شريك احلامي .

شريك احلامي البارت ال٢٦

#شريك_احلامي# البارت .ال٢٦
💐🌸💮🏵🌹
.. نزلت ..يم الدرج . شفت صبا هي واخوهة وامه كاعدين بالصاله .    نزل اصيل ..ورايه . سلم .وكعد ..  ماعرف شحجو .. همة راحو وهي صعدت . شنو جان يعرف برجعتها وخلاني انظف الهة واني مثل العوبه ركضت .وبس ..حضني دخت 
اصيل .......  نزلت اضحك عليها انهزمت شفت صبا جايه هي واهلهة .
محسن ..  نزلت ..صار اسبوع .  عبالي  يمنه زياره عرفت زعلانه وجبتهة
اصيل   ..مزعلانه اني طردتهة
محسن ... شسوت .اني كسرت راسه  وجبتهة الك تعتذر
اصيل .. هي تعرف شسوت 
محسن ..  كومي اعتذري من زوجج وبعد متكرر الصار  .
اصيل ....لاتعتذرلي ولااعتذرلهة .. 
محسن ..شصاير  غير افهم الغلط منك منهة  اشو متحجون
اصيل ...هاي اسرار بيوت .
محسن ..لعد هاي يمك هي وحلوها بينكم يله يمه الجهال وحدهم ..يابه النه طلب يمك ..عود شوفه
اصيل .  مو وكته محسن ..الله وياكم 
طلعت .. روحي طالعه هسه بدت تلين  ورت اصالحة  
غفران ..رحت نمت وقفلت باب غرفتي . ماريد احد يزعجني . ثاني يوم هم مطلعت خاله دكت الباب . فتحته
.خاله........متطلعين اليوم ..للحمام اكلي اشربي
غفران ........خاله لو تخلوني اروح لاهلي احسن اني ممرتاحه
خاله .... .سلامتج .حاولي تتجاوزين ابصار وكسبي زوجج وبت عمج الج
غفران   ....خاله ...فدوة اروحلج خلصت عمري اريد اكسب هذا وذاك وجبتهة تنازلات شنو الفايده .. ماريد ادور خواطر بعد ..
خاله ...حتى اني  مالي خاطر يمج
غفران ...اذا باقيه هنا فلخاطرج انتي  . اما البقيه .لا شي
خاله ... اصيل ..يحبج .انطي فرصه الج واله لاتخلين هاي تاخذه منج
غفران ... بلعافيه عليهة  خلي تاخذه .. اصلا عدهة حض ويا مو مثلي  . 
..... لا مو من كلبج ..يله اروح اودي شفاء للصالون  تجين ويانه
غفران ... لا خاله .روحو .طلعن كلهن حتى سهى خذوها وياهم   طلعت للحمام غسلت .رجعت لكيت اصيل نايم على الجربايه .
غفران ... سالمين متيه
اصيل  ..لا ممتيه  بلعكس اندليت
غفران ..شندليت
اصيل ..   جيت على الريحه واندليت
غفران ...بر بك  بعدك تشم .. يكولون ..من عاشر صبيه .. يومان ..فقد حاسة الشم .. وانت صار شكد وياهة يمن انلغت عندك هاي  الحاسه لان اني بس نظفت ونزلت ..هسة ماشم
اصيل ...ههههه لا اكو مضاد من اخذه اتعالج ..انتي المضاد مالتي
غدير  وسام)))) 
غفران ... شتستعمل ياصبغ بلا زحمه 
اصيل ..  فابيون
غفران ...لاتصبغ منه بعد لان مافاد
اصيل ...ها.  زين ..نستعمل غير نوعية
غفران ...شنو خليت صبا تطلع واجيت تتسحب يمي ماخفت ..صدك شكالت البيت نظيف .خوش منظ
غفران ...شكالت على البيت  نظيف ..عجبهة .زين منظفته الهة البنغاليه مالتك
اصيل .. تروحلج فدوة .. ممصعدج على تنضيف ردت احجي وياج .واني مادري بجيتها اخوها جابها
غفران ...تدري متدري هذا اخر همي .. بس عيب عليك . تخليني اني الحامل انظف لصبيه الدبه
اصيل ...  هههه  والله مادري وداعتج 
غفران .. حلفت بر اس البصل
اصيل ...وداعت بنتي ..بعد .وروح فراس  مادري بيهة تجي ولارايد جيتهة . واذا خليتها فلغايه في نفس يعقوب
غفران ... خلي نشوف ..هسه رحم الله والديه من زار وخفف  تفضل
اصيل .. شنو ...
