شريك احلامي .

شريك احلامي .البارت ال٢٢

يسعد صباحكم ..تاخرت  عليكم .عذروني

💐🌸💮🏵🌹🌹💐🌸🌸
#شريك_احلامي# البارت ٢٢

🌹🌹💐💮🏵.
ارجعلي واتلكاك ..   من كل كلب حافي
تعرفني ..مايحتاج .هجرك على اوصافي
لااخضرلك تعال بكل مسافه  والم اجروحي  يم طولك ترافه وافيلك حنين بلا كلافه واصيحن كل جرح يمك تعافه
تعال الجفن مانام ..كلت بسنينيه الايام ..سهر . وليل  وليل الالم يمته نشوف فجرك . واهس  ضحكتي انباك  وراية🏴 روحي الفراك  عليك الكلب .طاك بس يالغالي اعذرك🌺🌻🌼🌸💮🏵🏵💮

..والبنيه شنو  ذنبها .
غفران ..معليك بيها انت 
اصيل ....لج ..استري على نفسج .سكتي .  متحملج غصب
غفران ... محد جبرك .. لاتصير .براسي . صاحب فضل .
اصيل ....صاحب فضل غصبن ماعليج
غفران ......زين ..صاحب فضل ..والف رحمه على والديك بس انت اذا رجال .طلكني  .ليش  حاوي ..كح....على كولتك
اصيل .... صار غفران ..  صار......اني مو رجال .
جريتهة من شعرها  وضربتهة .. لج صدك اني مو رجال لو رجال .طلقه براسج واخلص منج ياعار ..
غفران .. اني مو عار .. ولا سويت شي .الله ينتقم منكم كلكم 
اصيل ... لسانج .. ولاحرف .تنطقين . اعرف شلون اتعامل وياج  ..
غفران ..طلع .. بجيت . بعده جرحي باخويه ماطاب .ولحكوني بضربه ثانيه  ياناس يكولون ضربتين بلراس توجع ..زين والي ينضرب كل يوم شيصير بيه
هم حزني ..لو هم امي وابويه لو شرفي الي انطعن من اقرب الناس اليه  حسافه ...ولكم اصيل  وشفاء ..حسافه 
صرت خدامه لصبا .. بدون ماكدر انطق حرف . هي متشفيه وبعينهة احقر نظره ممكن يتصورهة بشر .  كرهت نفسي   من اشوفهة بعيونهة ..  وكرهت اصيل .. لا ماكرهتة .. احبه .وكلبي حقير ..بعده يرجف من يسمع ..جرة رجله . مو بس صوته .بعدني ذيج ال طفله الغبيه الي تنتظر يوم الجمعه لان نجتمع واشوفه . بعدني .  احب اصيحلة صهيل .واشوف نظرة الغضب بعيونه ..  بعدني ... وبعدني ... وبعدني .   اي.  وياريت اخلص من كل هذا .. الله  شكد جنت احب حبي اله واعتبره شي مقدس .. ومميز .  هسة كرهته اريد اتخلص منه
خلصني يارب .. خلصني .. زين .هو مو يريدني اجيب . ويتركني .ليش ماتخلص من الطفل   وبلكي اموت .
لا يمه بنيتي ..حبيبتي .شلون فكرت هيج يارب سامحني .
بنتي ..انتي راح تكونين .طاقتي الايجابيه كلما ياذوني .انتي دفري ماما .كليلهة لاتضعفين اني هنا . زين . ماما . 
دفرتني .هههه ..ههه ..بجيت وضحكت . حست بيه وجاوبتني . قربان الج غفران تروح  بنيتي ..
نمت ..على الكاع .. من القهر .والهم مالي  قدره احرك .اصبعي .. كعدت الصبح طالع ..صليت  الفجر قضاء .وبديت ..انظف ..لكيته نايم با الصاله . كملت .. كعد ..سويلي زقنبوت
((((()غدير وسام ))))
