#القروية_والوحش20
#الاخيره
#الجزء_الاول
🌸الجزاء من جنس العمل
يوسف الخلعة سرت في اوصالو لي درجة حسا انو ما قادر يقيف.
جرا عليها بسرعه وهو بيقول بنبره طفولية : تواتل ؟
لاحظ للدم البيجي متدفق وبيرش في الارض من مرفقيها....
شالها بي صعوبة شديد وطلع من الشقه م كان عارف حيعمل شنو ولا اقرب مستشفى ليهو اصلا وين.... دمها القاني ملا هدومو.
الخوف سيطر عليه لمن شاف وشها البدا يشحب.
نزل بيها تحت وركبها العربية.
واتحرك بي سرعه... م عارف كيف قدر يوصل المستشفى وينزلها بعد الخلعه الخشت فيهو.
دخل بيها الطوارئ وبقا بيكورك : ساعدوني.
جات عليهو دكتورة بسرعه وطلبت منو ينزلها... ختاها ف السرير واتراجع لي ورا وهو بيشوف زملاء الدكتورة الباقيين وهم بيجو عليها ف محاولة منهم لي اسعافها.
طلع تلفونو وضرب لي سيف وجسمو كلو بيرجف.
رد عليه سيف بصوت نعسان... والنعسة طارت لمن سمع صوت اخوه الصغير المضطرب : سيف الحقنا عليك الله
سيف قعد في السرير : في شنو مالك ؟
_ تعال لي في مستشفى....... بي سرعه
_ يا يوسف انت كويس ؟
_ ياخ انت بس تعال ياخ... عليك الله سريع.
سيف ختا التلفون ف جيبو ونزل بي سرعه.... لاقتو وجدان : سيف ؟ مالك ف شنو وماشي وين ؟
_ يوسف ضرب لي مخلوع وقال اجيه بي سرعه في مستشفى......
_ ان شاء الله خير
نزل وخلاها... ركب عربيتو وبي سرعه على المستشفى.
اول م سيف نزل وجدان تلفونها ضرب... فتحتو وهي بتقول بنبره شيطانيه : اها ان شاء الله الموضوع تم... واهم شي يكونو صوروها عشان ننشر الفيديو
_ ي.... يا استاذة وجدان الموضوع م تم بالطريقة الانتي عايزها.
_ نعم ؟ كيف يعني
_ البت دي م طبيعيه.... الاولاد اول م قربو منها شالت كزلك وقطعت شرايينها بي كل بساطه.... وهم خافو على نفسهم وجرو.
_ شنو ؟ يعني انتحرت ؟
_ اي.... و....
_ و شنو انطق
_ الاولاد وهم جاريين في ولد شافهم
_ ولد ؟ ولد شنو كمان
_ يا استاذة.... احنا كدا ف خطر... لو البت دي لقوها و واتفتح بلاغ وقدرو يوصلو للاولاد والولد دا اتعرف عليهم احنا حنكون دخلنا ف مشكله كبيره
_ اسمعني.... اسمعني كويس..... حضاعف ليك القروش بتاعتك 4 مرات
_ والمقابل
_ الاولاد ديل اي واحد خليه يسافر ليه اي مكان... وانت.... انت بسرعه ترجع الشقه.... و خلص عليها
_ اخلص عليها كيف يعني ؟
_ يعني لو لسا حيا اقتلها.... اكتم انفاسها لحدي م روحها تطلع المهم م تطلع عايشة.
_ وجدان دي مخاطره
_ ماف اي مخاطره بطل جبنك دا وامشي سريع
_ طيب... طيب حمشي.
قفلت الخط وجرت على نور.
لجين كانت راقدة ف الكنبه الفي شقة نور.
وجدان : البت دي لسا م صحت ؟
_ المخدر الختيتيه ليها ف العصير قوي.
_ ان شاء الله بس مسحتي الرسايل الرسلناها لي توتيل من تلفونها
_ اي مسحتها
طبعا ادوها عصير مخدر وشالو يدها وبي بصمتها فتحو التلفون ورسلو لي توتيل عشان تمشي هناك ويعتدو عليها ويصوروها ويفضحوها... لكن ربنا م خلا خطتهم تمشي بالطريقة الهم عايزنها.
_ كدي تعالي معاي بي هناك.
نور مشت معاها.
