ألتقت طرقنا

الجزء الاول(النصف الثاني)

☆السلام وعليكم لاتنسون تصويت ورأيكم بالقصة..
●●●●●●●●●●●●●●●●●●●●●●●●●●●●
رافد : بس لاتعيطين فهميني بهدوء شصاير ..
يمام: شاافهمك اني لحد الان ممستوعبة شصار..
رافد: احجيلي شنو صار علمود اساعدج شفتهة فتحت باب سيارة وكامت تركض ..
نزلت من سيارتي وركضت وراهة لزمتهة
_شجاي تسوين وين راكضة وانتي بهاي حالة
يمام: عوفني دخيلك
رافد: اريد اساعدج شلون اعوفج بهل حالة صيري زينة واعوفج ..
باوعت علية بس تبجي جانت سافرة شكلهة مو من تكريت ولهجتهة بغدادية او لهجة من محافضات وسطى ..
جنت لازم ايدهة جتي اتخربطت من جديد مشيتهة للسيارة واخذتهة للمستشفى ..
●●●●●●●●●●●●●●●●●●●●●●●●●●●●●●●●●●●
يمام: خلص يومي بشكل عادي بين مساعدة عماتي وبين رزالتي ليزن صار الليل رحت نمت ..
بالحلم كأن أني بهاي ملابسي واشوف أمي واخوية وأبوية لابسين أبيض اباوع لاامي ابتسمتلي هية وابوية وبعدين مشت لباب جانت كلش ضخمة عبرت من عدهة رحت اركض ورة امي علمود اجي يمهة أنسدت باب بوجهي اعيط وادك بالباب مينفتح رجعت ادور على اختي زهراء جانت بملابس مكطعة وكلهة تراب باوعت عليهة بااستغراب شفتهة جاي تبجي باوعت علية وراحت لمكان واختفت ركضت وراهة عيطت الهة ماكو اختفت كعدت بصف باب أبجي شفت أيد انمدت الي هاية نهاية الحلم كانت كعدت مخروعة وخايفة قريت معوذات وبعدين كمت من مكاني شفت زهراء نايمة بمكانهة اطمنت ان هذا حلم رحت لغرفة أمي وابوية شفتهم نايمين جانت اكو مسافة قليلة جيت اتمددت يم امي الي حست علية
فاطمه: هاا يمة شبيج
يمام: امي خايفة حلمت حلم مو زين خل انام يمج
فاطمه: حبيبتي اتعوذي من شيطان ورجعي لمكانج
يمام: امي اريد انام يمج مااريد ارجع لمكاني
فاطمه: ماشي حبيبتي
يمام: ابتسمتلهة ابتعدت شوية علمود يصيرلي مكان يمهة كامت حطت شفتهة ع كصتي حركتهة معتادة علمود تشوفني اذا ارتفعت حرارتي حضنت امي ونمت حسيت بشعور غريب حسيت مراح احصل حضنهة بعد ..
قنعت نفسي ان هذا حلم والحلم ميتحقق كعدت صبح ب١٠ كمت من جرباية ابوية وامي جان ضهري متكسر من نومة..
رحت لغرفتي شفت زهراء كاعدة جيت حضنتهة
زهراء: شنو سر هل حب من صبح
يمام: يولي احبج غير اختي انتي
زهراء : اني هم احبج صدك البارحة ليش نمتي يم امي
يمام: حلمت حلم مو زين وخفت
زهراء: جان قريتي معوذات
يمام: قريت حبي بس حسيت احتاج حضن امي
زهراء: ماشي حبيبتي كومي اتريكي..
يمام: هزيت راسي وكتلهة يمااا فدوة للي يدير بالة علية
زهراء: هههههه اويلي من يما
يمام: ههههههه كمت غسلت وجهي شلت شعري طبيت للمطبخ
_صباح الخير امي
فاطمه: صباح النور حبيبتي شلون صرتي
يمام: زينة مبية شي بس حلمت حلم مزعج وخفت متشوفين جيت يمج
فاطمه: الله يستر يمامة لاتحجين بالحلم ماشي
يمام: ماشي امي هسة هوة حلم خوما يصير حقيقة
فاطمه: بنتي اكو احللم تتحقق لاسامح الله
يمام: لحد الان ولاحلم شفتة تحقق
فاطمه: حبيبتي كل شي يصير بس لاتحجين بي ماشي
يمام: فدوة للتخاف علية شفتهة ابتسمت سويت ريوك الي رحت لغرفتي طلعت مقطع باليوتيوب سويت يوغا وشغلت تلفوني على موسيقى هادئة لبست ملابسي اليوغا وبديت اتمرن احب احافظ على رشاقة جسمي واذا شوية كرشت مصيبة عندي هههههههه..
جتي زهراء لازمة كتابهة وتقرة
_حبيبتي كومي سوي يوغا وياية اتنشطي من صبح
زهراء: مابية حيل خل اكمل هاي رواية تخبل
يمام: كمت من مكاني اخذت كتاب منهة
_حبيبتي رواية شتفيدج بعدين هذا جسمج حافضي على رشاقتج ضروري يوغا تسوين كل يومية حتة يصير واهس الج تسوي كل اعمالج بسهولة اخذتهة وبديت اعلمهة عل حركات يوغا
زهراء: لج ضهري تكسر
يمام: اي غير انتي متسوين فجسمج ممتعود ..
