شريك احلامي .

شريك احلامي البارت الثالث

اعتذر   تاخرت   حبيت .تعليقاتكم  واعجابكم بل القصه ..  واتمنى .تبقون للنهايه مستمتعين باحداثها .

#شريك_احلامي#البارت الثالث .
غدير وسام ...
بيتنه بي حديقه جبيره .وبيها مرجوحه نكعد بيها العصاري .اكثر شي اني وبابا
غرفتي .جان شباكها  على الكراج  مالتهم . فصار اغلب وقتي اباوع عليه من يرجع ومن يطلع . احس بي  
تقريبا .بعد شهر من نزولهم للبيت .خاله جتي يمنا . كالت الخميس خطوبه اصيل
غفران😲🤤 خاله نبيل لو اصيل
خاله .لا اصيل نبيل .يحب وحده وينتظرها تكمل  واصيل .يريد  اخت  صديقه .
غفران .....مسيطرت دموعي فضحتني رحت لغرفتي لايشوفوني  معقوله يحب ..اي ليش ميحب  لزمت دفتري . وكتبت الي احس بي . حقه يحب هو مو عدني .بشي .ولاباوعلي بغير نظره .طول عمره حاسبني اخت .اني الي بنيت لنفسي دائره اسمها اصيل  وحبست نفسي بيها الكل بلبيت .بدا يحضر .واني عذري ويايه امتحانات  بس مكدرت بيوم الخميس . حضرت نفسي  ورحت وياهم .حتى اقتل اي امل بداخلي .  شفته لابس نفس القاط الي لبسه بخطوبة شفاء .عريس  قربان لطولك وهيبتك حبيب عمري .وحلم طفولتي . حسيت كلبي يرفس جوه صدري ونار ♨️ باوع بوجي نزلن دموعي راسا درت  منه صعدنا بلسيارات  جنت اشيع .بحلمي   بيت العروس فخم .واهلها .محترمين  وهي حلوة .بكده او اصغر منه بسنه يمكن . بيضه .لابسه فستان احمر .  من عقد  كعد يمها اختنكت بعبرتي وحسيت حتى بلاعيمي تاذيني .  لبسها الحلقه وباس راسها . كمت ..متحملت .كلت لاختها اريد الحمام . ودتني .بجيت بجي بعمري مباجيته . غسلت وجي .وطلعت . شفاء .وين رحتي
غفران ..... للحمام .((غدير وسام))
شفاء ....شبي وجج احمر . وعيونج  باجيه ولج
غفران .....عليمن ابجي .مادري شطب بعيني  واصلا تعبانه من الدراسه
شفاء.... اسكتي محد يحس بيج غيري .
غفران .....لا محد يحس بيه حتى انتي .
شفاء ....شبيج .غفوره  احد مضوجج 
غفران ....لا . واسكتي مني .عفتها وكعدت يم ماما لان بس تلح ابجي وافضح نفسي .وهذا لزك ..ممصدك كاعد يمها .طاح حضك .حتى ذوق ماعنده  رجعنا لبيت عمو .كلت لماما اروح للبيت 
ماما .....انتظري .نروح سوا
غفران... ..لا  عندي  تحضير .راح اشوف بابا فراس .يوديني 
طلعت ادور صار بوجي
اصيل ... ها غفوره شتردين
غفران ....اريد فراس يوديني للبيت
اصيل ..فراس .راح . بشغله .تعالي اني اوصلج . شبيج اليوم مو طبيعيه
غفران ....شبيه مو طبيعيه .شككت ملابسي لو كطعت شعري
اصيل ...على كيفج  شكلنالج عيني هاي المبروك مالتج .وصلت للبيت
غفران ... مبروك بس بينت عبرتي بصوتي  وفتت يمكن عرفني بجيت .طاح حضي مسيطرت على نفسي.  صعدت بدلت .باوعت شو هذا بعده واكف وصافن . بيومها صخنت . وماما للصبح وياي بس ابجي عبالهم من المرض مشت ايام هملت دراستي  وصحتي امتحنا .وخلصنا .وبقيت انتظر النتائج . الكل متصور لان  بكلوريا هذا وضعي والحمد لله محد انتبه بيوم الي بابا سحب المعدلات من الانترنت . جان معدلي مو بلمستوا المطلوب ولايحقق طموحي باني ادخل حقوق ضاع تعب السنيين كلها  كوه . طلعت كلية تربيه قسم تاريخ بجامعة بغداد .وشفاء .ويايه  هم نفس الجامعه نبيل خطب .كلت لماما اريد اسوي حواجبي وجهي . واخذ من طول شعري ارتبه . (((غديروسام))
ماما ....ذاك ابوج وكليله لاتبلشيني ويا
غفران .....شمعنا اني .انتي ليش هيج ويايه .لو لان ماشبهج تفرقين .تحبين بناتج ذنيج لان يشبهنج وكلشي يحبن يسونا بس اني لا .
