شريك احلامي .

شريك احلامي .البارت ٢٣

#شريك_احلامي#البارت ٢٣
🌺🌻🌼🌻🌺🌼🌼
ليش تگلي احبگ وانته مـــــا حبيت
وانه شگد غشيم وصدگت حبـــــگ
جنت ابعيني اشــــوفگ اجمل من الكون
ثاريه القناع الخـــــــافي بيه وجهگ
دور الحب لعبته ومثلت ويــــــاي
گـــــافي الدور خلص انزع اقنعتگ...
اوراقك انگشفن وبين المستـــــــور
وجنت انـه الضحيه بهـــــاي سالفتگ
باجر قصه تنزل تطرب القـــــــــــــــراء
وانته تصير گـــــــــــاتب تنتشر قصتگ
وانه اگتب قصيده بدمع هــــاي العين
واگتب يا حسافه شلون مـــــــا عفتگ
گون امسح الماضي وگلشي مــا مرغوب
أول شــــــــــي امسحه ايام معرفتگ<
🌺🌻🌼🌸💮🏵
حجيت .كلشي .لامي ..وتندمت .انخفض السكر وكوه  سيطرنه اني ونور .علاج وحلا يله فكت عينها
كل ..هذا غفيره ..ماتحجين
غفران ..شحجي .وشكول .هاي كلت انتي ردتي تموتين وبابا
ماما ....باجر اروحلهن ..واهجم بيتهم على روسهم .
غفران ...ولج يمه وابويه .. خلي خيمه علينه وين نروح .شوفي ايمن ..لو اغيب سنه مايشيل تلفون ويسئل عليه .(((((غدير وسام)))
ماما ...هو الحنين راح ..ولج تذكرين من ضربج .ظل للصبح كاعد ماصدك يجي ويكعدج ويصالحج  سوده عليه يمه ..
غفران ...الله يرحمه .. احلفج بفراس .عوفي كلشي . 
ماما ... زين . بس اعرف شسوي
ثاني يوم ..ابو فراس
بابا .. نعم عذوره رايده شي
ماما .. عزمت بيت اخوك .اريد شفاء . واختي يجن اكيد واريد اروح لكربلاء هم
بابا ...اي عزمت اصيل .. بس هسه اكله على البنات
ماما ..اكد عليه ماقبل مايرحن
غفران .. ميجن ماما بس شتردين منهن
ماما ..  معليج الج الصافي
غفران التهينا نحضر .  سوينا اكل . وثواب لفراس ..طلعنا ومرينا عليهم صعدن خاله وشغاء .واصيل ..سلام رفع عتب وامي هم ثكلت وجه . عمي وبابا كعدو سو
امي ..ام نبيل  ليش ماجبتي صبا
خاله ...حامل ميصيرلها السفر
ماما ....الله يتمملها بخير .
وصلنا . للنجف .زرنا امير المؤمنين . من دخلنا امي عتنتني حليل ودفعت النسوان .صاحت بصوت رج الحرم .
ياابو الحسن ..  جيتك .بحاجه لاتردني .. هاي ..بنتي . متهومه .. اريد برائتها منكم . مثل ما  حكمت بدكة الطست برائه  برائة البنت الي اهلها رادو قتلها ظلم  اريدك تبراء غفران .الكلام هذا ..رجف روحي .وكلبي وخالتي  وشفاء من سمعوها كطعو زيارتهم وطلعو   امي ا بس تبجي اني وياهة  صليت وقريت الزياره ..امي .كعدت بس دموعها وشفايفها تتحرك بتراتيل مافهمتها بس عرفت هي تشكي لابو اليتامه ..  طلعنه .. رحنا لفراس ..  اصعب  موقف يتكرر كل مره  وغصه تنعاد ومتطلع ..  الم يفوق الوصف .. صورته جبيره  ضاحك .كانو فرحان بشوفتنه ..   ويرحب بينه
ياحبيبي ياحنين .  يابو ضحكه متفارك وجهك ..
سهى .بجت   يمه وتحجيله شسوه بيها الفراك .وامي . مثلها كلمن جان يشكي وضعه بجهة  رجعت للسياره قبلهم لان تعبت .حسيت احد ورايه التفتت .شفته اصيل
اصيل ...شبيج اجيبلج مي
غفران ....لا . اذا شفتني اموت لا  تساعدني .بس عوفني ضل واكف .بره كلساع يباوع .جاب مي  ونطاني .ماخذته  منه
اصيل ...شربي . لا اجي اشربج غصب
رجعو الكل . بتنهيدات تحرك المكان .  تحركنه لكربلاء .. وصلنا . زرنا الحسين .   وصلينه .    ورجعنا لابي الفضل .. شفت امي بلباب التفتت لخالتي .وشفاء وصاحتهم . 
