يمام: رانية وبنية نايمين بالغرفة اختنكت ردت اطلع افتر .. فتحت باب رجعت من نفس طريق صعدت ماشاء الله بيت جبير حتة واحد يتيه نزلت لطابق الارضي مشيت فتت لغرفة طلع مطبخ جاي امشي وكع كلاص بالكاع اخذتة رجعتة لمكانة مااحس الة واحد لازمني من ورة وحاط مسدس براسي انداريت مصدومة لكيت رافد ومسدس على وجهي
رافد: هاي انتي عبالي واحد دخل للبيت
يمام : باوعت على مسدس وبعدين كتلة
_جنت اريد اطلع للحديقة حسيت نفسي اختنكت
رافد: اعتذر ..
صار بية ارق ماكدرت انام من الاحداث الصارت اليوم نزلت جوة سمعت اصوات شلت مسدسي عبالي احد طب للبيت لزمت الشخص وحطيت مسدس براسة اندارت طلعت البنية سئلتهة كالت حست نفسهة اختنكت وطلعت وخرت مسدس من راسهة واعتذرت بعدت من عدهة رحت للبراد صبيت كلاص مي باوعت عليهة طلعت برة للكراج ..
ادنداريت رجعت كلاص مكانة طلعت وراهة لكيتهة كاعدة ع مرجوحة..
يمام: طلعت برة للحديقة جانت اكو مرجوحة كعدت جنت صافنة انتبهت على رافد اجة بااتجاهي..
رافد: جيت وكعدت بصفهة كتلهة
_شلون صرتي
يمام: اجذب عليك اذا اكول زينة احس نفسي ضايعة مجهولة تائهة كلشي جاي اعيشة احسة حلم ..
رافد: باوعت عليهة تكسر خاطر
_بس انتي محجيتي سالفة من بداية وانتي من يا محافضة و شنو اسمج
يمام: يمام من بغداد
رافد: عرفت من محافضات وسطى مبينة من لهجتج
يمام: حجيتلة من اول مقررنة نطلع سفرة لحد مساعدتة الي..
خلصت حجي حسيت بغصة وصوتي رجف دمعت عيني مااتحملت وبجيت ..
رافد: لاتخافين انتي باامان هنا واي شي تحتاجين موجود اني او اذا تستحين مني اختي رانية موجودة ..
شفتهة ضلت ساكتة بعدين مسحت دموعهة وكالت
يمام: شكرا تصبح على خير
رافد: وانتي من اهل الخير ..
يمام: صعدت للغرفة نمت كعدت الصبح على صوت رانية تكعد بية
رانية: صباح الخير يمام رافد يكول خل تكعد علمود نطلع لمركز الشرطة
يمام: صباح النور ماشي ..
كمت من مكاني غسلت وجهي رجعت لرانية
_بس ملابسي قديمات وينهن
رانية: غسلتهن الج وكويتهن هسة اجيبهن الج
يمام: تسلمين تعبتج ..
جابت ملابس من كنتور وكالتلي
رانية: ولو حبيبتي تعبج راحة
يمام: ابتسمتلهة رحت لبست ملابسي ورفعت شعري لان جو حار جان..
لكيت رانية بعدهة بالغرفة
رانية: يلا ننزل
يمام: ماشي نزلنة جوة وية نزلتي شفت صوت قراءة قرءان كلش حلو وكفت بمكاني استمع للصوت
رانية: صوت الحجية كلش حلو بقراءة القرءان
يمام: اي كلش حلو
رانية: تعالي خل ندخل هية اصلن رادت تشوفج
يمام:دخلنة لغرفة الحجية صدقت بالقرءان الكريم واندارت علينة
رانية: بيبي هاي البنية الي حجالج عليهة رافد
الحجية: هلا يمة تفضلي كعدي
يمام: جيت كعدت يمهة
رانية: طبعا يمام سمعت صوتج بقراءة القرءان كلش حبتة وضلت تستمع الة
الحجية: اي شي من القرءان الكريم حلو صوتي او صوت غيري..
يمام: صحيح بس مو كل شخص يكدر يحجي بحنية مثلج
الحجية: تسلمين بنتي
يمام: ابتسلمتلهة بعدين سمعت صوت رافد يصيح رانية راحت ركضت الة ..
الحجية: بنتي عرفت قصتج وشنو صاير وياج اتذكري ان الله موجود وان الله يمهل ولايهمل ضالمين ودامج انتي واثقة ان الله موجود ويساعدج لاتخافين ابدا ..
يمام : طبطب على ايدي ابتسمتلهة جان تجي رانية
رانية : رافد يكول خل تجي
يمام: ماشي جاية سلمت على الحجية وطلعت ..
طلعت وية رانية باوعت اكو مرة وبنية باوعت علية كأنو ضايجة من عندي مااهتميتلهة لان البية مكفيني طلعت للسيارة كعدت احة رافد شغل سيارة للمركز الشرطة ..
طبيت للمركز كانت اول مرة ادخل لمركز بحياتي جنت خايفة بس لمن جان رافد موجود يمي حسيت بطمئنينة ولو كانت قليلة اطيت افادتي حجيت للضابط كلشي صار من الالف للياء بنص الحجي وبجيت
الضابط: بنتي لاتبجين ان شاء الله نلكة منو سوة هيج زين انتي كلتي عندج اخت اخذهة انتبهتي من ياطريق اتجهت السيارة او انتبهتي على رقمهة لونهة او نوعهة..
