شريك احلامي .

شريك احلامي البارت ال١٢

#شريك_احلامي#تكملة ال١٢
ماما .......فوتي شبيج .
غفران...... .مو كلشي مثل مردت  شكو فايته
خاله لا حبيبتي فوتي .يله شوفي ترتيب خالتج
فتت هما يشوفوني بلتحفيات والغراض واني اباوع للمكان الي ضربني بي . طلعت  .حلوة خاله عاشت ايدج .
رجعنا للبيت جوي عمو وخاله اتفق بابا وعمو  بعد اسبوعين الزواج لان اصيل  اسبوع الاخ نازل .اسبوع مر ماعرف شلون الكل لاحض متغيره .ماكو لهفه .بابا دز عليه حاجاني .بيج شي
حاولت ابين طبيعيه .لا بس هذا الدكتور الوديتني اله مخبل كاتبلي علاج كئابه مدري شنو من اشربه  اضوج
بابا..... .تركي .اني اجيبلج مسكن غيره
غفران...... .تركته بس جنت مستفاده بشغله .
بابا ...... شنو .
غفران .......يسبحوني .ويمشطولي .الله مايهديك وتخليني اكصه
بابا ..... ..هههه لا . ابد .بس مسموح تغيرين لونه ماخليها بنفسج بعد
غفران .......انت اقتنعت ونسختك شيعقنعها
بابا .......ولج منو نسختي
غفران .......ابن اخوك . غير انت تمشي وتستنسخ عليه
بابا ...... ههههه لا ميحجي
غفران ..... .بكلبي ياميحجي هو كسرني
رحت اشتريت  فساتين .للحنه وللعرس .  وكملت شمحتاجه .
هو نزل اجازه اجه للبيت سلمت عادي وكعدت يم ماما . الكل اجتمعو واتفقو على كلشي .هو حاجز قاعه  للعرس .والحنه بلحديقه بيتهم .  واني هم معزمت بس صديقاتي   قبل الحنه بيوم اتصل مجاوبته جنت بلصالون اكمل .تنظيف جسم وبشره .فجاة كلت  لخمائل وين الصوره
خمائل.....   .هاي بس لا تسويها ولج يجنزج
غفران ......معليج .نطيتها لام الصالون .كالت يكلف .لان شعرج طويل وثخين .
غفران....... .ميخالف . صبغته اليه .لمن غسلته مجنت متوقعه هيج يبين اللون عبالي خفيف . بس كلب على بشرتي سواني كلش بيضه .  وحتى لون عيوني برز . لمن رجعت ماما تخبلت .وبابا شافني . وين وديتي غفورتي
غفران ........ حلو باباتي
بابا .......يجنن .تتهنين وبلعافيه  باسني .  هديل وسوسن جوي . هم تفاجئو .
هديل .........رهيب هذا اللون لج كالب وجهج شيخلصج من اصيل .
سوسن .......فدوة  تخبلين .ولج . بيومها للصبح سوالف .ورتبنا شنحتاج لباجر .  نمنا ساعه لو ساعتين وكعدتني ماما .غسلت ٠اخذت فستاني .والوازم وطلعنا كلنا . بسياره جبيره وفراس ويانه .  هو بلباب .واكف مباوعتله .
شفاء...... . بعدكم ممتصالحين .الكل التفت عليها شكو متزاعلين
غفران...      .لا عيني بس مو ميصلح اشوفه .اخاف .
هديل ....بلليل تشوفي .اول وتالي  فكرت ماريد يشوف شعري اليوم ويسويلي عزا . شلون كلت للحلاقه شعري كله  تلمي ولاخصله تنزل
الحلاقه.... ..عيني شعرج ثخين وطويل .ميصير
غفران .......شلون لعد . اشتغلت .خلته من ورا  نازل لبست فستان ازرك .  ربع ردن . كوميل . خلصنا كلنا .لبسوني كبوس . وجي غطو بشال اوامر . من صهيل . رجعنا للبيت الكل منتظرني . البنات كلهن يمي .بس  خوات اصيل راحو وبعدين اجو   حتى السعلوة .وياهم خاله باقيه  تونسنا من كالو راح يجي تحججت بلفستان .انطيني الكبوس
سوسن ........شكو  منو غريب
غفران....... جيبي .واكو .شال ويا الفستاان هم جيبي .نطتنيا خليت الشال على شعري الطالع .  جابلي مرايه . مبين من كدام ..كمت لميت شكو اكسسوار بشعرهن . وخليته بلتسريحه من كدام . هههه صرت  اضحك . بس شسوي غير يموتني كدامهم ادري بي من يفقد .  فاتو . خاله ليش ملفلفه نقسج غير يشوفج
غفران .......من الولد عيب
فات هو .لابس قاط .  اسود  وقميص .ابيض  .ورباط اسود  ..باس راسي .ولزم ايدي اني خجوله مدنكه .همس .شبيج مستحيه  مايدري بيه شمصخمه
بعدج زعلانه  ليش متجاوبين
اني خليته على  الصامت .. . خاله جرت الكبوس .همزين اخفيت معالم الجريمه . هو هم عباله ورا البسطه ماتجراء واسويها .
