ألتقت طرقنا

الجزء الثاني(النصف الاول)

☆السلام وعليكم لاتنسون التصويت ورأيكم بالقصة ..
يمام: سمعت رجال خلص حجي سحبت نفسي وحطيت ايدي على حلكي بديت اكتم انفاسي وصوتي ..
ضليت افكر شلون راح اطلع واحمي عائلتي واحمي نفسي
اقدامي بديت ترجف وسنوني بدت تنطبك من خوف رجعت راسي ليورة وايدي على حلكي ضليت على نفس كعدة الى ان وكفت سيارة انتبهت على رجال نزل ورجع ليورة نزلت راسي وايدي فتح صندوك بعدين دك تلفون وابتعد عرفت هاي فرصتي اطلع واصيح عالم يجون يساعدون اهلي..
حركت جنط شوية ونزلت من سيارة وخوف يتملكني من خوفي ركضت كلش بعيد وهوة ممنتبه جان يخابر جان اكو بيت صغير وكفت ورة هذا بيت شفتة فتح جنط طلع من عدهة فد شي مااعرف شنو جان استغربت لان احنة محاطين هيج شي بعلاكتنة بعدين انتبهت على ابوية كعد فرحت انداريت اريد الكي احد يساعدني ماكو ولا بشر بس بيوت متروكة ..
انتبهت على ابوية نزل من سيارة ..
راح يم رجال وبدة هوة ويا يتكاتلون بعدين نزلت امي واخوية صغير واختي تعيط جاي امشيلهم مااشوف الة ضرب ابوية طلقة بصدرة اباوع على امي كامت تعيط وتلطم عيط رجال على امي جان يضربهة طلقة اريد رجلي تحملني اكوملهم مااكدر اريد اشتم هوة مااكدر احس وكفت بية حياة صدمة خوف الم كلهن اجتمعن بية رجلي ماحملتني اوكف كعدت بالكاع حاسة نفسي بحلم اتمنيت للحضات قليلة كلشي صار يطلع من وهم خيالي ..
ضلت زهراء تعيط وتصرخ واخوية احمد باوع على اهلي ووكع اجتي زهراء تلزم اخوية وتبوس بي واني الي رجلي ماتحملني اكوم من مكاني حسيت نفسي انسانة كلش ضعيفة باوعت علية لزم زهراء اختي من ايدهة وجرهة وهية تضرب بي اخذهة للسيارة كمت من مكاني حاولت اركض مااكدرت امشي وااوكع شفت سيارة ابتعدت وشفت اهلي بهل منضر كعدت يمهم مديت ايدي الترجف على ابوية
_ابوية بنتك هنا يمك شوف موجودة يمك كوم خل نرجع للبيت ابوية كوم انت تسمعني موو بس نايم مو بابا دخيلك كووم بابااااااااا كوووم اني يمك واللله بس كوم انداريت على امي
_اميي حبيبتي يمج بنتج باعي يمامتج يمج بس كومي باوعت عليهة فتحت عيونهة لزمت راسهة
_امي باعي علية لاتخافين هسة اجيب شخص يساعدنة بس لاتغمضين عينج باوعت علية وكالت بصوت متكطع
فاطمه: يمامتي بنتي ديري بالج على اخوتج وروحي منا مااريد شي يصير عليج روحي
يمام: امي مايصير علية شي بس باوعي علية ولاتغمضين عيونج ماشي امي حبيبتي اني هسة اجيب واحد يساعدنة بس لاتغمضين حبيبتي ماشي كمت من مكاني كمت اصيح
_يااااعالم يااااناس ساعدوووني اميي حتموت دخيلكم ساعدوني رجعت لاامي جانت مغمضة عينهة وطالع سائل ابيض من وجهة
_امييييييييي لاتغمضيين مو كتلج لاتغمضين لزمت ايدهة وضليت ابوس بيهة بس لاتعوفيني اميي حبابة دخيلج كمت من مكاني شفت اخوية نفس حالة بس مامضروب طلقة..
ركضت علية حطيت راسي على صدرة اسمع دكات كلبة ماكو
حطيت ايدي على وريدة ماكو نبض جريتة لحضني حبيبي حمودي تذكر لمن كتلك اخذ منك فلوس لمن تشتغل اشاقة والله مااخذ ولا شي بس كوم حبيبي منتضرتك نرجع نتناكر اني وياك تذكر لمن لعبت وياك طوبة حبيبي انتة بس كوم حضنتة قوي كمت يم اهلي حطيت راسي بحضن ابوية وامي لحضات بالكلام سهلة بس لمن تشوف اهلك حريتك سعادتك كلهة تموت كدامك وماتكدر تسوي شي تحس نفسك ضعيف و ضايع ماتكدر تسوي شي اصعب لحضات بالحياة لمن تفقد اعزازك بلحضات ..
