يمام: اني هسة خسرت حنان الاب حنان الام شلون حكمل حياتي بس فهمني..
رافد: كسرت خاطري لمن حجت هيج حسيتهة يائسة
_انتي قوية واذكري اختج تنتضرج واني موجود يمج اساعدج حتى ان كانت مساعدتي لفترة قصيرة
يمام: مسحت دموعي وشكرتة على مساعدتة حسيت نفسي انسدت شربت مي وكعدت
رافد: شنو شااكلتي
يمام: انسدت نفسي
رافد: راح تتخربطين اكلي ميصير تضلين بدون اكل كمت سويتلهة لفة
_عيب ترديني
يمام: باوعت علية سوالي لفة وكال عيب ترديني اخذتهة كمت اكل بس صنفات عندي هواي ..
خلصت الاكل جاي اكوم
رافد: وين رايحة ..
يمام: اريد اغسل ايدي
رافد: هذا بطل ويمج كلينس عليش كايمة
يمام: فتحت بطل غسلت ايدي ونشفتهة دفع رافد الحساب وطلعنة للسيارة كعدت ليكدام حطيت راسي قريب على جام وضليت اباوع للطريق ...
هذا الطريق نفسة الي اخذ اهلي كرهت هاي المدينة كرهت نفسي حسيت اني السبب بكل الي صار بسبب لحتي المفرطة كل شي صار ..
رافد: شفتهة صافنة على طريق تكسر الخاطر كلتلهة
_شنو ع تفكرين
يمام: رجعت عدلت كعدتي .. تدري مرات احس نفسي اني المذنبة بكل الي صار بسبب لحتي على طلعة هيج صار يعني اني سبب بكلشي بسبب تهوري توفو اهلي
رافد: انتي شعليج هذا قضاء وقدر ولاتلومين نفسج مكتوبلهم بهذا اليوم يموتون لعد ليش انتي واختج بقيتو عايشات لان ممكتوبلكم تموتون بهذا اليوم فلا تلومين نفسج شفتهة اخذت شهيق وغمضت عينهة دزيت رسالة لرانية
●رانية يمام حتبقة يمنة فترة قليلة غيح اجيبهة يمج عينج عليهة
■ماشي
يمام: وصلنة للبيت وكفت كدام البيت استحيت اطب من جديد
رافد: باوعت عليهة مترددة تدخل
_لاتستحين بيت بيتج
يمام: ابتسمتلة..طبيت للبيت لكيت رانية بالكراج اخذتني لداخل بيت انتبهت على رافد طلع صعدت بغرفة رانية ضليت كاعدة سولفت فترة وية رانية بعدين صعدت بنية ثانية جانت تباوع علية بحقارة شديدة سئلت رانية كالت هسة اسولفلج طلعت البنية كالتلي رانية
رانية: باعي حبي هاي البنية اسمهة مهى تصير بنت عمتي وعمتي زوجهة متوفي فاابوية الجبير لازم يهتم بااختة عايشة ويانة
يمام: زين ليش هيج تباوعلي
رانية: قصة طويلة ع كلن عن حلال وحرام جاي اسوي بملابسج لكيت فلوس نشفتهة الج بس صاير بية زهايمر نسيت اطيهة الج
يمام: عادي حبيبتي هوة منو باقي براسة ذاكرة اني من ناس نسيت اصلن فلوسي حتة مااذكر شكد جانو
رانية : ورقة جانت
يمام: هاا...جابتلي رانية الفلوس
_تكدرين ضميهن يمج لمن احتاجهن اخذهن
رانية: باعي راح اضمهم بالكنتور شوكت تحتاجيهن موجودات هنا
يمام: ماشي تعبتج وياية ..شوية وصعدت مرة تبين بالاربعينات نهايتهة
ام هادي: السلام وعليكم
يمام: وعليكم السلام
ام هادي: بنتي اني ام رافد اي شي تحتاجين اني حاضرة واذا تستحين مني موجودة رانية تساعدج البيت بيتج وخاف ببالج انتي مسوية علينة ثگل لا بالعكس كل ضيف نحطة ع غاسنة(راسنة) ..
يمام: ما تقصرين خالة والله مااعرف شلون اشكركم واشكر رافد خصيصا لو لا مجنت اعرف شراح اسوي بمحافضة مااعرفهة وحتى مجنت اعرف اني وين ..
ام هادي: اني سمعت قصتج من ابو رافد بس ماحجاهة كاملة تكدرين تسولفيلي ..
يمام: حجيتلهة لاام رافد قصتي تعاطفت وياية هواي وطبطبت على ضهري وكالت
ام هادي: انتي قوية بنتي التتحمل وتكدر تنجو من ناس قتلة اكيد تتحمل اتعاب الحياة وان شاء الله احنة منقصر بشي وياج ومانعوفج الة نتأكد انتي ببيتج..
يمام: تسلمين والله مااعرف شنو اكول وشلون اشكركم بس وجودي هنا احسة شي صعب
ام هادي: بنتي لاتحجين هيج هوة انتي جنج طير هادئ
يمام: ابتسلمتلهة اسمي يمام همين نوع من انواع طيور
ام هادي: ماشاء الله اسم على مسمى
يمام: شكرا ..طلعت ام رافد برة ضليت كاعدة بمكاني اجوي اطفال صغار علية يطلعون ٨ سنين او ٧ ..