خاله ...شنو اليوم نخلصها استعراض
.ماما ...تحملينه .. وراها كلمن يروح بدربه .تعاي شفاء
فوتتني  ماما نزعت حجابها ..صاحت هذا حجابي ابو فاااااضل بصوت عالي  شتكول .. ستري وستر بنتي بيدك . مثل مثل ستر  زينب .. تعاي ..ولج غفران ..كعدتنه بمكان قريب جانو اكو ناس تصلي كعدت شفاء وخاله 
احجي ..غفران ..شوفي ..احجي .وخصيمج ابو فاضل ..اذا جذبتي  بحرف ..ماتطلعين على رجليج .. وانتن . تحجن شعدجن . هم
غفران ... والله .وحملي وابي الفضل ..غير من صالحتكم محاجيته . ومن شفته يباوع ويذب حجي سحبت نفسي ..
وحق الله .  ممحاجيته  ولامتقربه منه . ولاالي نفس بيه ولج اختي انتي شلون هيج اسوي ..باوعيلي شفيه . اني غفران  اذكري منو غفران .. احنا تربينه سوه . انتي اختي واخت زوجي ..انتي الوحيده التعرف شكد احبج واحب اصيل ااذيكم  اني انتو اعز اثنين عندي .. ليش وعلمود منو  
شفاء....اني شفت المراسلات  وهو اعترف 
غفران ..  مفكرتي ممكن يكون احد ثاني
شفاء....اي مو فلم هندي هو متجوزين لخاطر ربج ..ادعي من الله ومن ابو فاضل  يبين حوبتي . بيج .
غفران ........ زين ..شفاء.تذكري هاي كعدتنه واتذكري .كلامي . ابو الفضل .خصيمي . هو ورب العالمين يطلعون حقي .لان انتو ضلمتوني .. بس ياشفاء.. لهنا .وانسي عندج اخت .
شفاء.... ناسيه اني حبيبه .ناسيه .
طلعنا .. ماما حسيتها تعبت .غسلتلها وكعدتها .  والطريق كله نايمه  نزلو بيت عمو ..اصيل ..يله نزلي
غفران ....اروح ويا اهلي
اصيل...  نزلي .
غفران .....متشوف وضع امي .. سهى .اني هم اروح ويا خاله . نرجع فد يومين 
اصيل ..  روحن .
غفران ..  ..شكرا سهى ادري بيج علمودي  جيتي
سهى .. اشتاقيتله اريد احس  بيه  مادري وين الكاه غفران .راح اموت 
((((((غدير وسام)))
💐🌸💮💮🏵🌹🌹🏵💮🌸💐
عشرتهم قهر اكلت شباب الروح
مثل حال الخشب لو عاشر الأرضه
أنفض ذكريات يجوز سهله تصير
لجن هذا الوقار براسي شينفضه
تركولي اثر بكل خطوه دمعه تطيح
عنهم لا بعد للموت ما ارضه
شرسم يافرح وبروحي عزرائيل
ميت روح عاش بروح منقبظه
مشو وسنيني تمشي وكلبي مابي خير
العمر فدوه يكلي ! المحب شيعوضه
الكتبتلهم قصايد! علشعر كالو عيب
وحق ربك حرام بحقهم الومضه
🌺🌻🌼💮🏵🏵🌹🏵🏵🌸🌸غفران ...
تعالي ..سهى ..كلنا اشتاقيناله بس شبيدنه حبيبتي
سهى ... الحمد لله ..غفران امي تكول عليه تخبلت صدك اني  مخبله
غفران ...انتي .قويه . مو مخبله بس هاي رده فعل .واي واحد بمكانج يتصرف مثلج
سهى ... اريد انام  تعبت .
غفران ...فوتي .نامي   امي  خلصتهة سكته هي كلما نرجع من فراس .تبقى يومين تعبانه .بس هالمره غير .  اعرف بسبب  مشكلتي . يومين .بقينا واجه اصيل ..اخذنه  ..دخلت بشهري الثامن ..والوضع كما هو .. صبا هم سقطت الطفل ..هلمره الدكتوره محذرتها بشده . وكايلتلها اذا  حابه تفقد قدره على الحمل تشيل طفل .  هسه .
