شريك احلامي .

شريك احلامي .البارت الخامس

#شريك_احلامي#الخامس   بقلم غدير وسام
نبيل ..شكله يعني رافضين
بابا .. بلي .كله البنيه صغيره .
انسد الموضوع اني هم فرحت رفضو بعد اسبوع   كاعده اني وشفاء اجه ولد  حنطي  طوله متوسط . سلم كال  ممكن احجي وياج
غفران .نعم .رايدمن انت .
...انتي مو غفران .... نعم تفضل
كال اني .موفق ..قبل فتره  تقدمتلج عن طريق نبيل ابن عمج
غفران ..اها..ا  تفضل شنو المطلوب
موفق ..ممكن اعرف سبب الرفض ليش رفضتيني
غفران  ..بابا رفض .لان   بعدني  ممكمله دراسه
موفق. .يعني انتي مرافضتني .اذا على الدراسه اتعهد تكملين ماعندي اعتراض
غفران ..اعتذر منك . بس ماكو قسمه اني ممفكره بلزواج حاليا .
موفق ..راح ارجع ادز اهلي ياريت تفكرون .عافنه وراح
شفاء ..ههه خرب هذا شبي
غفران .شمدريني اكله ممفكره يكلي ادز اهلي .خلي هو حاب يتعب نفسه
رجعنا العصر فعلا جوي اهله وبابا جان نفس جوابه . استمر كل فتره يجيب عالم . ودز ناس على بابا .الى ان تفجاة بابا جايني يسئل اذا بيني وبينه شي
غفران ..صدك تحجي بابا
بابا ..  تمسكه مو طبيعي وذاك اليوم يكلي البنيه موافقه بس انت متريد تنطيني
غفران ..لا بابا . ماكو هيج شي . بابا خلص .لعد اني هم اسلوبه معجبني كدام الناس حجه بطريقه توحي بينكم شي
ثاني يوم بلكليه شفت اصيل كدامي .  جرني من ايدي وصعدني لسيارته   اني مصدومه شبي .هذا . 
وكف السياره  .  واندار عليه
احجي شعندج ويا هذا موفق
غفران . مابينا شي والله .  ماعرفه
اصيل ..ولج شلون.يكول هي موافقه عليه منين جاب هذا الكلام
غفران ..مموافقه وماريد اتزوج .وكتله
اصيل ..شنو ..كتله وين شفتي وكتيله 
غفران ..ها  اجاني للكليه وكتله ماريد اتزوج
اصيل ..هنا الحجي .اثاري اكو مقابلات  وحجي وهو جاي واثق من نفسنه
غفران . والله ممحاجيته هو اجه وكتله ممفكره بلزواج
اصيل ..لعد منين جاب هاي الثقه  وكانو ماخذ منج موافقه
غفران .مو مشكلتي هو غبي ومفهم  اني مستحيل افكر لابي ولابغيره لان اني ا...ح
اصيل  انتي شنو احجي .
غفران ..اريد اكمل دراسه
اصيل ..بس ماكو غير سبب .متحبين  شخص مثلا
غفران ..لا بس اريد اكمل دراسه 
اصيل متاكده
غفران ..اي .. مافكر بلحب .ابد .
اصيل ليش تكذبين .كولي اذا تحبي اخلي عمو يوافق وتتزوجي
غفران مااحبه . عوفني ارجع للبيت
اصيل .. لج احجي ..بينج وبينه شي
غفران ..واذا انت شعليك شيخصك
اصيل يخصني لان احبج
غفران .. 😲 ((غدير وسام)))
اصيل اي احبج وانتي هم تحبيني .
غفران لا مااحبك متوهم
اصيل ..وهذا شنو لعد .طلع دفتر مذكراتي الي جان ضايع . 
كتله هذا وين لكيته .انطينيا .
اصيل.... لاتكذبين انتي تحبيني  كل سطر كتبتي عني  وكل حركه ذاكرتها .
غفران.. ..لا مو عليك انطيني دفتري
اصيل .. مااعرف  اكو اصيل ثاني  وهم  ابن عمج .
غفران.. سكتت شحجي .
اصيل ....احجي لج ليش سكتي .