اصيل ......اخذي صور ودزيهن
غفران ....... .لو.. تموت. اني زوج .
ضلو ..فتره وراحو..
خمائل ... ..هههه ماشافج جان اتسكطتي كدام المعازيم وا فشلتاه   ماما . تعالي نور خمائل . وانتن اخذو اختكم فهموهه على باجر
سوسن.... ..اني معليه استحي
هديل ......تعرفين انتي اكيد متحتاجين
غفران ........شكو .شبيجن .هديل .. يعني شيصير باجر
غفران .......شيصير .
هديل..... .. اهووو ماما معليه اني .
ماما ........عود متزوجات واعتمد عليهن . طلعن كبر ذني شبيهن
نمت تحت تهديد امي . ميصير ابقى سهرانه  لكيته داز مسج شيجيب باجر واصبر شلون
غفران..... . احجي بكلبي ... هههه خطيه اني جنت خوش بنيه . الله يرحمني
الصبح .....  كعدتنا  ماما . رحنا  فستان زفافي جان ردن شيفون . مشجر . ونفس التشجيره نازله من الصدر للجوانب . وبعدين يبدي شيفون ساده والحاشيه نفس التشجيره  عريض ومدنفش .  الطرحه كلش طويله . وشعري . بس تاج .   وخليته مفتوح وكيرلي الكذله .  مرفوعه ونازله خصلتين كيرلي من الجوانب  عبالك كاصته اول مرجعنا بابا . صاح  كصيتي .
غفران........ لا بابا . ملفوف  ضحك .باسني وباركلي وطلع .   طبعا . من دخلو لفوني لان فاتو ويا  ولد عمامي .وخلاتي باعتبار اهل . فدز  قبل لايفوتون خلي  تلبس   كيفت تاجلت المواجهه .لبست .هو فات لابس قاط خردلي . وقميص ابيض   اجه عمو كومنا اني واصيل  سلمنا على بابا  صح احنا بيت بصف البيت بس شفت عيون بابا دمعت .  واني هم بجيت .  لزمني اصيل .ترا هذا البيت   مراح ترحين لغير محافظه
صعدنا للسيارات .ورحنا لصالة التصوير  نزلنا ..جوي البنات يرتبوني .جاك الموت ياتارك الصلاة .راح يدفني .
شفاء....... .شيدفنج غير طالعه كيك هسه ياكلج
غفران ........  اي عود سلميلي على الكيكه . ولج شلون ميصير اخذ صور بلكاب 
شفاء....... مدام  هيج خايفه ليش صبغتي
غفران  .......ثوله.. وعوبه... غير  اريد امي ..
جتي .البنيه المصوره طلعتنا للصاله هو مدنك يسولف ويا .سوسن  باوعلي جمد بمكانه ..يمكن من جمالي
تقربت منه
اصيل......  .هاي شنو .شمسويه
غفران ..... شكو .
اصيل....... لاتغشمين نفسج شعرج .
شفاء...  ..مؤقت هذا . بس تغسل يروح
اصيل  .... شايفاتني .كدامجن
المصوره ......يله عيني بس العرسان اريدهم انتبهو اريدك تحضنها من ورا .  وبدت  تاخذلنا بوضعيات مختلفه .  رجعت لبست الكاب . وبلسياره رجع  يحاسب ..بسيطه غفران مشيتي الي براسج .والي خلقج مافوتها الج . ضليت ارجف . نزلنا للصاله  استقبلونه باغاني وهلاهل . واني بس واحد يكلي هلو ابجي .خرب .كعدنا الكل يبارك وهو يهز برجله .يبتسم جذب .للناس  اشو بسرعه خلص الوكت كالو يله نزفكم للفندق . بعد وكت يمعودين مستعجلين على دفنتي . صعدنا للجناح .  اجتي ويايه ماما وخاله وهديل وشفاء  هديل تعالي اساعدج  بلبدله .خاله عوفيها كال   لاتنزعنها وتغمزلها ويضحكن . ماما اي  هاج غفوره هاي القطعه البيضه مال  نيشانج . 
