شريك احلامي .

#شريك_احلامي# البارت الاول
بقلم غدير وسام .
الزركه .. السويده  كبرت وهذا اللقب ملاحكني .حتى اسمي نسيته  اسمي  غفران .. حاليا عمري واني اكتب... قصتي  .ابديلكم من طفولتي  . جنا ٥ اخوات .و٢ اخوان .  امي وابويه تزوجو عن حب . امي بيضه شكره والعيون ملونه .وخوالي كلهم هيج .ابويه اسمر . شافها  بلكليه وقفل لوعذراء لو ماتزوج .وكعدلها الى ان خلاها تحبه  وتقدملها هو وضعه زين واهله مقتدرين  وافقو عليه .وجابو فريق كره القدم اخواني . اني ترتيبي  الصغيره . بلبيت  اخواني كلهم   حلوين . الولد ماخذين وسامه ابويه وعيون امي .والبنات   شكارها وبياضها .الى اني رحت على  عماتي  بس عيوني  ملونه صفره هنا مقاصرات بلجمال بس اني لا من ذول ولا من ذول .  على كوله بابا نسيناج بلفرن . خب حضي  من وعيت واطلع ويا امي اسمع يا شوهاي متشبهج عليمن طالعه 
ماما .. متشبهني تشبه ابوها . من ارجع اباوع بوجه ابويه  واباوع لوجي .وين حتى ابويه ماشبهه. من سجلوني بلمدرسه تكفلتني  اختي الاكبر مني نورالعوبه تستنكف مني
نور ..ما .اخذها .شنو  متاخذها . هديل  ابتليت اني
ماما ..اخذي اختج واسكتي بلا كلام لااكل لابوج
نور امشي الزركه ..ابتليت ييج صديقاتي يضحكن عليه ويسئلن هاي منين .جانت تاخذني الطريق كله سب وغلط وبسط .((((غدير وسام )))
غفران ..بابا .بعد مااروح للمدرسه .
بابا ..ليش باباتي  حلوة والمدرسه وتتعلمين بيها
غفران ..نور  تاخذني تبسطني .وتغلط    عليه  وتكلي الزركه .بابا ليش اني محلوه ... منو يكول محلوه .انتي معانيح تجنن ومن تكبرين تصيرين احلى من اخواتج انتي تشبهين امي الله يرحمها  جانت حلوة . وحنطيه وخشمها صغيروني مثلج . من تكبرين تتذكرين كلامي .  وشعرج هذا اريده يبقى طويل .  جنت صاحبه شعر اسود وثخين .كلش .اني بلاول وهو واصل لنص ضهري .   ماما تخلي حنه اليه ولخواتي هنا يصير احمر واني يزيد سواده وظل ابجي.اريده مثلهن احمر سوسن  وهديل .  ونور. وخمائل  يغورون بيه خالاتي ٢ احلى من ماما وماخذين عمامي اثنينهم على كوله بابا احتليناهم    . خالتي سميره اصغرمن ماما عدها ٣ بنات ٢ولد  اسماء .وسهى.وشفاء . والولد   نبيل واصيل من جنت ابتدائيه هو بلاعداديه . واسمعهم يحجون عن سغره للخارج . وجان فارض شخصيته  فصار فارس احلامي من اني طفله وخالتي ابتهال  عدها ٢ ولد اكبر منا .مهند وعلاء .  اما عمامي فهواي .عندي ٤ عمات .و٤ عمام . كلمن عنده ٥و٧
خالتي  ابتهال رادت . سوسن اختي الجبيره  لابنها .وبابا كال  صغيره مقبل ومنها صارت مقاطعه  زعلو على  بابا وجدو  زعل لان اعتبر تكسير .لكلامه بوقتها اني كبرت بس من فقدت .صديقتي شفا الي احجيلها كلشي .لجئت لدفتر مذكرات نجحت للسادس   ابتدائي وبدا  سمار ي يقل . جنت اخذ وياي  صابونه وكل فرصه اروح اجلف وجي بلكي  يتغير .ومن نطلع  اباوع البنات يخبلون واني  خلوها سكته بس جنت شاطره نار .  كله الاولى واخواتي العوب ملتهيات  بلاغاني .  وفلان .حلو وهذا صاك .امداجن  👐
ماما .. غفوره . كملتي دراسه
غفران ..ماما اريد غرفه لوحدي ذني بناتج ميسكتن واني اريد اقرا
ماما..ميخالف راح افرغلج . الغرفه المتروكه .  نجحت للاول . وبلعطله فرغت الغرفه اني . طلعت كلشي قديم . ومن الاشياء البيها  رتبتلي غرفه جربايه . ومكتبه . وبابا جابلي كنتور من شافني مرتبتها .  بلمتوسطه تعرفت على  بنات  زينب . وتمارا وصارو صديقاتي لان اخواتي   راحو كليات واعداديه  
زينب جانت تستغرب من اكلها اني محلوه  
زينب .لج تخبلين منو كلج محلوة .  اصلا انتي دمج يخبل .واشوفج احلى من خواتج وتنحبين
غفران . هههه حلوة هاي احلى من خواتي .