غفران .شحجي .هاي مشاعر  مراهقه . لاتفكر  بيها
اصيل ...يعني هسا تغيرت مشاعرج .  حبيتي موفق
غفران ..لا لا ..بس انت مو من حقي تزوجت خلص
اصيل .. لج احبج  والله من جنتي صغيره بس خفت عليج بعدين كلت جبير عليها واخاف افتح عينها . 
غفران ..والي يحب يبين   للشخص .يحسسه  اشو محسيت .
اصيل ..جنت متقصد مااحسسج .  ردتج تكبرين .واتقدم بعدين انتبهت انتي طفله يمكن اظلمج ويايه بس من تقدم هذا عرفت ماتحمل ترحين لغيري
غفران ..تتحمل .ميصير بيك شي هاي اني كدامك متت  شفتك تروح لغيري . 
اصيل .لاتقارنين
غفران ..ليش مااقارن .صار شكد دفتري ضايع .قبل زواجك تعرف بمشاعري . ليش مصارحتني اذا تحبني ليش مجيت كتلي اني مثلج ليش استمريت بخطوبتك 
اصيل ..حاولت افسخ .والكل صار ضدي  وبعدين رحت بلغت صبا واهلها بلليل اتصلو بيه منتحره ومتلاحكيها .  والدكتوره كالت انهيار عصبي واحتمال ترجع تعيدها ابوها توسل بيه مااتركها . وانتي كم مره جيت للكليه ومجانت عندي الجرائه اكلج  وابين مشاعري  لان  حبيت من  اعترفلج مااكون مرتبط بس كلشي صار ضدي
غفران ..هو يحجي واني ابجي متحملت .صعبه حلم طفولتك تشوفه بلحظه يتحقق بس هو ابعد مايكون عنك .
ليش تبجين ..كافي 
غفران ..  ليش .مبينت  حتى بنظره تدري شكد جنت اتحسر على شي يبين انت مهتم .
اصيل  .. ماكدر ..جانت مرات تصدر مني شغلات وارجع اتلافاها
غفران ..شراح نسوي . (((غدير وسام)))
اصيل ..اتقدملج ..انتي بت عمي .واني احق بيج من الغريب
غفران ..لو قبل  جان وافقو بس هسه مستحيل يقبلون 
اصيل ..  اسوي المستحيل اذا انتي موافقه
غفران ..انت متزوج لو نسيت .عوفني
اصيل ..يعني  مموافقه  اتقدملج
غفران . لا .واصلا راح اوافق على موفق .
اصيل .مو كيفج .. انتي الي من الصغر .  تعبي  حقي .
غفران ..وين جنت قبل لاتتزوج لو هسا فجاة وعيت  على  تعبك وحبك ..كلامك مموزن  فهمني انت شتريد من سابع المستحيلات اني اكون الك  لا اهلي  ولا اهلك يقبلون   رجعني للبيت هسا .وارجع لزوجتك الله يهديك
..لج مخبل اني والله يهديني . غصبن ماعلى اكبر واحد اخذج . ساق بسرعه  صار كلبي برجليه . 
#شريك_احلامي#تكمله الخامس
ساق سريع  كلبي بين رجليه متت لمن وصلنا نزلت ركض خايفه .. راسا لغرفتي . لااكل ولاشرب خايفه . بلليل كبت عيطه  نزلت اسمع بابا يحجي ويا اصيل .ميصير ابني شجاك
اصيل .. عمي . غفران متروح لغريب اني احق بيها .
سمعت عمو وخاله جوي ورا وشفاء صعدتلي ركض .شكو هذا تخبل علينه
غفران .اشش خلي نسمع
ابو اصيل ..ابني  ميصير هيح نتفاهم
اصيل... هنا نتفاهم مال تنطوها لموفق طلقه براسه اخلي مو بس هو اي واحد يتقدم . متقبلون اروح لجدي . اروح لشيخ العشيره وانهي عليها .
بابا ..انت تخبلت . لو جاي قبل متوزوج انطيكياها بس هسه مستحيل
اصيل .الشرع حلل اربعه .واني رايدها قبل لاخطب صبا بس كلت صغيره
بابا ..  وهسه كبرت .
اصيل لا بس مال تنطوها لغريب  بت عمي الي .
بابا .....احمد عاجبك  تصرف ابنك
ابو اصيل... ..ابني .. تعال بلبيت نتفاهم .