● خالة انتي حلوة وهاي طاسة بوجهج حلوة
يمام: ههههههههههه انتة الاحلى اذا تعجبك الطاسة اخذهة
■خالة تلعبين ويانة ختيلان
يمام: انتو شنو اساميكم
●اني اسمي ابراهيم
■اسمي صالح
يمام: عاشت الاسامي
صالح: خالة تعالي لعبي ويانة ختيلان
يمام: هههههه استحي العب ...لزمو ايدية وكامو يجرون بية علمود العب
_يلا يلا كايمة بس عوفو ايدي هههههههه
باعو هذا الحايط راح احسب من ١ لل١٠ وابدي ادور عليكم
انداريت على حايط وبديت احسب كتلهم
هاااحلال..صاحو اي حلال
طلعت من غرفة بديت ادور عليهم شافتني رانية
رانية: على منو ع دورين
يمام: على صالح وابراهيم جاي العب وياهم ختيلان
رانية: هههههههه تعبانة انتي ليش تلعبين وياهم
يمام: لا عادي اتونس وياهم احسن مما يقتلني تفكير ..
رانية: براحتج قلبي ..
يمام: يسلم قلبج حبيبتي ..راحت للغرفة رجعت ادور بالطابق ثاني سمعت صوت بغرفة من غرف رحت اتبعت صوت دخلت للغرفة شفت راسهم
_هلو هلو شفت راس واحد وراح اجي هسة
مااشوف الة طلع من مكانة وكمز على جرباية
_هههههههههه راح تخسر هسة الزمك ..
افتر يمنى هوة يروح يسرة افتر يسرة يروح يمنى
_شلون بيك تعبتني انت حتخسر
صالح: خالة ماااخليج تلزميني مااخسر اني
يمام: هلو هلو واذا اكلك حتخسر هسة ...جاي اركض ورا انفتحت باب ودخل رافد وركض صالح ورا..
رافد: شنو ع يصير
صالح: مالزمتيني مالزمتيني عمو رافد لاتخليهة تلزمني
يمام: حسيت بالخجل اني جاي اركض ورى طفل مثل جاهلة والعب ويا ..
_احم جاي العب وية صالح وابراهيم
رافد: شنو
يمام: خرب غلطت بالتعبير
_اقصد طلبو من عندي العب وياهم ختيلان ومااكدر ارفضلهم طلب سمعت صوتهم هنا اعتذر معبالي غرفتك هاي..
شفتة ضحك حسيت باالفشلة..
_ااا رانية هسة دور علية باي ..ركضت من غرفتة ورحت لغرفة رانية شتورطت اني الة اصغر عقلي وافشل نفسي يلا هية لعبة عادي اصلن..
اجة انداريت لكيت ابراهيم وصالح واكفين ويصيحون حلال حلال ...ههههههههه كلة من وراكم ..
راحو جهال ورجعت لنفس الوحدة والغوص بالذكريات بعدين جتي رانية
_رانية اريد اساعدكم ع الاقل التهي مااريد افكر..
رانية: ماشي حبيبتي ..
يمام: ماشي..صار العشة ورانية جابتة الي فوك خلصنة اكل كلتلهة انزل وياج اغسل مواعين وافقت نزلنة جوة كالت لاختهة خديجة ..
رانية: اني ويمام غاح نغسل المواعين غيحي ارتاحي اليوم
يمام: شفتهة صعدت باوعت مواعين هواي فرحت قبل اذا جانت مواعين هواي مثل هاي اضوج بس هسة اني اريد مواعين..
_رانية اني اغسل وانتي رجعي
رانية: ماشي راح اجيب بقو
يمام: ماشي كامت تجيب هية وبنت عمتهة وبنية ثانية المواعين.. مااعرفت البنية الثالثة منو ورة مابقينة اني ورانية بالمطبخ سئلتهة منو هاي كالت زوجة هادي وابنهة صالح وابراهيم ...
بديت اغسل بالمواعين خلصتهم جتي رانية صبت جاي الي والهة واجتي ام رافد
ام هادي: ليش مخلين بنية تشتغل
يمام: والله خالة اني ردت ااريد التهي بينما ارجع لبيتي لان كثرة تفكير تقتلني
ام هادي: بنتي سوي اليعجبج والترتاحلية بس اني ردت مااتعبج
يمام: لا خالة والله مجاي اتعب اصلن تونست وية رانية ..جاي نحجي طب رافد للمطبخ..
يتبع
أنت تقرأ
ألتقت طرقنا
أدب نسائيكانت رحلة لتتخلص من همومها وتبتسم.. فلم تكن تلك الرحلة عادية وأنما أخذت احبابها وعائلتها .. أضلت طريقها ووقعت شاكية وباكية للقدر .. فمدت اليها يدي الرحمة من شخص هوتهة حب وغمرت قلبها عشقا له .. فألتقت طرقهما معا وبدأت حرب عشق وصراع حب وضلم قدر.. ل...