يمام: جانت بيضة مااعرف بالسيارات بس هية جبيرة بس انتبهت علية اخذ اختي للسيارة وطلع بااتجاه يمين مكدرت اسوي شي جان ماكو اي احد بالمنطقة ولااي شي بس بيوت قديمة هاي..
الضابط : هاهية بنتي انتضري فد 10 ايام بينما تطبع نتائج تشريح نعرف نوع مسدس من طلقات ونعرف سبب وفاة اخوج الصغير وبعدين..
يمام: بعدين شنو
الضابط: بعدين تحاولين تتصلين بااقاربج يجون يسوون فاتحة ويدفنون جثث واحنة حنصدر امر يبحثون على اختج والله كريم ..
رافد: الله كلو كرم حضرة الضابط اشكرك راح تضل يمي لحد ما كلشي يصفة ..
الضابط : ماشي ابني
يمام: جاي نطلع من مخفر واحد من موجودين حجة وغمزلي
*غلطان الي يكول انسانة عادية انتي من الخلق توئمك حورية 😉
يمام: كملت طريقي مالي خلك حسيت حياتنة شكد سخيفة ناس تتغزل ناس تدخب سجون ناس تقتل ناس تختطف صرت اتمنى الله ياخذني من هل حياة ..
كمت امشي شو رائد مو بصفي انداريت لكيتة جاي يتكاتل وية شاب رحت ركضت علية
_رائد عوفة
رافد: جاي نطلع من مغفر واحد شمر حجاية ليمام مااتحملت غيرتي متسمحلي اسكت رحعت علية وبديت اتكاتل ويا جتي يمام دكلي اعوفة ..
_خل يولي العار يتغزل بيج شنو متستحي انت ماعندك خوات
اجة الضابط وخرني من عندة وجانت يمام تحاول تبعدني ولازمة جتفي اعتذر ضابط من عندي انداريت على يمام الي جانت لازمة كتفي ..
يمام: ليش ماعفتة ميحتاج خل يولي
رافد: مااقبل اي شخص جان يتغزل بااي بنية سواء انتي او اختي وخاصة اذا اني موجود ماشي
يمام: انتبهت علية لازم جتفة عفتة مشينة للسيارة ..
رافد: راح نغيح لمطعم كلش حلو اكلة
يمام: شنو
رافد: هههههه نسيت نتعرفين تكريتي يعني نروح لمطعم نتغدة يسوي سمج طيب..
يمام: ابتسمتلة يعني غيح اروح او تروح
رافد: هههههه اي بديتي تتعلمين
يمام: نزلنة لمطعم كعدنة اجة نادل
نادل: اخوية اذا تغيد(تريد) غيح بجهة العوائل انت و مغيتك(مريتك)
رافد: هههههه مو مغيتي (مريتي)
نادل: اعتذر شتغيد طلب
رافد: سمجة صغيرة ولبن شرب
يمام: جان نادل يدردم وية رافد بالتكريتي واني حاولت افتهم مكدرت يعني حسيت بااختلاف الكبير باللهجات بين شمال العراق و جنوبة جنت محاسة بهذا الاختلاف ببغداد راح نادل
_شنو حجة مفتهمت
رافد: هيج بس كال اذا تردون تروحون لجهة ثانية بالمطعم كتلة لا مرتاحين
يمام: ههههه شو ضحكت لعد
رافد:اذكرت شغلة
يمام: هاا ..اجة سمج شاوينة على فحم ريحتة جانت كلش طيبة جاي احاول افتح سمجة مكدرت جانت كلش حارة اطة رافد فتحهة الية اذكرت لمن جنة نكعد وية ابوية ويفتحلنة سمج لان حارة ويتحمل الحرارة لحضات صغيرة جانت بحياتي محسيت بيهة الة بمن فقدتهة دمعت عيني دائما تخوني عيني لمن اذكر شي على أهلي
رافد: شفتهة تبجي طلعت كلينسة اطيتهة الهة
_صيري قوية اذا مو لخاطرج لخاطر اختج المفقودة ..
يمام: جاي احاول بس كل شي بسيط جاي يصير يذكرني بااهلي هسة شفت لمن فتحت سمجة الي جان ابوية هيج يسوي الي تدري هاي الاشياء البسيطة تتمناهة لمن تفقدهة اني هسة خسرت حنان الاب حنان الام شلون حكمل حياتي بس فهمني..
يتبع..
طبعا اعتذر ع توقف نشر يومين وتأخير نشر نص ساعة بس كلش مريضة افلاونزة وسخونة واليوم يلا صحيت اتمنى تعذورني على النشر واذا كدرت باجر انزل بارتين انزل واعذروني اذا اكو خطأ املائي وشكرا❤
أنت تقرأ
ألتقت طرقنا
ChickLitكانت رحلة لتتخلص من همومها وتبتسم.. فلم تكن تلك الرحلة عادية وأنما أخذت احبابها وعائلتها .. أضلت طريقها ووقعت شاكية وباكية للقدر .. فمدت اليها يدي الرحمة من شخص هوتهة حب وغمرت قلبها عشقا له .. فألتقت طرقهما معا وبدأت حرب عشق وصراع حب وضلم قدر.. ل...