اصيل. .ماطلع اذا ماعمي يكول تم
لك ابني شكول تم
فراس....  لعد تنطيها لهذا الغريب
بابا ...لا انطيها على ضره وهي طفله .انتو شبيكم
اصيل ..اطلكها وذنبها بركبتك ومااعوف غفران
غفران متفاجاه هذا مثل البركان جان كاتم وانفجر  معقوله كل هذا حب اليه  اشو محسسني .ظلو يصيحون اخير شي كوه  طلعو اصيل .من بيتنا  بابا يصيح وفراس طابك ويا .اني مشاعره مخربطه بس ساكته شفاء .هو حاجي وياج  عرف تردي
غفران .اسكتي طلع الدفتر عنده
شفاء .. 🤤وين لكاه
غفران ..شمدريني اليوم اجه اخذني  وحجيتلها كلشي
شفاء .. طلع مثلج .هههه  اثنينكم بلاوي متنحزرون
....اكلج مرته عرفت
شفاء  ...اي  دخل مثل المخبل علينه بس هي ممتفاجاة صدك بجت وضلت تصيح بس يمكن كايللها قبل
غفران ..شلون راح تفض
....انتي شراح تسوين شنو قرارج
غفران ..مااعرف . لج مشاعري مختلطه فرح خوف حزن .تردد اصرار .
شفاء ..الحمد لله حتى مشاعرها  مخبله مثلها هسا  مثلاعمو يدز عليج ويخيرج  شتختارين
غفران ..عوفيني شفاء . فدوة  انتي كل عقلج بابا يوافق ويخيرني
شفاء ..وانتي كل عقلج اصيل يسكت .لا شوفي حبي هذا مكاني واذكرج مدام كال غفران الي انت متصيرين لغيره .
غفران .😲
شفاء . باي ...غفران . ظليت اني وكل البيت للصبح منايمين ومحد راح لدوامه عبالك عدنه عزا الكل ساكت وميحجي بابا شايل هموم الدنيا .خايف عليه وخايف على علاقته باهله  لان نعرف جدو . وقافل من ناحية هاي الاعراف وحذرمن تزاعلو  ذيج المره ممنوع  بعد تتكرر . وهو كلش يعز اصيل والحفيد  المفضل عنده  ماما .اتصلت بخاله تعاتبها . اسمع امي ومن خلالها استنتج كلام خالتي ماعاجبها تصرف اصيل بس تكلها مابيدي شي .  رحت تمددت بغرفتي افكر . شراح اسوي .  دك فوني شفت رقم . مجاوبت جاني مسج اني اصيل جاوبي . 😕
نعم
اصيل....ليش متجاوبين
.غفران ...رقم غريب مااجاوب  لو ماداز مسج  مارد عليك اصيل...اها..اا شلونج .
.غفران...  شلوني ورا العاصفه الي سويتها  تعبانه اكيد .انت متعرف بلتفاهم
اصيل .... محد نطاني مجال للتفاهم الكل عصب  وكانو مرتكب جريمه
غفران... بس هم . تصرفك  غلط اصيل  ارجع اكلك انت متزوج . ماريد ابين دراميه واكلك مابني سعادتي على تعاسة غيري بس اني ماتحمل غيري يشاركني بيك
اصيل..لا تخافين الها مكانها والج مكانج محد راح تحس بلفرق .(((غدير وسام))
.غفران........ايباخ ..شكد واثق من نفسك الحج متولي
اصيل........ههه ضحكتيني واني ضايج   فدو اروح للي تحشش
غفران....... اصيل   فدوه سد الموضوع واتركه وربي يوفقك بحياتك واذا خايف اتزوج اطمن مااتزوج لان ماتقبل غيرك بحياتي   كلبي  مانبض اله الك واحلامي  تكونن على طيفك .وتخيلاتي . بشخصك ونفسي من عطرك . ولمساتي مو من حق غيرك لذلك اني ناذره عمري الك لو يذبحوني ما اتزوج غيرك .  فطمن كلبك .ونام رغد  وماكو داعي  تهدم بيتك .
اصيل........لج مو اهدمه افلشه امحيه بعد هذا كلامج واعوفج اله   مخبل . روحي مريتي بت عمي ام بيتي .  رايح لجدي نعمان .محد يحلها غيره
غفران....... تعال مخبل .. سده وراح  اليوم تعلك اكيد هسا اني جيت اكحلها عميتها خرب بحضي الفافون نزلت.ماما طابخه محد ماكل اني جوعانه .