وجدان : توتيل انتحرت
نور ختت كفيها في وشهاابصدمة : شنو ؟
_ زي م سمعتي
_ يعني هي ماتت
_ غايتو على حسب كلام الولد قال لي اول م قربو منها قطعت شرايينها الاتنين.
_ ووووب سجمنا يا وجدان...
_ سجمنا شنو ؟ م تخافي.... البت عاملة نفسها الطاهره الشريفة... هسه على كل حال رسلتو يمشي يقتلها في الشقه
_ يقتلها كيف يعني يا وجدان ؟ لا لا لا م يقتلها خليها
_ هي كدا كدا حتموت بما انها قطعت شرايينها... وبعدين انتي مالك فجأة كدا قلبك حباها وحنا عليها
_ ولا بحبها ولا بحن عليها... لكن يعني يا وجدان م لي درجة تموت
_ استهدي بالله يا حلوة.... الوافقتي معاي انو يعملو فيها ارحم منو الموت... فاطلعي من دور ملاك الرحمه النازل فيك دا.
_ وجدان انتي عارفة لو اتكشفنا حيحصل شنو ؟
_ م حيحصل ايييي شي ولا حنتكشف الا انتي تتعولقي ونتكشف بي سببك
____________
سيف وصل المستشفى ولقا يوسف قاعد بره.
اول م شافو جرا عليه بسرعه : يوسف ؟ في شنو مالك ؟ ودا شنو الدم دا.
ظهرت الدموع في عيونو وهو بيحكي لي اخوه الحكاية من الالف للياء.
سيف ختا يدو في كتفو.... ودخل معاه جوا.
الدكتورة لاقتهم وورتهم انو دخلوها عملية مستعجله ومحتاجين دم.
ولحسن الحظ فصائل دمهم بتسمح ليهم انو يتبرعو ليها.
يوسف : احنا مفروص نفتح بلاغ
سيف : اول شي مفروض ميكال يجي... م عايزين نتخذ اي خطوه وهو مافيش.
_ هو وين ؟
_ سافر الجزيرة
_ طيب اضرب ليه
_ اضرب ليه هسه لكن ؟؟؟
_ اي ياخ... خليه يجي
_ لكن الواطه خلاص ضلمت... خليه نكلمو بكره الصباح
_ يا سيف م معروف الحيحصل شنو خلي ميكال يجي.... لو م ضربت ليه حضرب ليه انا.
اثناء م هم بيتكلمو وجدان ضربت لي سيف.
_ الو يا وجدان
_ اها يوسف مالو
_ توتيل يا وجدان حاولت تنتحر ويوسف جابها المستشفى
طبعا وجدان سكتت وانفاسها قامت.
_ وجدان انتي كويسة ؟
_ اي... اي انا كويسة.... وتوتيل كيف هسه ؟ وريني هي كويسة يعني ؟
_ والله كان نزفت شديد... وهسه دخلوها
غرفة العمليات.
_ يا سااااااتر.... خلاص احنا هسه بنجي
_ خلاص طيب
وجدان قفلت التلفون ورمتو في السرير.... نادت نور وكلمتها... وطلبت منها تمشي تغطي لجين بي بطانيه عشان بعدين لمن تصحى تقول ليها نمتي هنا وغطيتك.... وبرضو طلبت منها تمشي تعمل نفسها نايمه من قبيل....
نور طوالي نفذت.... ووجدان مشت نزلت تحت لي ماما عشه.
_ الحقيني يا ماما عشه
ماما عشه وهي بتخت يدها ف صدرها : في شنو يا بت مالك ؟
_ توتيل...
_ اها مالا دي كمان 😑
_ انتحرت
_ سجمي ؟ انتحار عديل.
_ اي
ماما عشه بانفعال: اصلا البت دي انا عارفاها م حتجيب لينا الا البلاوي اعوذ بالله منها... هسه هي وين؟ اعلها ماتت
_ لا لا ودوها المستشفى
_ كدي خلينا نمشي ليها
جوري جاات نازلة من صوت ماما عشه العالي : في شنو ؟ ماما عشه صوتك وصلني فوق
_ مرت اخوكم انتحرت
جوري بصدمة : توتيل ؟
_ اي
_ كيف يعني انتحرت ؟
_ عديل كدي
جوري وهي بتقعد ف الارض من الصدمة : بس م تقولو لي انها....
وجدان : لا لا لا م تخافي غايتو ودوها المستشفى
_ طيب ارح نمشي ليها بسرعه عليكم الله.