اكو حركة صعبة علمتهة سويهة جان نوكع اني وياهة
_هههههههه لج انتي مو مال هيج حركات
زهراء: شحجي عليج ضهري كام يوجعني
يمام: كمت من مكاني مديت ايدي الهة..
حلو لمن يوكن عندك اخ او اخت تفهمك ومكونين علاقة حلوة وتكدر تستند عليهة بوقت الحاجة وية مدت ايدي باوعت لااختي باابتسامة
زهراء: هاا شو صافنة
يمام: هيج ولا شي خلصنة كملي كتابج
زهراء: كللليش واخيرا
يمام: عبالك اجاهة افراج راحت اخذت كتابهة وبدت تقرة صار الليل اجة ابوية
_ابوية شوكت قررت نسافر
الاب: بنتي حجيت وية سايق وصاني علية عمكم حامد كال يوم السبت ..
يمام: يعني بعد 4 ايام
الاب : اي بنتي تقريبا فاطمه جهزي الغراض
فاطمه: خاف منلحك شلون
الاب: بنات يساعدوج وانتي سريعة لاتخافين حبيبتي
يمام: ابوية ماخذ امي عن حب ولحد الان مسمتر حبهم ويصيحلهة حبيبتي دائما اشوف الي ياخذ عن حب يقل حبهم تدريجيا الا ابوية يمكن بسبب معاناة ابوية وامي للزواج بسبب رفض عوائلهم ..
على كلن شفت امي ابتسمتلة صار وقت نوم رحت نمت حطيت راسي على مخدة حسيت بشي يخنكني باوعت على اختي زهراء نايمة عادي قريت معوذات ونمت ..
طبعا ثاني يوم طلعنة اشترينة مالابس نحتاجهة جانت دنيا صيف شهر ٨ واحر شهر اخذنة ملابس خفيفة..
جهزنة جنط اخذنة اثنين كبار ..
بيوم روحة اتفقنة نطلع ب٤ انتضرنة رجال اتأخر
فاطمه: گلبي لاعبني لو منطلع احسن اونسكم ببغداد احسن
يمام: امي تفائلي بالخير شمال حلو واني عاجبني اشوفة يلا شوفيني ابتسامتج الحلوة شفتهة ضحكت ابتسمتلهة اجة رجال جاب سيارة ودعت بيت جدي وودعت عمي حامد الي شكلة جان معاجبني ابد اعتقد صاير شي وخايف وحتة لمن سلمتمهم جان بالي بالسفرة اكثر همزين يزن مجان موجود
طلعنة جنط كال ابوية رجال راح رجال شغلة بسرعة ويجي خل نحط غراض ..
حطينة جنط ليورة وكعد ابوية ليكدام وامي وزهراء واخوية احمد ليورة مكفاني مجال لان امي سمينة شوية جانت واختي زهراء همين سمينة بس ملامحهة حلوة وعدهة وجنات وبيضة بس اني ضعيفة طالعة ع اهل ابوية ..
_شلون هسة وين اكعد
فاطمه: تعالي كعدي بحضني لو احمد يكعد بحضني
يمام: ههههه امي طريق طويل انتي تتعبين واحمد همين اكول خل اكعد بصندوك اكو مكان ع الاقل اتمدد وانام
الاب: يكفيج مكان
يمام: اي يكفي ..
كمزت ليورة حطيت جنط وحدة بصف ثانية ونمت وراهة يعني صارت جنط بالواجهة نمت بمكاني بس محد يكدر يشوفني هههههه حجيت لابوية وامي
_باعو راح انام من هسة مااريد مي ولاتكعدوني ولاتصيحوني
زهراء: اوي اليوم كلة اصيح يمام
يمام: هههههه رجعت راسي ونمت ..
فتحت عيني ع صوت سائق يحجي وية رجال ..
سائق: كملت كلشي اتفقنة علية وهاي العائلة سملتهة الك
رجل: هاية فلوسك وانت لاشفت شي ولاسمعت قسم بالله اذا سمعت الك صوت وانت حاجي بهل شي اسوي حياتك جهنم
سائق: لا ماسمعت شي ولاشفت
رجل: روح مااريد اشوف خلقتك
يمام: ضليت كاعدة بمكاني متجمدة مجاي استوعب شجاي يصير يعني شنو احنة مخطوفين حاليا!!
زين ليش اهلي ماالهم صوت ..
غيرت اتجاه كعدتي لليسرى علمود مايشوفني رفعت راسي شوية شفت اهلي نايمن مديت ايدي لزهراء من جوة كمت اهمسلهة
_زهراء كومي يمكن انخطفنة زهراء راح يموتونة كومي دخيلج ..
ماطت استجابة ولاتحركت
سمعت رجال خلص حجي سحبت..
يتبع ..
طبعا اعتذر ع تأخير بس نت ضعيف كلش صالي ساعة حاول انشرة