ماما ..متفاجاه ..🤤اني افرق بينكم . انتي هيج تفكرين .منو مداريج مثلي
غفران... .. نور من راحت  صبغت شعرها وكصته ماعترضتو .
لو بس اني
ماما ....ابوج ميقبل انتي بلذات يحاسبني عليج . مو افرق بينكم لا ماما .بس هو يكلي هاي بنوتي معليج بيها
رحت لبابا . كتله اريد  اروح صالون .
بابا ....ميخالف بس الشعر مينجاس ولاسانتيم
غفران .....بس ارتبه
بابا.. ..ابد لاتحاولين  ترا ابطل .
غفران... ..بس الاطراف تعبانه ترا ميطول بعد مو ماما .جانت جايبه لبابا جاي .باوعت .كالت اني مو امج عيني . وصح كلامها بنتك راحت .كال بس شويه واقيس واشوف
ركضت لماما صالحتها .ثاني يوم .ودتني للصالون . سوتلي حواجبي ونظفت بشرتي  .ورتبت شعري بس كصيت  الاطراف . من خلصت صفنت .منو هاي .. لعد جعفوري  وينه  طلعنا .شكو سياره بيها مرايه اباوع لوجي صدقه فديتني .  بلبيت .فراس ..هلا عيني منو هاي الحلوه
غفران ....خجلتني .اخويه
فراس ....لج مو بس شواربج شالوهن حتى لسانج بدلو
غفران ....  ماجاوبك اخلاقي متسمحلي😏
فراس.. ..لا .تعالي  خاف بدلوج  بلصالون 😂
بابا ..تعالي .غفوره (((غدير وسام)))
غفران نعم
بابا.. ..اشوف .الله شنو هذا الجمال .   اشوف شعرج
غفران.. .فتحته ..
بابا ....  ماخذه هوايه .منه شكتلح اني .
غفران ...بس الطرف .وكصيت كذله 
بابا .ضاج بوسته .لاتضوج هسا اروح ارجعه .
بابا ...ههه لاياخبله..  بايا كام ياخذني اجهز للجامعه رغم ضايجه..  على اساس خاله تزوج نبيل واصيل بيوم واحد بس اصيل مقبل يزوج هسه عرس نبيل صار بلقاعه  لبست فستان محجبات
ماروني طويل . ضيق من فوك وعريض من جوه  وعليه . روب شيفون .. وحجاب اسود .  مكياج سموكن  جتي خطيبه اصيل.  تتموع ماابلعها .غثيثه
#شريك _احلامي# تكمله الثالث
غدير .وسام ..
خطيبه اصيل .جتي شكد غثيثه .مابلعها . كلساع وكايله اسيل جابلي .اسيل خابر ني خرب بحضي الفافون    تعوج بحلكها .ترفع بايدها بلحلقه . شوفوني مخطوبه  طلعنا  ناخذ العروس  للقاعه  خطيبته جتي .ويانه لان   هو اخذ اصدقائه بلسياره  ضلت دردم عليه . ههه 😂👹تششمتت بيها   بلقاعه . كعدنا كلنه سوا .كلما اشيل راسي الكه اصيل صافن عليه .يمه كلبي  شغلو اغنيه سلو . كامت  صبا خطيبة اصيل  وجرته يركصون .هما والعرسان . بس شنو . متت قهر . رحت على مسؤول الديجي .والاغاني .كتله يردون بيت كطيو .
