شريك احلامي .

شريك احلامي .البارت ال١١

#شريك_احلامي#البارت ال١١

اصيل ..كافي موزين عليج  لاتبجين ..اممم الله كريم
غفران . اسمعه يتوسل .. بيها بس هي هم زوجته وحقها كوه سيطرت على مشاعري . ورحت كعدت  بس جعفر بداخلي  كام يحرض بيه .

🌻🌼🌸💮🏵💮🌸💐
اصيل ... نزلت بعد متصالحنا اني وغفران .  محسن  اخو صبا بقى هناك .وكايل نزل ك لساع تتصل .تعال اخذني . غفران كالت انتظرك وصلت الفجر اتصلت مجاوبت بين مغسلت واهلي كعدو تريكنا هاي حركت الفون
امي كالت جيبها حامل خطيه وتحتاج رعايه لاتغثها .
اصيل صار اكمل واجيبها  وصلت سلمت كتلها يله مشينا .
لكيت غفران تريد تطلع هي وامي .خير كالت اروح . اني من شفتها متحملت مشتاقلها والله يعلم ذيج الفتره شلون مرت عليه خصوصا من عمي كال ترا البنيه متندمه واحتمال  نفضها وماريد زعل كتله عمي اذا البنيه ماريدتني بدون زعل اتركها ونبقى اهل . كال اريد منك طلب اني طيتها مهله تفكر اريد منك متتصل بيها الى ان ترجع خبر .كالت استمر تتحمل هي بعد كالت لا نتفارك على حب الله
اصيل....... صار عمي .
من شفتها  حضنتها وبستهاراسها ..ها .وينها الي منتظرتني
غفران .......ههه ضليت منتظره بعدين استشهدت
اصيل...... احب مفرداتها الي تستخدمهم تمتص كل التعب والضوجه .رادت تروح مقبلت كالت ماما متقبل .وديتها وتريكنا سوا .بس اني قافل من التعب كوة خلتني ارجع انام وضلت تتكرضم وين راح تنام .
وصلت ..صبا ..ها وصلت ست الحسن الزركه مو بيتها بطويرج وناس توديها وناس تجيبها .على حورها
كوة لزمت نفسي
اصيل .....لج صبا لاتستغلين وضعج والخلقج مارحمج فتجفي شري غفران .مو يمج لاجيبين طاريها خير شر .زين .
صبا..... ..المفروض انت مشتاقلي ترجع متلهف عليه مو عليها
اصيل .....صبا انتي تغشمين  نفسج  ..اني كتلج يابنت الناس مافيدج .بلخطوبه وجلبتي وكلتي عادي تتزوجهه بس  اخذني لاتعوفني  صح لو غلطان
صبا ..اي كلت .بس انت بعدك ممتزوجها ومجاي تعدل بينا من تتزوجها شلون تنساني اني وابني
اصيل.... ..لا مانساكم ان شاء الله يله اريد انام تعبان شلون تسكتين لو اروح انام بغير غرفه .
صبا..... ..انلصمت .
لفيت راسي ونمت .كعدت العصر لكيت ٣ مكالمات من غفران . هههه  اكيد هسا تفتر  .خابرتهااول سؤال وين نمت .ضحكت عليها بس قهرتني بجت .كلت اروح اصالحها .باوعت صبا نايمه غسلت وبدلت رحتلهم تغدينا اني وياها .يحششون عليها كلهم متشمتين بيها من كد ما موتتهم هي متنجرع
شويه اتصلت صبا  . .ها . متحملت لحكتها اريد افهم اني شنو موقعي حامل وعايفيني بلبيت وحدي
جاوبتها . الطلوب هسا شنو .
ترجع .كتلها مارجع كاعد ويا الولد انقهرت عليها بجت .كتلها كافي موزين عليح .لان خطيه حامل وهم مالها ذنب .بس ماكدر احبها ..موبيدي .
التفتت شفت غفران .واكفه .دارت وجهه وفاتت اهوووو تعال هسا راضي هاي وسكت  ذيج .. شورطني بله اني .