غفران .......شسوي بيها .
خاله ......يا ماعلمتنها عذراء .
ماما .......ولج هديل شكتلجن . 
هديل ......معليه استحي اني ..
غفران ......شكو .شبيجن .
ماما ......عود لاتعاندين اصيل . ولاتتشنجين . زين ماما
غفران ......  اي ان شاء الله  متدري بي راح يمسح بي الفندق اليوم .
خاله..... .على اساس فهمتيها .تعالي خاله .شاورتني . شوفي   انتي . تعرفين شراح يصير بينج وبين اصيل اليوم .
غفران .. .....صدك اني مجانت عندي خلفيه بلموضوع يمكن من خلال ضحكي وتصنيفي . الي يشوفني يتصور كلشي اعرف بس لا . حتى صديقاتي من جنا نحجي مجنا نتعدى البوسه او الحضن  بدت خاله  تشرحلي . صاح مخلصتو وين جنتو  طول النهار . يوم ابويه خابر .فات عصبي 
خاله .اي .عيني رايحه طلعت امي والبنات
خاله شاورته ..
اصيل ........خايفه عليها .متعرف شي تعلمج وتعلمني . روحي يمه الله وياج .
انصدمت من طريقة كلامه  ورجفتي زادت .كلما يتحرك اكول جاني الراشدي . نزع الستره والرباط وكعد على الجربايه اني واكفه
اصيل   .......اي ..ست غفران . احجي شلون اتعامل وياج  بيا طريقه اتفاهم وياج .  ليش تصعبين الامور .ليش تجبريني اتصرف وياج  غير تصرف . وكف
غفران .........مسويت شي .غلط اني  حقي افرح مثل كل عروس  متكدر تحرمني من هذا الشي
اصيل ....... اها .حقج وين حقي اني .الي ردت عروستي بلشكل الاريده .  ليش  هلكد صعب عليج تسمعين كلامي وتنفذين رغبتي  شعبالج انتي هسه حلوة .  كام جرني على المرايه وين غفران   بشنو تشبهين غفران
غفران ....... بجيت .كلامه جرحني .انت خليتني هيج اتصرف اني اقتنعت بكلامك .بس من ضربتني .حبيت ابين لنفسي والك اني قويه منكسرت هاي جانت ردة فعل مو اكثر حتى احس اني انسانه مو حيوان انضرب واسكت وانفذ  تدري شحسيت  واني  جايه اشوف غرفتي مثل كل عروس وانضرب . صديقاتي يحجولي عن الي يصير بينهم . بهاي اللحضات  والايام . وانت .حتى منطيتنا مجال احجي   شمتوقع مني ..
اصيل ..كل هذا ضامته .  اثاري محمله .عليه
غفران .......اي حقي .  عفته وفتت للحمام .  لكيت .هديل خاله قميص النوم بلحمام .واله تراك .   طبعا .اني قزومه .طولي . ١٥٤ واصيل كلش طويل .فغسلت ولبست قميصه صار عليه .مثل الثوب .هو ياخه ودكم .  باوعتله استر من الخالته اليه السروال مالتها مصارلي عريض وطويل  نزعته و . طلعت باوعلي .  محجه فات غسل .طلع كال واني شلبس هسا . 
غفران ..مشكلتك .
اصيل ..اريد قميصي . مو مخليلج ملابس .
غفران .. ماريدهن .
اصيل .. اريده . ويضحك ..
غفران .. صار .. رجعت لبست البدله ونطيته اله ضل صافن
شبيك ..هاك موتريده .
اصيل ..كل عقلج .انتي
غفران ..شكو 
اصيل ..بعد احسن .اني اريد انزعج البدله .
غفران ..خاف متقبل
اصيل ..لا اقبل .  تعالي . هنا
غفران . ماااا  اريد انام ..
اصيل .نامي بس بدلي .لاتخافين اصلا  مطايق اباوع بوجج مو اتقرب منج .
غفران ..احسن .رحت لبسته هذا البلوه وصليت  اني واصيل  رحت نمت .
اصيل .متتعشين
غفران ..لا . ضجت .من القهر والتعب نمت .