جرت شالت ليها طرحة ونزلت معاهم.... ركبوا مع وجدان ومشو المستشفى ولقو يوسف وسيف واقفين بره... ويوسف هدومو كلها دم.
جوري والدموع نازلة من عيونها : يا يوسف حصل شنو... توتيل مالا ؟
يوسف بصوت مهلك : والله يا جويرية قالت لي لجين قالت اجيها في كوفير ال..... عشان قروشها قطعت... فمشيت وصلتها وطلعت... بعد شوية اكتفشت انها نست تلفونها... فلمن طلعت الطابق الفيه الكوفير لقيت حكاية اربعه خمسة اولاد جاريين بخوف وبي سرعه لمن قربت من باب الشقه الطلعو منها لقيتها واقعه ف الارض ومكان شرايينها مقطع والدم بيتطاير منها.
وجدان بلعت ريقها لمن عرفت انو يوسف هو الشاف الاولاد.... اما ماما عشه قالت بعصبية : ووووووب الليلة فضيحتنا فضيحة السواد والرماد... معناها مشت تقابل الاولاد ديل ف الشقة.... وكذبت بي لجين..... واااااا فضيحتك يا وليد الشرقي.
يوسف بعصبية واضحه : ماما عشه دا م وقت كلامك دا خالص.... وتوتيل م النوعيه دي.... توتيل الاخلاق فيها لو وزعوها لي بنات الدنيا تكفي وتزيد.
جوري : ميكال.... ميكال عرف ؟
سيف : م عايز اضرب ليه هسه الوقت اتأخر
ماما عشه : اي م تضرب ليه دا م وقت يجي فيه... خلوه لي باكر.
يوسف : انتو لجين وين ؟
وجدان : ل... لجين كانت مع نور.... وحتى نامت ونور ابت تصحيها.
ماما عشه : الحكاية واضحه زي عين الشمس.... البت دي كضاااااابة ولافة على حل شعرها... لكن ميكال باكر دي يجي ونشوف حل لي عديمة الاخلاق دي
يوسف : يا حبوبة ياخ اتقي الله.... ياخ م تقولي كلامك الزي السم دي ياخ انا براي اعصابي هلكانه وم ناقص كلام فارغ زي دا
_ بتقول لي حبوبتك كلامها فارغ يا قليل الادب يا م مربى.... انا حبوبتك من دمك ولحمك... هي تسوا شنو ؟ ولا بتقرب ليك شنو ؟
يوسف ختا يدينو ف راسو بي عدم استحمال ومشا بعيد منهم.... جوري لحقتو وبقت بتحاول تهدي فيه.
///////////_/_/_/_/_/_/_/_/_/_/_/_//////////
ميكال كان قاعد مع وائل في الباب حق الاستراحه النازلين فيها.
نفث اخر دخان من السيجارة الكان بيشرب فيها وبي طرف اصبعو طيرها ف الارض.
رفعو ريسانهم الاتنين لمن شافو نور البرق الاضاء المكان بعد عم صوت هزيم الرعد لثواني طويلة.
وائل : شكلو المطره حتكون فظيعه... الله يستر م يجي سيل يخمنا
ميكال : خلينا ندخل عشان الهواء م يشيلنا قبل السيل.
_ طيب ارح
وائل وهو بيدخل المطبخ : اعمل ليك معاي شاي ؟
_ لا لا شكرا.
دخل الاوضة بخطوات سريعه وقعد ف السرير... مسك التلفون بتاعو وضرب لي لجين.
كم مرة ورا بعض ولجين م بترد....
ضرب لي جويرية... طبعا اول م شافت رقمو عايزة تموت من الخوف.... عاينت لي يوسف البعاين للتيشيرت حقو المليان دم.
_ دا ميكال
يوسف : طيب ردي
_ لا لا هاك رد انت انا م بقدر امسك نفسي.
_ ردي ياخ انا حيقول لي جوري وينها وحيقول انا ماسك تلفونك لي وكلام كتير ردي ؟
ف اللحظات دي الخط فصل.
وائل جا الاوضة وهو شايل كباية الشاي... رشف من الشاي وهو بيسأل ميكال : مالك بتعاين كدا ؟
_ بضرب للبنات م بردو
_ اهااا داير تقوم تقلق فينا وبتاع... شوف الجو دا كيف حيكون اصلا ف شي في الشبكه.