غفران ...سمعنه ..جمال خطوتج ياخويه
اصيل .. وداعتج البيت كله بارد وهاي الغرفه دافيه واني جني بدايه فلاونزا
غفران ....الي بعدو ..لخص
اصيل ...انام هنا 
غفران .. نام .. بيت ابوك هذا .وهاي غرفتك اني اروح انام بغرفة خاله . جاي اطلع ركض قفل الباب  واخذ المفتاح 
اصيل  تفضلي ..
غفران ..جيب المفتاح اصيل .
اصيل ..تعاي اخذي ..رفعت المفتاح وهي القزمه متلوحه
غفران ..صعدت على الجربايه وهم ما وصلتله .كعدت على الفراش انت شتريد
اصيل .. بس انام يمج والله مااسوي شي
غفران ...  اوووف  نام ......نام
اصيل ... شكرا ..حبيبي
غفران .. انهجم بيت الباميه التنفخ 
اصيل ...ها ممصدكه .لعد منو حبي اذا مو انتي .
غفران ... صبيه ام الدعاديع ..
اصيل ... ههههه شنو دعاديع
غفران ..  اسم ..مودرن . للكمل القمل . حبي
اصيل ..نعله على بليسج كمت احك خرب غيرتج .
غفران ...  شعليه اني ..  ماحكيت من نمت يم مرتك قموله🐜 هانم
اصيل .. لج لعبتي نفسي ..
يا ..  ...
اصيل ..تنامين لو شلون ..
غفران ..   خلي امشط  شعري مشطت ..هو يباوع .
اصيل .طولان هواي
غفران ...اي ..اريد ارجعه اسود صاير   مو حلو
اصيل .. ليش مرحتي .وياهم
غفران  لا .من اروح لاهلي ماما تسوي .
اصيل ..  كيفج ..  تمددت خليت ايدي جوه . راسي واباوعلهة .ضفرت شعرها . وخلت عطر وجتي نامت الاسود يخبل عليهة .  وشكلهة  مغري .. صاير .  ماكد امنع نظراتي .  نامت يمي ..  قربتها مني . باوعت 
اصيل ... بس احس بيج قريبه
غفران .. قبل شويه بس انام ..هسة بس تحس بقربي بعد شويه انام بحضج وراها يشتغل الانحراف
(((غدير وسام)))
اصيل ... ...  ياريت ..خليت ايديهة فوك راسها وحجزته جوايه بدون ماضغط على بطنها .  بست ركبتهة
غفران .. حجزني ..    وقيد حركتي ..  غمضت من باس ركبتي ..  وبعدها ماعرف .. شصار .. يمكن ..  ضيعت نفسي . بين حضنه الجبير .ولكيتهة بنفس الوقت ..   شكد صار مفترقين ..ايام .. شهور .. بس شوقنه جان مال .. كانو سنين .   هوجان مثل العطشان الي ميرتوي .. واني ..  حبيت  . شعوره .وحاجته اليه ..    نمت . واني .احس .كاني طفله ضاعت من اهلهة . شهور .. وشبعت بجي وهظم ورجعوها لاهلهة . لحضن امها وابوها .   كعدت ..يلعب بشعري .
غفران ... اريد انام ..عفيه
اصيل ...ماكو ..نوم ..  جريتهة لحضني .