اني ..اعتزلتهم بس بغرفتي واكتب بلاجنده الي نطانياها اصيل بدل .دفتري .  ادون تواريخ وايام .. واحداث .اكتب لبنتي .لان اصيل.  خلص . من احن اله واشتاقله .احضن نفسي لان بداخلي قطعه منه . مرات  احس بي بلليل يفوت لغرفتي يكعد يم راسي  ويطلع .. التفكير . موتني . اخاف من اولد ياخذ بنتي .  ويطلكني .
خاله وكعت ..و تاذه .. حوضها ..رجلها ..   نزلت .تحمدتلها على السلامه . وبديت اداريها  واشتغل  بلبيت  اول اسبوع
خاله  وجهه ثكيل عليه  بس  وراها فكت
بدت .تتصرف اقل.. حذر . 
شفاء تشوفني تكوم تصيح وتركع .
غفران ....خاله ..شاسوي .غده
.... بكيفج ..
غفران .يعني  .ممشتهيه شي انتي .اسويلج
.....لا ..شوفي انتي شيعحبج تسوين .
غفران ... زين . خاله ..رحت دورت سويتلهم غدا  تشريب  لحم   اكلي من المشكله صار  كلش قليل .  وكل مراجعه الدكتوره تكلي نازل وزنج .
خاله اغديها لوحدها . ...وهما خليتهم وكعدت  يمها
خاله متتغدين
غفران ... ماشتهي هسه  خاله ..مدام عمو .ينام بلصاله . اربد انام هنا يمج الصعده والنزله صايره صعبه عليه
خاله ... يا .خاله علوا اصلا الليل كله  كاعده وانقهر عليج تصعدين وتنزلين للله شاهد داريتيني اكثر من بناتي
غفران  ...خاله انتي امي .الثانيه .اخدمج بعيني .. بس  اريد  تخلين اصيل ينزلي غرفتي هنا
خاله....وبيتج تعوفينه
غفران ...مو بيتي .هذا خاله .  صار بيت صبا
خاله ...من ايدج ياخاله .ليش هيج سويتي
غفران ... ماله داعي الحجي . كتلكم ممسويه شي محد صدك  
خاله ... والله يايمه اني هم  من صفنت الها ماصدك انتي تسويها
غفران ...  هسه شكلتي
خاله..... اني اكله
كملو غدا ..رحت لملمت . شفاء شايله ايدها وسهى .تشتغل ويايه بس .تتعب .خطيه . وذيح متعلكه فوك من رجعت من اهلهة  جنت ارتب بملابس خاله وعمو بلكنتور   واجه اصيل 
دازة عليه يوم
.....اي حبيبي ..اريد تنزل غرفة .غفران يمي هنا  مثل متشوف    وضعي
اصيل ... هي يمج كل النهار .. بس بلليل تصعد يجن سهى وشفاء يمح
....ابني  .هي   عرفت علاجي . وقته وتعرف شلون تكومني وتكعدني
اصيل ..... ميخالف ..باجر اجيب واحد يرتب الغرفه .
خاله ....روحي ..لمي  غراضج واخذي سهى  وياج
اصيل ...لا عوفيها صبا تجمعهن
غفران ...شكرا ماريد احد يجمعهم الي اني اروح
اصيل ... شوفي لج مو حبا .بيج .اخاف على الطفله
غفران ...انت مو احرص ..مني على  طفلي ونفسي  تردين شي خاله لو اروح
خاله .....روحي ..
غفران ..لكيت سهى نايمه . عفتها صعدت .بديت ارتب 
اصيل .. ..ليش وحدج
غفران ....   ماعندي شي  اجه . كام يجمع ويايه الاشياء الثكيله هو يشيلها ..
اصيل ...كافي تعبتي  ارتاحي .اني اكمل اصلا   مبقى شي
غفران ....خلصت ..بس هاي ..الشغلات   اكو جنطه جنت مجهزة .بيها لولادتي  .طلعت .قميص لفراس .  اخذته يبقى عندي .. ريحته بدت ..تخف منه وتضيع .. شكد حاولت ..احتفظ بيها بس راحتو . ويا كلشي حلو راح ..اخ ياخويه جنك من رحت خذت ..كلشي حلو وياك .