تمارا . .. انتي حلوه .عيني ولو  مشايفه خواتج 
غفران .احسنلج لاتشوفيهن .ههه  رجعنا للبيت
لكيت ماما مخبوصه
غفران .خير  ماما 
ماما .روحي بدلي . تعالي بدلي بسرعه   اليوم عمج يجمع جدج و عمامج وخلاتج  يصالحون هما وابوج   طبعا   عمامي  قاطعونه ومنعوهن يتواصلن ويا امي فرحت لان مشتاقه لخالاتي وبناتهم .واكيد فارس احلامي  اصيل  رتب عمي  كعده بيته  واجوي العصر وجمعوهم .وتصالحو .  واتفقنا نسوي كعده نجمع العائلتين بيت خالتي ابتهال .  ثاني يوم رحت للمدرسه فرحانه .جان عندي امتحان E جاوبت   رجعت للبيت  وجان خميس جمعت العائلتين باجر .  طلعنا من الصبح لبيت خاله ماما بجت من شافت خالاتي . وكل احنا بجينا جان لقاء مشحون بلعواطف الكل تحضن وتبوس    حضنت شفاء صايره تجنن
شفاء . انتي احلى . غفوره .كبرانه . ومتغيره
غفران .  قصدج صايره سمره  بلزايد
شفاء لا والله  سمارج يجنن باعي بشرتج شكد صافيه .الله شتستخدمين
غفران ..بس صابون ومي وروح نوفه
شفاء .منيه نوفه
غفران شمدريني .هههه  اكلج الولد وين مشتاقتلهم .
شفاء . نبيل هسا يجي واصيل .مسافر . بعدله سنه ويرجع .
غفران ..سمعت بي سافر بس عبالي رجع .
شفاء . يجي بلاجازه 
خاله ابتهال باستني ولج ام سميره صايره مره فدوة
غفران .. اي اول شي هبطتي معنوياتي وبعدين رفعيهن
  
(((((غدير وسام ))))

#شريك_احلامي# تكمله الاول .
غدير وسام .
غفران .. اي خاله هبطي معنوياتي بعدين رفعيهم .  باستني .عسل دمج ولج اكثر وحده مشتاقتلها انتي .  اجه نبيل .فدوه هيبه  وكبران .ابد معرفته .لعد الحب شلون صاير .اوف لو اشوفه بقينا كاعدين .محسينا لليل بابا صاح يله . طلعنا .خاله جلبت بيه .ابات .
ماما ..عدها امتحان  جرتني ماما
مرت الايام  نجحت للاعداديه .  بدا شكلي يتغير سماري صار يكشف .شعري بابا ابد ميقبل اكصه . صار كلش طويل وثخين .   رحت اتلوك لبابا كم مره اكصه ابد  خواتي بكيفهم يكصون .
ماما .  ليش بابا ميقبل اكص شعري .  اباوع  خمائل تشوف لماما كصه حتى تكصه الها الحلاقه . واني اتكرضم
ماما .. انتي بلذات محذرني ماجيس شعرج
هديل .. اسكتي .غفوره  بابا ميقبل
غفران ..وليش انتو  حلال واني حرام .
ماما .اششش  .  فهمت البنيه شتريد .  لان حفلة تخرج سوسن من الكليه   وكلنا نروح وياها(()غدير وسام)(*)   سوتلي تنظيف بشره بس .   شنو طلعت مو اني . صرت بيضه😁😁  سوسن عيونها ملونه وحلوه .كومه  تقدمو الها بس اهلي موافقو يردوها تكمل واسمعها تحجي .عن الشباب    بلكليه شلون يصارحوها  بعد الصالون طلعنا للسوك اخذنا  ملابس ..  اخذت . فستان  وردي فاتح وبي ورد   وردي طوخ .  وحجاب بلون الورد . الي بلفستان   بيوم التخرج . مكيجتلي .سوسن  خفيف . وطلعنا كلنا   حبيت اجواء  الكليه .  وتمنيت الايام تركض وادخلها
بابا شوكت .اني هم اصير طالبه كليه
بابا ....هههه مستعجله مبقى شي تغمضين تفتحين  تلكين نفسج بلكليه  . وتتمنين ترجع بيج الايام ومتكبرين   هديل . اشرتلي رحتلها .