فتت يمهم
غفران ..😞كاعد يرضي بيها موزين عليهه السعلوة .
اجه كعد .ميكدر يحجي الكل كاعد .اجه زوج سوسن .صارو مجموعه خاله ترخصت كالت اروح اشوف صبا خطيه
ماما ..خابريها خلي تجي شكو عدها وحدهه
خاله ..اصيل .اخابرها تجي
... بكيفج يمه
خابرتها .شويه .وراح جابها هو حريص مو بس عليه حتى خواني .وخواته عنده غيره كلش  وعصبي ميتفاهم بهاي الشغلات .اليوم هم شاد حيله عليه حجابج لاتضحكين بصوت عيب من زوج سوسن  انوب جاب السعلوة هي بدون شي تتنعوص وانوب حامل .خرب .حاطه ايدها على بطنها وضهرها الي يكول راح تجيب مو ٣ تشهر .  هديل  مو حامل مو مثلها .دانه بت سوسن  تخبل سمينه وخدودها حمر وشعرها اصفر كيرلي ملفلف جتي بحضني   ابوها يصيحها متقبل .تروح . هي كلما تجي تبقى عندي . بيدها حليب بلكاكاو .خليته الها بكوب بلاستك متحبه بلغلاف . راحت تتمشي عثرت وكعته على صبا .دفعت دانه وعاطت .هاي انتي دزيتيها عليه لاياحقيره . اني وسوسن ركضنا على دانه تبجي منتبهت شحجت .بس  غيث كلش ضاج لان حتى سوسن من تضربها ميقبل  خاله وجهه كام ينطي الوان خجلت كلش . اصيل جرها .من ايدها وطلع
غفران ..خاله  على بختج الحكي  لا يضربها وهي حامل ركضت .ولحكه بابا  وفراس . غيث صاح على سوسن يله
ماما كالتله اذا طلعتو ازعل عليكم .هو كعد . .
اعتذرت من غيث .
غيث ..غفران  مصار شي .بس  استحيت لان صارت بوجهنه هي طفله متفهم  ..امسحها بوجي
غيث .لا والله هيج تخلوني احس نفسي غريب وتتعذرولي مو اهلي انتو .
هديل ..اعز والله انت اخونا الثالث .
مهند .واني .
غفران ..انته جنتنا
مهند .طاح حضج ..هو كله من وراج .ليش دزين الطفله على  ضرتج
غفران ردت الطف الجو  .عمي شدزها شمفهمها هي بقره٠ صغيره وتمشي ناقصها بس تكول موااا
سوسن ..الزركه لاتعيبين على بنتي خلي نشوف انتاجج
غفران ..يطلعون كيك على ابوهم صاك فديته .هو فات ويه حجايتي اعتذر من غيث وسوسن .و . راح للصاله .هو وفراس شويه وطلع  فراس .روحي لا.اصيل.لاتحجين ويا شي ترا قافل  واصله حدهه. عده  سويله جاي وانطي وبندول
غفران ..سويتله جا.ي وخذتله بندول 💊 نطيتها خذهم .بدون كلام .
غفران .. سويتله مساج لراسه نام و .خلاه بحضني .  تعبان غفران
...اسم الله عليك حبيبي .لاتضوج .
اصيل ........عيب من الولد .فشله .اخخخ لوما حامل
غفران ........عزة العزاك هاي وانت خايف عليها لوما خايف شسويت .لاعيني انت تخوف تضرب
اصيل  ..... اسكتي . وخليها اريد انام .
غفران .....راح اطفيلك الضوا ونام .اكوم لزمني لاترحين ابقي  اريد هنا انام .بحضنج . والعبي بشعري . سويت مثل مراد متحركت . غمض .بس منايم اعرفه .
...ليش متنام ...