هسه بسرعه. رحت كعدت هما مندمجين  واشتغلت .يابيت كطيو .طابخين النومي . هههه  الكل تفاجا  كامت كلها ..تركص .واني فاطسه 😂
شفاء... .شبيج
غفران... .مابيه شي رحت يم العرسان .اجه ورايه .اصيل ..روحي كعدي لاتظلين تفرفرين
غفران .... عليه
اصيل ...لا على امي  امشي لا افرج العالم عليج .
غفران .. هذا شبي
. اخذنا صور ويا العرسان  رجعنا للبيت .  مصدكت اني كبل للحمام قبل لااحد يدخل قبلي غسلت وطلعت لاكاني فراس.. اي هسا هذا جبار .رجع
غفران ..  انهجم بيتك ياشاروخ خان .
جوعانه طلعتلي .كيكه   اكلت .اتفرج على الصور .بلتلفون  خذت  كم صوره لاصيل .نمت على شوفته وفتحت عيني عليه .فدوات   تروحلك  صبا الصفره   وعشيرتها داومت  بلكليه .. بابا سجلي خط  اني وشفاء .هي .انكلش .واني تاريخ .  بس نلتقي  مرات .وتعرفت على بنات .ولد صرنا كروب .حلوة .مرت ايام .تعودت . على الدوام .  وبيوم   كاعده بلغرفه طلعت  محاضراتي اقره و. دفتر مذكراتي   ورحت للحديقه بلمرجوحه .. فاتحه شعري .  شفت الباب انفتحت .اصيل .بس جمد بمكانه😨 .اني . خليت  السجلات على راسي وركضت  جوه .💃سمعت صوته ويا فراس . يحجون . وبابا .. بقيت .بلغرفه ثاني يوم طلعت للخط شفته بلباب .(((غدير وسام)))
صباح الخير
اصيل ..صباح النور . اسف البارحه  فتت بدون مادك الباب بس جنت احجي ويا فراس وكال تعال .
غفران ..مصار شي  طلعت شفاء ورحنا
شفاء .شبيكم .
غفران ..ماكو شي
شفاء .. انتي .صايره كلشي متحجيلي عبالج مادري بيج تحبين.اصيل .
غفران.....عزه بعينج
شفاء .....لاتفكين حلك وتسوين نفسج متفاجأه وماكو هيج شي نظراتج فاظحتج قبل جنت اكول تحبه حب طفوله تكبر وتنسى .ومااحرجها بالسؤال 
غفران .... كل هذا منتبها عليه  ولج مفضوحه اني ومادري  خاف الكل منتبه عليه
شفاء .... هههه لاتخافين بس اني لان اعرفج.
نزلن دموعي .
شفاء. .. اعرف حبيبتي مقهوره .لان خطب .شنسوي اختياره بعد .اصلا مااحبها .