كمت من مكاني جريت جثث اهلي لبيت صغير مااخليهم بنص طريق حضنتهم
هسة جاية مااعوفكم والله ..
قريت اقرب شي علمود ارجع لمكان اهلي.. رحت مشيت مااعرف وين ماخذتني طرق مااعرف شراح يصير بعدين ..
احس نفسي جسم ويمشي روحي تفكر بااهلي وتفكر بصار قبل شوية وكف ذردت ذهني صوت هورن سيارة باوعت عليهة ضليت واكفة مكاني ردت سيارة تدعمني مجاي اتحمل كلشي جاي يصير بحياتي مجاي اتحمل فكرة فقدت عائلتي وفقدت اختي بوضع مجهول غمضت عيني اتشاهدت ..
فجاءة وكفت سيارة ماندعمت طلع منهة واحد يصيح ..
●●: ع ادكلج هورن متسمعين اكو واحد يضل واكف هنا
يمام: باوعت علية بديت ابجي متحملت
_ليش مموتتني ليش وكفت لييش
●●: شنو خبلة انتي تردين تموتين
يمام: اي خبلة اني اريد اموت سمعتنيي ارييد اموت مجاي اتحمل صاير .
●●:منو انتي فهميني شصاير ليش تردين تموتين وليش ملابسج كلهة دم
يمام: ماتو دمائهم اتلطخت باايدي تدري شعور فقدان صعب تدري شلون جانت وجوهم مثل ملائكة ماتو يالله بعد مااشوفهم كعدت بالكاع اريد اجمع عقلي الي احسة فرغ ومجاي يستوعب شنو صاير كمت اضرب بنفسي واجر بشعري احة لزم ايدي
_عوفنيي كتلك مجاي اتحمل عوفني
اجة كومني ضل يسئلني شنو صاير ضلمت بية دنيا ووكعت
انتبهت على روحي كاعدة بسيارة فتحت عيوني لكيت نفس شخص جاي يخابر  ضليت ابجي سد خط
●●:بس كليلي منو انتي وشلون اكدر اساعدج
يمام: فتحت باب سيارة وكمت اركض احة لزمني
_عوفنيي اريد اروح
●●:لمن تفهميني وتكليلي شنو حالتج يلة اعوفج احجي شصاير وليش قميصج ملطخ بدم ..
يمام : حسيت شريط الي صار لمن انقتلو عائلتي انعاد كدام عيني وصوت طلق ودم كلة انعاد مااتحملت واتخربطت من جديد فتحت عيني بالمستشفى باوعت زين حاطيلي مغذي
كمت من مكاني شلت مغذي من ايدي اريد اروح لااهلي وعدت اهلي ارجعلهم ..
اجة علية نفس شخص
رافد: وين رايحة
يمام: ماجاوبت ضليت اريد اطلع رغم دوخة مو طبيعية براسي ..
وكف كدامي وسئلني
●●: باعي اريد اساعدج مااكدر اعوفج بهاي الحالة كليلي منو انتي من وين ليش هيج شكلج شصاير ليش تلحين تطلعين شنو مسوية شي غلط وجاي تنهزمين..
يمام: من كالي مسوية شي غلط دفعتة من كدامي حجيت وصوتي يرجف
_ مااسمحلك تحجي علية هيج لك اهلي ماتو كدام عيني انقتلو جاي تسمع انقتلو ومكدرت اسوي شي افهمني عقلي مجاي يستوعب صار نفسي مجاي تساعدني اسوي اي شي اني واعدتهم ارجعلهم هذا سبب سمعتني بس كافي تعبتت واللله تعبت ..
انتبهت علية انصدم رجع ليورة كملت طريقي اريد اطلع لااهلي..
اجة كدامي من جديد
_هسة شنو ممكن توخر اريد اروح
●●: اعتذر مجان قصدي الحجيتة بس انتي مرضيتي تحجين اسمي رافد اريد اساعدج مااكدر اعوف اي شخص انتي ولاغيرج اشوفة بهل حالة وخاصة انتي بنية كليلي وين اهلج نروح اني وياج..
يمام: هزيت راسي ورجفت ايدي مسحت دموعي كتلة على مكانهم..
رحنة للمكان دليتة على اقرب شي من اهلي ..
نزلت من سيارة ركضت لاهلي ..
كتلكم اجي متأخرت حطيت راسي بحضن امي بهاي الاثناء شفت قوات شرطة جتي وبدو يشيلون جثث اهلي
_عوفو اهليي  الله يخليكم انتبهت على احد يسحبني باوعت نفس شخص
_الله يخليك خل يعوفون اهلي كمت اركض لااهلي ضل رافد لازمني واني ابعدة عني مااكدرت لان اضخم مني باوعت على اهلي شلون ياخذوهم حسيت هبط ضغطي من جديد فتحت عيني شفت..
يتبع
طبعا صار خطأ بالبارت منتهبت علية😑