غفران .. من جرني . صدك غفيت محسيت بعد بشي .    الي لمن جايبلي اكل ويكعد بيه
اصيل .  تعشي  ونامي
غفران ... نعسانه  من اكعد اكل
اصيل    مو اني جوعان .  ومشتاق هيج نكعد لوحدنه وناكل
غفران جريت نفسي كوة .. ورحت  للحمام غسلت . حسيت بمغصه ..  خفيفه ..   ماهتميت على طول تصير عندي  رجعت يمه .. جرني ..كعدي بحضني واوكلج
غفران ... يووو  حتى تنمسح .   وتصير  ورقه
اصيل ...معليج انتي .. اني اتحمل اثقال  عاليه
غفران ...تتحمل مو .. زين لعد ذبيت نفسي وكل ثكلي عليه
اصيل ..هسه انتي . شنو يعني هاي كل قوتج
غفران .. لا كلها ونص
اصيل ...دمشي بابا ..
غفران .. عفيه وديني لاهلي .لمن يخلص العرس
اصيل ...هههخ شايفه ..لو  تطلع نخله براسج روحه لاهلج ماكو .. مو اذا اخليج تطلعين من الغرفه .ساعتها .روحي لاهلج  لاتضوجين متشوفين احد 
غفران ...موافقون
اصيل ....ههه  اكلتي .زين ..  اشو بنج نازله اليوم
غفران ..شعليه الاكل هي بنتك الي يكول  لايكه مول جوه وتفرفر  خله ايده  على بطني  ضحكت 
اصيل .شبيج فطيره
غفران ...رفست ايدك محسيت  يححح تغار منك
اصيل ..  هو هذا  هم حضي . شبيج ويايه باباتي  هي صارلهة كومه منشفتهة عليه  هي
غفران ..  من ايدك 
اصيل .. لعد تعاي اعوض مدام من ايدي  😙
💐🌸💮🏵🌹🌹🏵🌸🌻
يحنضل ريجي بفراكه وسمحاي
اعتذر مايقبل اعذاري وسمحاي
وانا ميت اصبحت دونه وسمحاي
ومجرد شوفته ترد روحي بيه
💐🌸💮🏵🏵🏵💮🌸🌸💐
غفران .... فرححة العاشگ💛
طفل من إليحبةة💜
وفرححة الأعمى ضوةه💫
وفرححة المسكين خبزه💘
وفرححة اليغركك هوه🐥
وفرحةة الحيران حل🌸
وفرححةة السهران خل💭
وفرحةة المرضه دوه🌴
وفرححة العشگو حلال ❤️
   حلقة تجمعهم سويه❤️
💐🌸💮🏵🌹🌹🏵💮
طلعني بيومها نمشي ..   واشترالي .كومه شغلات وللنونو جبنه ملابس كله وردي .    يخبلون .. شوكت تجي والبسها
اصيل ..ممصدك اني وياها نمشي .ولازمها . لو بيدي احطها بكلبي واملكها الدنيا
غفران ..   هذا ..كوزمتك ..اصيل   جيبلي صبغ اسود 
((((غدير وسام))))
..غفران ..هذا كوزمتك جيبلي   صبغ اسود
اصيل .. ميخالف ..امشي
غفران ....فتت للكوزمتك .  اخذت عطور .  وغسول .وشامبو  اصيل يحجي ويه الولد  
شنو نوع الصبغ الي تردي
غفران شنو احسن ..شي جيبها
اصيل .. شكد  يكفيج  
غفران .. ماعرف . الولد سئل هو شطوله الشعر .  اصيل تخبل .جرني وطلعنه بعد ماحاسب على الشغلات الخذتهم
غفران ..شبيك
اصيل ...شنو يريد اوصفله شعرج .
غفران ...غير يعرف حتى يحدد شكد احتاج
اصيل ..روحي صالون وفضيني
غفران .  الله كريم .ادز ماما تجيبلي .عود
اصيل .. يكون افضل .
