمام: اي يلح لزم ايدي قبل شوية
زهراء: شسويتي ليش ماتحجين لاامي
يمام: والله ضربتة كف وهددتة هههههه ميفيد احجي لاامي لان مسوي شي ..
وتعرفين اذا حجيت شيخلصني من عمتي سعاد طلعني اني جذابة ومنافقة 😑..
وبعدين يجون يجبروني ازوجة ويحصل الي يريدة مو غبية اسوي هيج ..
زهراء: هم صحيح اتحملي بس بنفس وقت ديري بالج منة نضراتة الج مو راحة
يمام: يماا فدوة لااختي الي تخاف علية
زهراء: هههههه اويلي من يما مالتج
يمام: تغير دول وتجيب عوائل وتنصر بلاد
زهراء: مو بالغتي شوية
يمام: والله بالغت هواي مو شوية ههههههه..
رحت طفيت ضوء ونمت ..
كعدت صبح على صوت زهراء تكعدني
زهراء: كومي امي تصيحج تتريكين
يمام: خمس دقائق وجاية ..
كمت غسلت وجهي وسويت شعري رحت لمطبخنة لان عدنة مطبخ خاص بينة بس مرات ماالكة الشي الاريدة انزل للمطبخ الجوة مهم شفت ابوية كاعد رحت بست ايدة
_صباح الخير يابة
حسين: صباح النور بنتي تعالي تريكي
يمام: يمااا فديت ابوية احلى واحن اب رحت اتريكت ورة شوية حجيت
_اكول ابوية
حسين: اعرف هاي نبرة ماالتج شتردين كولي
زهراء: هههههههه تعرفهة
حسين: شلون غير بنتي اثنينكم اعيوني الكم
يمام: يمااااا روحي الك..
يابة اني ستوني طلعت من سادس وهيج تعبانة خل نروح لااربيل سفرة
حسين: اكول حجي هنا بلا فاطمه شدكولين انتي
فاطمه: والله حسين هية يمام لحت الة تطلع خل نونسهم خطية ..
حسين: ماشي بوية نتفق فد يوم ونطلع
يمام: ماشي حبيبي باباتي شكرا
حسين: تدللين بنيتي شعندي غيركم يلا اروح للمحل محمد تجي ويانة
محمد: اي اجي
حسين: يلا تعال اتأخرنة شوية
يمام: عفية بمحمد اشتغل من هسة وجيب فلوس واني اصرفهن هههههه..
محمد: لا والله ذني فلوسي مااطيج بس ربع
يمام: ليش يل خبيث ديلا روح لاابوية يصيح عليك ..
شفتو احمم خل نبدي نجهز للسفرة
فاطمه: والله مالي خلك طلعة بس من ورة لحتج راح نروح
يمام: اكو احلى من لحتي يماا
زهراء: هههههههه
يمام: اروح فدوة لهل ضحكة يماا
زهراء: ترة اخجل
يمام: اليسمعج خطيبج جاي يتغزل بيج هوة اني ههههههه
زهراء: عابت
يمام: ههههههههه اوي  ..كمت غسلت مواعين ريوك نزلت جوة كالعادة افتر بالحديقة واسوي تمارين رياضية احافظ بيهة على جسمي ..
ضليت امشي على جهاز مشي اجة يزن..
يزن: لاتتمرين اكثر خاف تنكطمين
يمام: لا اله الا الله عاجبني اضعف او اسمن هذا شي يخصني ميخصك افتهمت
يزن: لايخصني لان مااريد زوجتي مستقبيلة تصير ضعيفة كلش
يمام: استغفر الله ربي ..كمت من مكاني طبيت سبحت طلعت من حمام جففت شعري وحطيت مكياج خفيف دكيت على صديقتي سهى
_لج هلااااا يمااا
سهى: هههههههه خبال وهلا بيج شلونج مشتاقتلج
يمام: اني الاشوق حياتي
سهى: شلونة يزن 😆
يمام: طاح حضج وحض يزن عار ومشكلة عار ميصير بي شي
سهى: ههههههه هلكد معقدج
يمام: واكثر مما تصورين لاذكريني اي سولفيلي على أحمد العشق مالتج😆
سهى: ههههههههه ولي جان طيش وانعجبت بي
يمام: مجاي اصدك هاي نفسهة الحبتة وتخبلت فترة
سهى: انتي كلتيهة تخبلت فترة هههههههه...
●●●●●●●●●●●●●●●●●●●●●●●●●●●●●●●●●●●
رافد: منو انتي من وين شلون اكدر اساعدج وانتي متحجين شي..
يمام: ماتو شفت دمهم تلطخ على ايدي وسيارة كلهة دم بس شكلهم مثل ملائكة ماتو ..
رافد: شفتهة لازمة شعرهة باايدهة وتضرب براسهة وتردد ماتو وجمل وياهة
_ لزمت ايدهة لان وصلت درجة تأذي نفسهة فهميني منو اتوفة وليش تيشيرتج كلة دم شنو سالفتج
يمام: ماتو مجاي اصدك عقلي مجاي يستوعب ..
رافد: بس فهميني علمود اكدر اساعدج باوعت عليهة كامت من مكانهة كمت وياهة باوعت علية جان تتخربط لزمتهة وكمت اطبطب على وجهة متصحة شلتهة باايدية للسيارة مشيت مسافة لمحل اشتريت مي وصحيت بيهة بدت تصحة خابرني اخوية هادي وية مخابرتة كامت تبجي البنية ردت افتهم شنو سالفتهة سئلني اخوية منو جاي يبجي مااعرفت شجاوبة كتلة ارجع واحجيلك ..
بس لاتعيطين فهميني بهدوء شصاير..
يتبع..
السلام وعليكم قصة مضمون جديد واحداث حلوة هذا النصف الاول للجزء الاول ونص ثاني على باجر اتمنى منكم تصويت وتعليق وشكرا😘