غفران ..ميفيد الحجي بعد . وصلنا للجامعه . بيومها شفاء ظلت يمي .  بعد فتره . فقدت دفتري . ملكيته .شكد دورت .ماكو .  متعودة اكتب جبت واحد جديد بس ذاك من الطفوله ويايه معفته خفت يوكع بأايد احد وهو بي مصايب
خابرت  شفاء .لج ضاع دفتري طبعا حجيتلها كلشي بيوم .الي بقينا بلكليه 
شفاء .. دورتي زين .لايروح  احد يلكا 
غفران .وج مخليت  تعالي شوفي غرفتي  كلبتها على البطانه
شفاء .راح اجي ادور وياج
غفران .هلا بيج تعالي
جتي .ونفس الشي ماكو . يئست .منه .كم يوم  وكالت شفاء .اصيل .يريد يفسخ  واهلي ميقبلون .وصايره مشكله 
غفران ...ليش يريد يفسخ شجا
شفاء ..يكول ممتوالمين يحسها طفله وتتزعل وتريد طبه وطلعه .وهو دوامه .ميلحك ومايحب هاي السوالف
غفران .وبعدين
شفاء ..مازال الامر قيد التداول . ماريد ادعي عليها حرام بس اتمنى وهاي امنيه بس .يعوفها ويزوجج
غفران 😁امين
شفاء .وسم  حرام
غفران ..هسا اني الحجيت لو انتي 
الصبح طلعنا للدوام اجه اصيل يوصلنا لان الخط  عاطله سيارته .صبحت عليه وكعدت كلما ارفع راسي الكا يباوع .عليه . بعدين طلع نظارات شمسيه ولبسهم . وصلنا  للجامعه .نزل .ويانا .كال عندي شغله رحت للمحاضرات .من طلعت شفته .بلحديقه مال كليتنا رحت يمه هلو اصيل بعدك مرحت
اصيل ..لا منتظر ولد صديقي .وانتي خلصتي
غفران  اي .ماعندي  شي كعدت يمه 
اصيل ..اشو وحدج
غفران .ماكو .صديقتي اليوم ممداومه  وهسا شفاء تجي ونطلع للبيت
اصيل .شلون ترجعن
غفران  ناخذ تكسي
اصيل ..عفيه .تحجيها بكل ثقه  تاخذ تكسي شنو وين كاعدين
غفران .شنسوي لعد الخط عاطله سيارته
اصيل ..دخابريها اني اوديجن
غفران .صار .بس بعدلها محاضره هي 
اصيل ..ها .اا
غفران ..سمعت تريد تفسخ ليش  باوعلي صفح
اصيل ....ممتوالمين . وبعدين ماريد اتزوج هسا
غفران ..ليش .شمنتظر
اصيل ..منتظر حبيبتي تكبر .
غفران ... اي صبا .جبيره 
اصيل ..مو صبا .احب غير وحده .بس جنت  خايف متحبني او متفكر بيه بس اكتشفت هي تحبني
غفران ..حصرتني البجيه درت وجي منه   بعدني ممخلصه من الصخله صبا طلعتلي وحده غيرها خرب بحضي الكونكريت اي ..وشراح تسوي
اصيل ..مااعرف انتي برائيج شسوي .
غفران ..خرب يسئلني .عوفهن اثنينهن وتعال اخطبني
اصيل نعم .كلتي شي
غفران ...لا اجتي شفاء يله .طلعنا .نزلت يم بيتنا 
ماما ..جيتي غفوره   تعالي تغدي
غفران ..ماريد ماما .اريد انام .صعدت لغرفتي افكر بحجي اصيل . اووف   محسيت الى ماما تكعدني شبيج  صار المغرب وانتي نايمه كعدي  اكلي غسلي
غفران جايه .كعدت غسلت 
بابا شبيها غفورتي
غفران ....تعبانه ومكسله .رحت نمت بحضن بابا . ظل يلعب بشعري . فاتو اصيل . وفراس اني طفرت للمطبخ
ماما ...شبيج ولج
غفران .... طبعا هذا ابنج فراس  متصيرله جاره 
ماما ....شكو
غفران ....جفت هو واصيل واني  مجطوله بحضن بابا
ماما ...شكبرج  تصيرين وتتجطلين بعدج  دمشي وديلهم  جاي . وكيك . شوفي ابن عمج متعشي
غفران ..اخذتهن قدمت .اصيل ماما تكول متعشي
فراس ..لا ممتعشين اثنينا سولنا  عشا
بابا ..سويلهم عشا . واكلي وياهم يله لاتظلين بلا اكل
رحت  كليت كبه وبتيته فنكر اني احب اكسبها واخليلها مايونيز  وكجب .خليتهم على جها والي  فراس ميحبها  هيج . سويت زلاطه وديته الهم . فراس ..تعالي تعشي ويانا
غفران رايحه اكل بلمطبخ .