.غفران......شنو ماما متتغدون
ماما.....منو يشتهي ابوج ضغطه مرتفع .ونايم .انتي جوعانه صبي وصيحي اخوانج واكلو رايحه لابوج اشوفه  كتلها اني اروحله ..فتت لغرفته صافن .بابا ...باباتي ليش متتغده
....تعالي غفوره ادري بيج خايفه ومقهوره بس لو اعرف اعادي الدنيه وماخلي هذا الزواج يصير
غفران ........بابا ..حبيبي .اني مخايفه الي عدها اب مثلك تخاف .بس اريد اكلك شي .
... كولي بابا 
.غفران .......اصيل .. اذا .راح لجدو  جدو يوافق ويدز عليك اكيد ويكلك انطي غفران لابن عمها .انت راح ترفض وجدو يزعل وترجع المشاكل .واحنا مصدكنا تتصالحون   فاني موافقه على اصيل
.... بابا ..انت شتحجين غير اني جوة التراب وانطيج على ضره .
غفران.......اسم الله عليك .عمرك طويل . بس اصيل شنو عيبه غير هو متزوج لو جايك قبل تنطي لولا
......انطي اكيد اصيل والنعم منه  (((غدير وسام))
.غفران.......هذا هو لعد اعتبره ممتزوج واذا خايف عليه من الضره  اني ترباة ايدك لاتخاف  ماريد تصير مشاكل

بقلم غدير وسام .
غفران......اني ماريد تصير مشاكل .
...تركي هذا الحجي عوفي للكبار بعدين حتى اخويه وخالتج مقابلين هذا يحجي بكيفه
غفران.......واذا كتلك اني رايده اصيل .وابن عمي ومحد يحافظ عليه مثله .
....اكلج لاتضحين علمود علاقتي بااهلي اني احلها
غفران .......زين كوم تغده اني جوعانه
بابا ..هههه كومي . .ظليت صافن هاي الطفله  الصغيره تفكر  بيه وبعلاقتي وتريد  ماأخسر اهلي . وكلامها اكبر من عمرها . .رحت اتغدا وياهم  خطيه  الكل شايل همي بعد الغدا بلغرفه .. ام فراس ..تعالي احجيلج شكالت غفران 
عذراء... هي عقلها جبير بس  شلون نتصرف .هسه دكت عليه ام نبيل .تكول اني وابو راح نجي  نطلب غفران تنطونا لو تردونا
.... وانتي شكتيلها
....كتلها الحجي يمك اني مالي دخل .كالت هذا مخبل وعصبي يروح يحط طلقه براس موفق .ويبلينه ورايح لاابوك حتى يدخل .
.... والله يا عذراء ..اني هم بين نارين .اهلي وبنتي .هسا قبل اخويه مساندني على ابنا اشو هسا يريد يجي يخطب شحجي ويا .بعد الحجي  اذا عرف .اوووف راسي راح يطك كومي انطيني حبوب الضغط . ربج من يما يحلها
غفران .. ثاني يوم جان عطله من الصبح اتصل جدو بابويه  كله تعال . عرفت  اكيد اصيل رايحله
بابا ..هذا مراح يجوز  حرض الحجي
ماما ..روح شوفه بلكي ماقابله
...خلي اروحله ...بابا للعصر ماكو . .بعدين اجه صاير نار ومعصب ٠ الكل صار ضدي . جايب حتى مرته تكلي عمو موافقه ..والحجي  مينطي مجال .
اندكت الباب فات عمي ابو اصيل وامه  وجدو .بدا  النقاش وعلى صوتهم . ومثل متوقعت شفاء دزو عليه .
بابا .. تعالي غفران .. انتي قرري .معليج لابيه ولابغيري .
الجد....شتحجي  ابن عمها . واحق بيها  ماكو ننهي  عليها وخليها يمك
كتلهم .اني  موافقه .الكل التفت متفاجأ.

....😁😁😁
اعوضكم .بلليل  ... بس احب اسمع توقعاتكم ..   شتتوقعون . وتصرف  صهيل ..صح . لولا ..   خطيه  يعبها  هههه هوواكع  بلعب . شيسوي ..وهي غفوره تنحب عسل ... ..ت
تصويت ..تصويت لحد الان مماخذه مركز .ليش 😢😢😭😭😭😭