.  رجعنا  البيت بعده هدؤ مراجعات   شافني  وديت الغسول للحمام واروح وارجع
اصيل ..  اسويلج حمام بلغرفه هنا
غفران ..  اي ياريت
اصيل ..مو من عيوني . بس يخلص  عرس شفاء.وتجيبين بلسلامه .
غفران ..ان شاء الله ..  سمعت  صوت عرفت رجعن .. ماريد اشوفهن  ردت اسد الباب صارت بوجهي صبيه    لاعبه لعب بروحه  صخونه   
اصيل ..شبيج .
غفران  مابيه شي ....
اصيل .. تعاي .نامي  
غفران .. اغسل .واجي
صبا ..  قشمرتي . والله عمي نسوان لعبتي لعب  وعادي  تفترين  ونايمه بحضنه
غفران .. شسويت .. مو عبالج مادري السوالف الج بس ربج يمهل ولايهمل
صبا ...اي ذبي وصاختج وبلاويج عليه .اجت شفاء
تعاي شفاء .. اخوح نايم بحضنهة نسى شسوت بيج وبي
غفران .  ... اكلج ..  تسكتين لااصيحله هسه ومره الي تبقى
شفاء ...اي عيني منبقى نعرف تاثيرج عليه سكتي صبا وراي عرس .لايزوركوني .   مثل غير ناس يوميه . خابزينهة وهي لاكرامه ولااحساس . ترجع عادي
غفران .. منو هاي صبا .. مو .تحجين عليها
شفاء ..  لا انتي
غفران ...اني محد ضاربني واذا  ضربني يجي يعتذر ويرجعني مو مثل غير ناس .اهلهة يذبوها بس يردون يخلصون منها
صبا ... هاي عليه اني الزركه ام التلفونات  الكح  ....
غفران ... شوفي ولج الدب .الوصخه ..اني اشرفج واشرف عشيرتج واحد واحد
صبا ... هههه ضحكتيني
غفران ...وهسا ابجيج  الدب ..مو بس اضحكج صحت اصيييل . ركضت لفوك ....ليش تعاي ..وين رايحه
شفاء . انتي شكد . صلفه ..  واكفه كدامي
غفران ...ليش عيوني لازم اختفي لو اضم نفسي عليمن .
شفاء ...حسافه .عليج
غفران ...انتي  حسافه عليج .يااختي .
جاي افوت . صدك ..غفران تدرين . بسهى راح تتزوج محسن اخو صبا .ورا عرسي ..
غفران ..  شنو 
شفاء .. اصيل مكلج .. لا .خطيه . يله اني بلغتج  باي
غفران ..رجعت ركض .لاصيل ..صدك .هذا الحجي
اصيل ...شكو .
غفران ..تردون تزوجون سهى .
اصيل  ...لا ماكو هيج شي منو كلج هاي صبا
غفران  .. .. الله اكبر عليكم .. ولكم . خلو  عاد السنه مالته تدور .  شنو انتو  مو صاحبك وابن عمك ..
اصيل ...شبيج .ماكو هيج شي . موضوع انفتح وسديته مجرد اقتراح .
غفران ...  فراس .  وكف كدام بابا من خطبتني . وتعارك ويا .  وانتم   بعده ترابه اخضر ..  تسون هيج
ماحسيت بنفسي صوتي  عالي الكل انجمع .  اصيل يسكت بيه واني اعيط  كله سمعت وشفت ... وسكتت خطبتو  وراح تزوجون .مشيت .كلت شنو  احنا حزنانين نفرض على الناس هم بنيه تروح بفالهة بس سهى ..سهى لا على الاقل خلو سنه تفوت مو هيج
((((غدير وسام ))))
..شفاء.. ..على كيفج عيني اختج مو عرست
غفران ...اختي اخذوها سكته واحنا محد راحت وياها خليناها وحدهة تروح واخذوها من بيت خالي .مو من بيتنه
كعدت ابجي .