_ هسه الدخل الشبكه شنو ؟؟؟ في جرس لحدي م فصل
_ اضرب تاني
رجع لي جويرية تاني.
جويرية عاينت لي يوسف... البقول ليها ردي ياخ بغيظ.
شالت نفس قبل م ترد عليه بنبرة حاولت تخبي فيها الخوف.
جاها صوتو الخشن : جوري
_ ايوا
_ م بتردي لي ؟
_ الفون كان بعيد مني
_ ووين لجين ؟
_ ن... نايمه
_ وانتي وين دا شنو صوت الجوطه دي ؟
_ ها ؟ اناااا.... انا في الشارع
_ في الشارع وين ؟
_............
_ جويرية
_ نعم
_ انتي وين ؟
انفاسها قامت وهي بتقول ليها بسرعه : انا ف المستشفى
عاينت لي يوسف وشهقت وهي بتخت يدها ف خشمها وبتزح التلفون بعيد : م كان مفروض اقول ليه صح
رجعت التلفون لي اضانها وسمعت صوتو المنفعل : الوووو
_ اي
_ منو الفي المستشفى ؟ ماما عشه حصل ليها شي
_ صراحة لا
_ ياخ اتكلمي بسرعه م تتبالدي لي الفي المستشفى منو ؟
_توتيل.
سكت مسافه وبعدها سالها : مالا ؟ توتيل مالا ؟
_ حاولت تنتحر
_ تنتحر ؟ انتو وين ؟ ف ياتو مستشفى ؟
_ في مستشفى........
قفل الخط وقام
وائل الكان متابع الكلام : ميكال ف شنو... توتيل مالا ؟
_ انا لازم ارجع الخرطوم هسه
_ يا زول انت مجنون ولا شنو ؟ م شايف الجو دا كيف
وائل لقا نفسو بيتكلم براهو لانو ميكال طلع من الاوضة ومشا على اوضة السواق.
وائل قام بي وراه : ميكال فهمني ف شنو ياخ
م رد عليه ودخل شال المفتاح
وائل وهو بيمسكو من يدو : والله م اخليك تطلع ف جو زي دا انت م طبيعي والله
ميكال نفض يد وائل منو بقسوة.
وائل بعصبية وصوت عالي: ياخ على الاقل فهمني في شنو
_ توتيل حاولت تنتحر
وائل عاين ليهو بصدمة : لا حول ولا قوة الا بالله.
ميكال اتوجه ناحية الباب.
وائل وهو بيخت يدو ف كتفو: عليك الله اسمع كلامي... دا م جو سفر... خلي على الاقل الجو يهدا.
ميكاال بصوت عالي : انت عايزني امشي القاها ماتت يعني ؟ انا السبب ف كل مشاكلها.... ولو السماء بتمطر حجار عديل انا م حقعد.
_ لكن
_ لو حاولت تمنعني والله العظيم اضربك
_ ياخ اضربني لو عايز لكن انا م بخليك تمرق ف جو كعب زي دا الا لو قنعان منك.
_ وائل
_ اها
_ دي توتيل وانا لو حموت ف الطريق دا حمشي ليها يعني حمشي ليها... عشان كدا الله يرضى عليك م تقيف في طريقي وخليني امشي... انت م حاسي بي ربع الانا حاسي بيه هسه.
_خلاص حجي معاك
_ لا... خليك هنا... كمل الشغل انت وارجع ف الوقت المحدد.
_ طيب... لكن دي مغامرة كبيرة يا ميكال انك تطلع هسه
_ عارف.... وانا قدرها.
_ طيب طمني عليك كل شوية
_ ان شاء الله
فتح الباب وطلع و وائل كان بعاين ليه لحدي ما نور العربية اختفى.
م تمت عشره دقايق والمطره كبت.... وطبعا م محتاجين تعريف لي مطر المناطق ديك.
م كان شايف ايييي شي قدامو...
وكانت مخاطره كبيره شديد.
بي هناك جوري بقت بتعاين لي يوسف... ويوسف بعاين ليها: انا م كان مفروض اكلمو صح ؟
_ م عارف... الحصل حصل... لكن الله يستر عليه ف الطريق
_ هسه الساعه كم ؟
_9
_ واي لو ماما عشه عشة عرفتني بتقتلني 😭
_ م توريها... لانها حتنبذك وتطلعك عديمة ترباية.