اصيل .بحسره ..ماكدر
غفران ......ترا متسوه
اصيل... ... عمي من طلعنا كال حجايه .كال هي هاي حياتكم راح تصير تعلم  حسيت بنظراته يكلي انت مو رجال متكدر تحكم بيتك .بس لو مو حامل 
غفران ........اكيد بابا ميقصد لاتفكر هيج  حبيبي  نام شويه تريد احجيلك قصه .لو اغنيلك
اصيل ......هههه لا  هاي ولاهاي   بس لعبي بشعري
غفى.عدلت راسه وطلعت
بابا ......نام
غفران .......اي .تعبان . ومستحي من غيث
غيث........ شبيكم يمعودين .هسا اني اروح اعتذر منه هههه اكله بنتي وصخت  ثوب مرتك .
غفران ........  فدوة وينها البقره نسيتها والله
سوسن..      .بغرفه ماما نامت بقينا نسولف لليل و  .اصيل ضل نايم  واني هم مزعجته .بس كلساع اشوفه .الكل تعشو
بابا....... .كعدي خطيبج وخليله عشا خطيه تعبان وخوش استقبال   حصل .يله باباتي
غفران........ ..سويتله واخذت الاكل .ورحت يمه  نايم . خطيه مهانلي اكعده ضليت يمه كاعده ومنتظرته  سوسن وهديل باتو يمنا البقره ..دانه ركعت الباب . وتعيط دور عليه ..هو فز   داشيلها اطلعها بره
اصيل .......تعالي لاترحين
غفران ...... ..كعدت حبيبي نوم العوافي .بس اوديها لامها واجي
اصيل..... ..جيبيها .تعالي عمو بوسها وكعدها بحضنه .
غفران ......ترا اغار .معليه وخرها .كومي لج البقره
اصيل .......ههههه مخبله .
غفران ........سوسن تعالي اخذي بنتج لااموتها .
سوسن .......شكو .تعيطين
غفران..... .كاعده أدك ..فج .وعايفه بتها دخلت علينا جنها اعصار
سوسن..... ..لازم  قاطعتج .وضجتي
غفران ........جان ..نايم  وفززته  عابتلج تفكيرج منحرف مثلج
اصيل ........ عوفيها يمي .
سوسن ......اريد انومها شلون صرت فراس كال راسه يأذيه
اصيل .......الحمد لله  من نمت ارتاحيت .
ترخصت سوسن  اني رحت سويتله جاي ليش ماكلت
اصيل....... ماشتهي .بس انطيني الجاي
غفران...... ..واني المن سويت الاكل ومنتظرتك .حتى عصافير بطني ماتن 
اصيل...... ..منتظرتني .يعني .لو هذا عشا ثاني
غفران ........بصدمه ....لا والله  الرابع .مو  الثاني .
اصيل... . ..خرب . زين انتي شكد الحد الطبيعي الج
غفران ....... هذا اخير عشا  وياك وراها نعزل 
اصيل .......دتعالي .كعدي يمي .اريد احجي وياج .
غفران..... .. نعم .
اصيل...... ..تعالي لاتعتقدين الي صار   صوره عن حياتنا . مراح اوعدج  متصير .مثل هاي المواقف بس الي اوعدج بي ماسمح احد يأذيج  وانتي هم اريدج  تتحملين لخاطري .لاتتصرفين من وحدج اذا موجود اخذ حقج واذا بلدوام . انتظري من انزل .
غفران........ ..لاتخاف حبيبي عادي .متوقعه هيج شي .ومهيئه نفسي اله . ميهمني الي يهمني ويهون عليه انت وجودك بحياتي .واسمي الي ارتبط باسمك هذا حلم .مستعده ادفع عمري واحققه 
اصيل........ كلش ضجت من الي صار . بس كلامها  بردني .وارتاحيت ..انفتحت نفسي للاكل  تعشينا .وغفران بروحها ودمها العسل . طلعتني .من جو الكئابه .
غفران .........لاتروح اليوم ابقى 
اصيل........لا عيني .عيب . يله اروح باجر .نروح نشوف غرفه  وباقي الاثاث  امي وخالتي يكملو
غفران..... ..شنو ذكرتك بلروحه دكعد شويه مشتاقتلك خلصتها نوم انت
اصيل....  .باجر ..حبيبي . عيب .من عمي .يله تصبحين على خير  بست راسها وطلعت .