هديل ..هاي غفران اختي الصغيره .
شفتهم مجموعه شباب وبنات زملاء هديل جانت   نفس كليه سوسن  
واحد  كلها .تدرين متشبهكم .بس احلى منكم
غفران .. شكرا .. بس خاف الشمس ماثره بي خطيه
صديقة هديل .احلام  اي فعلا شكلها مميز عنكم .
خجلت .كلش .. حسيت نار تطلع  من وجي  جان واحد مركز وياي كلش ويباوع ويبتسم  رجعت يم بابا .
ها بابا ..عجبتج الاجواء
غفران .. اي بابا .حلوة
رجعنا  للبيت .تعبانين .   راحت واجت ايام .  رجعت جمعاتنا  الحلوة . وسوسن  تقدملها  معيد بلجامعه وياها و بابا .كل لماما  اذا .بيت خاله اذا بعدهم يردوها  
سوسن .تضايقت ..
غفران ..اكلج انتي تردين الاستاذ الي متقدملج
سوسن ..انلصمي .انتي .شفهمج بهاي الشغلات
هديل .شبيج وياها  شنو متفتهم  احنا اخواتج ونحاول نساعدج
سوسن .ظلت تبجي الله مخلصني من مهند   مو رفضو .
غفوره انتي بابا يحبج .كليله  يوافق  على  غيث ويعوف نبيل
غفران .. اني
سوسن . اي عفيه انتي ..
غفران .. بس فهميني تحبينه .
سوسن ..لج مو بس احبه ..فد شي .شخصيه وكاريزما وبرستيج .. لو شايفته من جان يدخل للكليه  الكل يباوعله
غفران .. اوك ..اني اكل لباباتي بس  على شرط .
سوسن ...شنو تردين موافقه .
غفران ..اوك خلي اقنع بابا . رحت لبابا .. منو حبيبتك .
بابا ... غفوره
غفران .. وشتريد تسويلها لو بس حجي
بابا ... هههه صار شتريد اسويلها .
غفران .. بابا .ليش دزيت خبر   لخاله على سوسن انت مو جنت رافض
بابا .. اها .. شوفي بابا ..اني من تقدمو قبل .جانت هي والولد صغار . مو مال زواج واني اريد بناتي  يكملن بعدها يزوجون . بس من خلصت  وتقدملها هذا الولد  كلت اسئلهم اذا بعدهم رايديها ابن عمها وخالتها اولى  بيها 
غفران .واذا هي متريده شلون
بابا .. ابن عمها مهندس . وانسان  محترم .  ويصونها افضل من الغريب .
كاعده اناقش بابا .اجت ماما .. كالت اتصلت ..  وتكول  مهند رايد هديل ..  ومحاجيها قبل فتره تخطبها بس هي خايفه لامثل قبل .
بابا .. اها ..  زين . لعد رجعي خبر للولد الي تقدم .لسوسن . واني احاجي اخويه يخطبها هسا منا لمن تتخرج  بابا .ميكدر يرفض .بعد .
رحت للغرفه .
سوسن ..ها شسويتي
غفران ..لاتخافين فضيتلج 💪الشغله  بابا وافق على .  الاستاذ مالتح . وراح ينطي هديل بمكانج لمهند .
هديل ..شنو  ؟😲 ..
غفران مثل مسمعتي  مهند ميريد  سوسن يريدج .   وبابا وافق بس تكملين دراسه . يعني بس خطوبه هسا
هديل ..  شنو هذا الحجي .  واني مالي رائي    بجت  انقهرت عليها ... الصبح . داومت جانت امتحانات مالحك .بس بغرفتي .ومااححي ويااحد .بابا يصعدلي  وحتى اكلي للغرفه ماما تجيبه  نور . فاتت .شنو مدلليها الزركه عبالك بس هي بتكم
غفران ..  زركه وافتخر ..😜😜👐
ماما ..انلصمن وانتي روحي اقري .
كملت  امتحانات ونجحت  .اخير يوم  اتفقنا نطلع  العصر اني وزينب  وتمارا هيج .نفتر . بس بابا مقبل . وزعلت منه .
راحو واني بقيت  اتكرضم .دز عليه بابا
غفران ..😔نعم 
بابا .. هههن زعلان الحلو .بابا اخاف عليج  اني اطلعكم واعوضج .
غفران .. شوكت . هاي من جنت بطن امي سمعتها
بابا ..لج امشي كلاوجيه اني ممطلعكم لعد قبل الامتحانان منو اخذج للمنتزه 
غفران ..مو اني يجوز بنتك من مرتك الاخ وحسبالك اني .
بابا .. هههه شلون راح تذب مصيبه براسي  دمشي .امشي باجر