اصيل ..تعالي لو تستحين مني اروح اني اذا هيج
غفران ..لا مااستحي هسا اجيب عشايه واجي
فراس .وياج جاي .الاخ مياكل بدون جاي
رحت صبيت جاي .وجبت اكلي  استحي اكل احس اصيل يباوع ..
فراس ..جيبي  مي
بابا . شطلعت وياك خليها تاكل لاتظل تصخر بيها .كوم انت جيب .راح فراس .هذا جر  مالتي البتيته وكام ياكل بيها  خرب  اكلي حبيبي ..صح احبك بس احب اكلي ..اههه .عض قلبي ولاتعض رغيفي . اريد  البتيته مالتي 😭 خلصه  خرب على الاقل انطيني وحده يامجرم .
اصيل .عاشت ايدج
غفران ..الف عافيه 😕.  رحت للغرفه   قريت .ونمت الصبح بدلت . وطلعت  لكيت شفاء واكفه صباحو
شفاء . صباحوو اجه الخط طلعنا
ولج تدرين باخوج يحب
شفاء ..شيحب 
غفران ..بنيه قابل يحب صخله  ولو هي صبا صخله
شفاء .. جذب ..شمدريج
غفران ..اني كتله ليش تريد تفسخ كال احب وحده
شفاء .اي كملي
..شكمل .وجع .بس انتي اجيتي وسكت 
شفاء .. مكلج منو
غفران .لا  وصلنا للكليه . مرت ايام اسمع مجادله بيت عمي  ومرات اهله يشتكون  يمنا يريد يفسخ وهما ميقبلون . بعدين شفاء كالت .خلص  راح يتزوج بعد اسبوع بيومها حسيت نار اشتعلت  بكلبي . سديت منها التلفون ورحت  غسلت وجي بمي بارد ماكو . فتحت الشباك اريد ابرد  بس دموعي تجري  جنت اكابر  على نفسي بس من صارت صدك  بعد مااكدر .  حسيت بدت اذاني تصفر .وغشاوة سوده تروح وتجي .وكفت على المحجر  صحت ماما . طلعت خمائل بعدها مادري شصار  كعدت .بابا .يمي وماما . 
بابا ..صحت لو اخذها للمستشفى
ماما .لا صحت . شبيج امي شتحسين
غفران ...دايخه ماما .وراسي يوجعني
ماما ..طبعا لااكل مثل العالم  لاشرب . صار كم يوم كاطعه الاكل شبيج متفهميني هم اني امج احجيلي
غفران .. ماما .ماكو شي   اريد انام .. تمددت  ثاني يوم كعدت متاخره ودايخه  مداومت  جابتلي ماما ريوك  اكلت قليل . ورجعت لغرفتي .نمت حسيت على شفاء تكعدني .   كعدي شلون صرتي .
غفران .الحمد لله .
شفاء ..هاي محاضراتج جبتهم من  زملائج .
غفران .شكرا حبيبتي تعبتج  
شفاء .. تعبج .راحه شبيج غفوره مو اتفقنا نكون اقوياء
غفران 😢موبيدي  مااكدر لج  احس ماكو هوا ماتنفس راح اموت . شكد جنت اكابر بس بعد ماكدر صارت صدك
شفاء .. حبيبتي   هي من الاول صدك .لازم تواجهين الموقف   خلص الخميس زواجه
غفران ..اعرف  واعرف مالي امل بلحالتين لان اذا مزوج صبا  اكو وحده يحبها .اني خسرت من قبل لاابدي  ويا .هذا نتيجة الحب من طرف  واحد 
شفاء ....لاتشلعين كلبي .ماتحمل اشوفج هيج . بجينا اني وشفاء مراحت لليل . حضرت ملابسي ودرست .ثاني يوم رحنا للجامعه  طلعت من المحاضره  الثانيه شفت  اصيل . واكف .فركت عيني يمكن اتخيل  شجابه .اتجه عليه
شلونج غفران .