_ هسه يا يوسف تفتكر الاولاد الكانو ف الشقة ديل دخلو كيف ؟
_ يا اما هي دخلت شقة غلط.... او الناس ديل كانو متابعنا ودخلو ليها.... وبعدين هي م شقة هو كوفير عديل
_ ماما عشه م حتصدق الكلام دا
_ هي م صدقت اصلا انها لقت ليها شي زي دا عشان تاكل ليها لحمها بيه.
________________________/
ميكال لاحظ للمبة حقت البنزين النورت كدلالة انو مفروض يكب بنزين.
ختا يدو ف راسو وهو بيقول : والله العظييييم م وقتك.
نزل العربية بالجمبة لانو الباقي دا م حيوديه اساسا.
بعصبية وغيظ بقا بيضرب ف الدريكسون..... رجع بي ضهرو لورا بانهيار.
بعدها ولع النور وهو بتلب من كرسيه القدام لي ورا... عسى ولعل يكون في حاجه للاحتياط بس لسوء الحظ م لقا اي شي.
رجع كرسيه وختا راسو ف الدريكسون 💔.
فجأة حسا بي الم حاد ف معدتو بطريقة رهيبة.
الالم استمر لدقايق وتاني اختفى...
البرق ضوا المكان....
وشاف الطريق الطويل القدامو.
لصق يدينو وهو مغمض عيونو وقال بصدق : يارب... انا عارف اني انسان سيئ واي شي انت محرمو بعملو.... وانت عارف برضو اني بديت اغير نفسي وابعد من البيغضبك.... يارب م تختبرني فيها هي.... ويارب سهل لي اوصل ليها بأي طريقة يا الله 👐( سييتجيب💕 )
قطع دعاؤه بصوت حاجه بتضرب ف القزاز بتاعو.
اول م البرق نور تاني شاف على جهة شباكو راجلين.
فتح القزاز( والله لو مكانك ادسا تحت من الخوف 😭😂)
جاهو صوت الراجل الوضح لهجتو المحلية : ان شاء الله خير يا اخينا
عاين قدامو : والله قطعت بنزين.
الراجل : خلاس انحنا عندنا جركانات بنزين بندوك.
قبل وراهو وهو بكورك بصوت عالي : خدر... ياولد جيب جركانة بنزين.
كان في بوكس قدييييم ومتهالك وفيه جركانات ورا... الولد جرا واحدة وجا جاري بيها.
ميكال نزل من العربية.
جابو ليهم خرطوش وجرو البنزين وبدو يملو في العربية.... كانو ماسكين بطارية ومنورين بيها
اخدو وقت لحدي م خلصو.
ميكال مشا على جهة العربية وفتح الدرج وطلع منو قروش.
زي م يقولو غمتا 😂 للراجل في يدو وهو بيشكرو بصدق.
الراجل وهو برجع ليه القروش : دا شنو آ ود العم ... دا كلام دا
_ دا شي بسيط عليك الله تقبلو مني
_ لا والله.... مساعدتنا دي لوجه الله.... م عشان القروش
_ اي عارف.... وم قصرتو... لكن دا شي بسيط 💜.
بعد حليفة طويلة شالو القروش.... واتمنو ليه السلامه.
ميكال حرك العربية وحمد ربنا بصوت عالي 💜.
تابع طريقو بي سرعه.....
بعد عدة ساعات طلعو توتيل من العملية.... وودوها غرفة خاصه.... وجو طمنوهم بره انو حالتها نوعا ما مستقره.
الدكتور طلب منهم ينادو ليه زوجها... لكن وروه انو مافيش.
فقال ليهم : هي اجهضت... لكن ربنا يعوضها بالخير ان شاء الله
ماما عشه : شوف البت الغبيانه دي قتلت جناها
جوري : كيف يعني قتلتو ؟ قال ليك اجهضت.
_ يمين بالله تكون قاصدة عشان توجع قلب ميكال عشان عرس فيها
يوسف : لا حولا ولا قوة الا بالله.
حمرت ليه : انت طبعا كلامي م بيعجبك.
_ لا كيف م يعجبني يعني ؟ دا كلام دا ؟ كلامك بنقط عسل يا امي.
وجدان : خلاص يا اخوانا انتو ارجعو البيت وارتاحو وخلوني انا بقعد معاها وبحرسها.
ماما عشه : تتعلي م تدلي يا بتي... لحدي م نجي بكره ونشوف المصيبة الهببتها البت دي.