غفران...     ..اجمعين .خابرني اذا مكدرت تنام
اصيل.... ..ان شاء الله   رجعت للبيت امي .تلكتني شلون صار راسك
اصيل...    .احسن .وين ولت هاي
امي ..... ..عوفها يابني ختولي هسا انت متدري بيها نص عقل وانوب حامل طكن كلش
ضحكت على حجي امي .ثاري بنت اختج طالعه عليج  تحشش
امي . ..هههه اي فدوة ليش احبها لعد اني .  باجر تشوفلك غرفه
اصيل...... ..اي .وانتي  كملي الباقي .استعجلي يوم تعبت .
...ان شاء الله وليدي الله يتمملك بلخير وترتاح حبيبي .يله روح نام لو تريد شي
اصيل خلي شفاء لو سهى تفرشلي بلصاله ترا ارتكب بيها جريمه اذا حجت
....لا يمه لا ..هسه اني افرشلك .تعال حبيبي .
غفران .دك عليه ..نمتي ..لا كاعده
اصيل ... شوكت تصيرين بحضني .واشبع منج
غفران ...اصيل ..اخجل اني .عفيه
اصيل ...ههه فدوة للتخجل لج ماعرفتج
غفران ..لا والله حتى خدودي صارن حمر ترا اخجل اني مثل البنات يعني
اصيل ..اي هاي غفوره .ام لسان 👅
غفران  .اسمع الناس بلخطوبه تكول .الكمر ..اميرتي .حبيبتي مو ام لسان .خب .حضي
اصيل ... ههههه تردين اتغزل بيج .
غفران ..لعد شبيه عوره 👁
اصيل ..والله انتي متساعدين .مو شكول غزل غفوره ..احبج .والله .
غفران ..ها (((غدير وسام )))
اصيل ..احبج .
غفران ..اني هم .احبك واموت عليك
اصيل .. نعستي .
غفران ..لا .ابد اريد اشبع من صوتك .اصيل اني هواي اشتاقلك
....واني هم يابعد اصيل مبقى شي .وتصيرين اليه وتنورين بيتي وحياتي رويحتي انتي
غفران ..هم .تروح  للدوام وتعوفني
اصيل ..شلون لعد اكابلج واكعد
غفران ..انقل دوامك قريب
اصيل ..موبيدي .قابل عاجبني اني ابقى بعيد عنج وعن اهلي
غفران ..اريد انام بحضنك
اصيل .شلون مغثه بهذا الليل
غفران .مغثه نومتي بحضنك
......لا انتي  حجيج هذا ..متعرفين شسوي بيه لج لاتخليني هسه اعبر  عليكم .
غفران  الله  يله .
اصيل ..خبله روحي نامي وستري عليه وعلى نفسج .
غفران ..اصيل
... سدي  اكلج
غفران  .هذا شبي ..كبر .حتى كبر .بو بال روبانسبه .هو انتو بال انكليزي
خليني .....اترومنس بلليل حسسني بانوثتي ..
خلي انام ..محسيت الى امي تكعد بيه ولج بل١ الضهر .كافي .كومي .مو تطلعين انتي وابن عمج تشترون غرفه .
غفران.... ..اي .بين ماغسل سويلي ريوك حبابه .
ماما .دكومي ..اريد اشوف شلون تتزوجين وتشيلين مسؤولية بيت ورجال
غفران ..افا ..اني تربية عذوره ام بيت ونادره على امي
ماما ..هههه يله يله
غسلت .وتريكت . الساعه .ب٣ خابراصيل .كال  راح اجيج .لبست .نفنوف نيلي شيفون وبي ورد بنفسجي  وبليره كابوي . وحذا وجنطه وحجاب جكليتي . مكياج . خفيف  وعطر ..اجه اصيل  جاهزة .
غفران ..امممم يله . صعدت ويا بسيارته