غفران ....الحمد لله شلونك انت 
اصيل ... سمعت بيج مريضه  سلامتج 
غفران .. الله يسلمك انخفاض بلضغط مو شي خطر
اصيل .سلامتج .
غفران اليوم يمنا خير .
اصيل ..جيت على صديقي  هسا رايحله  بس شفتج وكلت اسلم واطمن محتاجه شي
غفران ..لا سلامتك  ممحتاجه  تفضل اعزمك على شي بلكفتريا .
اصيل .. لا مستعجل غير مره . يله اترخص
غفران الله وياك  راح كملت محاضراتي وطلعنا اني وشفاء للبيت 
شفاء اخذت اجازه منا للعرس مالت اصيل اريد ارتب نفسي البيت ويا ماما
غفران ..اوك شتحتاجين كولي اني اساعدج  وصلنا للبيت  تغديت ورحت نمت . ضايجه ادوام بد ون شفاء .  البيت هم مخبوصين الكل يجهز  لان حيفتحون بيتنا هم لاقربائنا  خاف بيت عمو ميكفي . بابا .شمحتاجه للعرس اشو هاي المره مطالبتي لافستان لاشي
غفران.. .. ماريد اشوف شعندي البس واحتمال ماروح ابقى بلبيت(((غدير وسام)))
بابا ..موعيب . شنو مترحين . اني نطيت لامج فلوس روحي اشتري فستان عرس اخوج هذا .
غفران . صار بابا .. رحنا واني مابالي شي . ميته قهر . اختارتلي ماما فستان بعد متعبت مني ازرك  تول منقط خفيف  من كدام قصيرلحد الركبه  وطويل . وصدره مربع .    مبطن .ردنه خفيف . رجعنا .  للبيت .   بيوم الحنه مالته صارت بحديقة بيتنا . اباوعله وكلبي .بي نار  تشب. دعيت الله يشيله من كلبي  .  بقلم غدير وسام 
   اني مرحت بقيت بلبيت ويا ماما . رتبنا عشا الولد والببسي .جنت اسوي الاكل  ويجون ياخذو . باوعت عليه   من شباك المطبخ صاير مقابيلي . لابس  قاط  ماوي وقميص ابيض .  تمنيت اضمه من عيون الناس قريت ايات   خفت ينحسد  هيبه ووقار وجمال ربي يحفظك ويهنيك لكيت دموعي تنزل ماسيطرت  رحت لغرفتي .   بجيت .ماما .دخلت درت وجي .ماما وين صرتي . شافتني  كالت ترحين يم البنات ضجتي
غفران .لا ماما راسي يوجعني ماتحمل الهوسه
ماما ... ههههه على اساس هدؤ هنا لج  هناك ارحم هسا حيشتغل  الغنا والركص .
غفران ..الله يسعده ويهني . هسا ثواني وانزل .
ماما .اي ورتبي نفسج نخلص نروح  نحني العروس .
غفران .. اوك .  فتحت كنتوري شلبس واروح احني عروستك اصيل شنو الي يعبر عني . بجيت وكعدت بلكاع   ماكدر . صعبه  وجماله كبالي .عود انهزمت مردت اروح  اشوفه باوعت من شباك غرفتي .بيتهم  هوسه وبيتنا نفس الشي . لبست  فستان . احمر . تلث ارباع الردن   ومو كلش قصير .  بي ورد ابيض . صدره تول ابيض مكيجت وذبيت شال  هيج  نزلت .  ارتب بلمطبخ وفات يغسل مشافني . يحجي بلتلفون . ويا خاله .ليش مترحون انتو  الولد يمي ماروح اني ..ماعرف وضعي اوك ..  غسل اندار شافني .
اصيل ..غفران ..انتي هنا ليش مرحتي  شسوين هنا ..😲
🌸🌵🌻🌼🌸🌼🌵🌴🌵🌵🌵🌵

التفاعل ابد مو شي اذا القصه محلوة .كولو .اهم شي ..سولفولي على فقرة بيت كطيو  بزواج نبيل . من حجتها البطله  اليه  متت ضحك .😂😂😂