خاله ...احنه هم سكته خاله منسوي شي. لاتبجين  وسهى صغيره  شنو تدفن عمرها .والله لوما اخاف عليهة فلا ازوجهة
غفران ... زوجوها .خاله ..مكلت لا ..بس حرام .  فراس شكد صارله
اصيل ..كافي حبيبه  كافي اشو تعاي . كومتها مادري منو كايلهة  اخذتها تغسل ..  ونومتها .. بس تبجي ..اعرف صعبه عليها .
غفران ... المغصات زادت عندي . وصارت تقوا  اصيل .نام .
ضليت كاعده .. بعدين حتى الكعده صعبت عليه ..
اصيل ..فزيت على ونه ... غفوره شبيج حبيبي
غفران ...موجوعه . اصيل ..
اصيل ... فزيت  على حيلي لا بربج .من شوكت
غفران ...جان  قليل بس هسا ديقوا
اصيل .. شسويلج ..
غفران ...وديني لامي . 
اصيل ..تعاي ابدلج ..امشي .تكدرين ..
غفران ...اي . اخذني غسلي  ولبسني .. وكعد خاله .  انخبصت   رحنا لامي خذناها ..   وطلعنه للمستشفى .. 
الدكتوره شافتني .كالت بعد هواي . مطوله للصبح يله تجيبين . ظليت الوب والوجع كل ماجاله يقوا ..
الممرضه .كالت لماما طلعيها تتمشى بلممر .
طلعت اصيل .واكف ..
اصيل ...ها يابه
غفران ... متت بجي .. اجه لزمني ..انتي سباعيه باس راسي .تعاي كعدي ..
غفران .. ماكدر اصيل ..راح اموت .فدوة سوي شي
اصيل ..  شبيدي يابعد عمري خلص  هسه تجيبين .وتخلصين
لزمت ايدي حيل .حضنتها كامت تشهك .جتي اصيل ..جتي
اصيل ...شنو ياعمري الي جتي 
غفران ...المغصه اصيل ...جتي ..اخخخخ
اصيل ...كرهة الساعه الي خليتهة تحمل بيها  راح تموت  يمه شنو يتفرجون عليهة ..كمت اصيح ..
طلعت الدكتوره كتلهة .شوفيها .
الدكتوره ..لاتصيح .بعد  الهة وقت
اصيل ...اخذهة لغير

 
((((((غدير وسام)))

اصيل ..اخذها لغير مستشفى
.اخنها ..رجعت امي ..
اصيل ...ها
...  بعد يمه بجريه طول شبيك روج للبيت
اصيل .. شروح كل عقلج   خلي تسويلهة عمليه
.... اي ليش عمليه تكول تجيب طبيعي .
اصيل ..كمت اسمعها تيعط .وتبجي
يمه .. جيبيها اخذها لغير مستشفى خرب غيرتهم راح تموت  .. رحت  على الاستعلامات .
كال حولها خاص .. دفعت وحولتها خاص ..خلوها بغرفه .لوحدنا بعدها تلوج .واني .وياها ..
غاديه كلها مي عبالك   غاسله  شويه تسكت وانوب ترجع تتوجع ..  .كرهت حتى الاطفال  من اشوفها  هيج .
رحت يمها ..غفوره ..  اسمعها تردد يارب ..يارب ياعلي .ياابو الحسن
اني هم كمت اردد وياها .بدون مااحس 
علكوالها مغذي لزمته الها وامشيها .. ساعه تكعد ساعه تكوم   بعدين ..عاطت   صحت بامي .وخالتي .  دخلوها ..صاله ..  ورا ساعه ..سمعت عيطتها وراها سكتت  ... 

😁😁😁ادري مقصره .. هذا البارت ميجازي انتظاركم    بس  قدرو . وضعي  ولاتزعلون اليوم للصبح اسهر اكتب  ..احبكم اليوم مكانكم   خالي بميلاد  غدير