غفران ....ان شاء الله زقنبوت بكلبك سويتله ريوك .
اصيل ...يله .نزلي بيت اهلي كله تنظفي وحدج واريد من الله  وحده تجي تكول .جبت لنفسي كلاص مي حتى المي انتي تنطي الهم
نزلت ..   الشغل رحمه التهي .بي .
سمر ..صباح الخير غفران
غفران ...صباح النور
سمر ...ليش تسوين  الريوك  انتي ..  كوه تتحركين
غفران ... لا حبيبتي ..  اكدر .
سمر ...دكعدي تريكي اني اكمل
غفران ..لا .الدكتوره كالت تحركي .. لاتكعدين .. 
سمر ... يا ..هاي  تريد تجيبج ولاده مبكره . 
غفران ..  يمكن .. كملت البيت .شفاء تذب حجي .
وخاله . جرتني ...ليش ولج ..بس نؤاس حله بعينج ..
غفران ...خاله والله ممسويه شي .
...... ولج ..انتي من دون بنات خواتي احبج  هيج جازين شفيه ولج  كسرتهة بيج مو بنؤاس النكس
غفران ....  مادري شسوي وبيمن احلف .. بس اكلج كلمة  خاله ا.ني تربية عذراء
......لا انتي .  حتى بلشكل تختلفين .عنه مو بس الاطباع هسة  عرفتج على حقيقتج .عبالج تظلين تلعبين و محد يدري بيج .
غفران ....حسبي الله ونعم الوكيل
....تتحسبين علينه حسبي الله عليح وعلى الكو....  مالتج ذاك الي انهزم .
....ها مابقه وياج مو تتواعدين ويا  بلزواج
انهزمت ...يارب ماعندي جواب  الهم اتهاماتهم اكبر من.ا
اصيل ...  تعاي .. حضريلي ملابس .
غفران ...احضرله ملابسه  وصفنت بحجي خالتي .
اصيل ...وين صفنتي .. تفكرين بيه
غفران ...بيمن .
اصيل ... بنؤاس افندي .. اشتاقيتيله مو
غفران ....اي  والله اله وحشه .   تقرب خنكني . ولزكني على الكنتور ..  نام وياج مو .. تقربلج ..نؤاس .
غفران  دفعته حيل ..  .. عزة العزاك اصيل .. يبوووووو .لهنا وصلت .. ولك اني .هيج تكلي ..  الله لايوفقك ..  ضليت الطم فقدت ..هاي  بكوم والباقي كله بكوم  بلحضتهة فقدت كلش ..مو حجاية جانت سهم  لا رمح وشك كلبي .  دفعته وركضت ..اكو نفط . ردت احرك نفسي واخلص ..اجه يركض اخذه مني ..
(((غدير وسام ))))
اصيل .. بنت الكلب شتسوين
غفران ..لاتكول على بابا كلب . تروحله فدوة يا حقير ..  جر شعري .. ودخلني للغرفه وقفل الباب .    صاح هاي متطلع بعد ..   ايام ..محد مر بيه ولاشافني  انام واكعد كلمته بس تتردد  باذاني ..   بس هي .. تروح وترجع ..  لا اكل  ولااشرب  كلشي تركته ..المي بس ابلل شفايفي  ..
اصيل ...  نايم .. رجعت من النجف رحت لفراس ..  ونمت تعبان ...شفت فراس ..   اني ويا بكعده مثل كعداتنه سوا قبل .وكانو هو مميت .نسولف ونضحك .  بعدين كام ..شفته من كام .ضهرهة انحنى .كتله شبيك ..كال ضهري يوجعني
كتله ليش ... مجاوبني راح بطريق . اظلم ..
اصيل ...فراس .اوكف اجي وياك
فراس ...لا اروح وحدي .. وانت بعد لاتجي عليه
اصيل ...ليش .
فراس ....لا ..لا تجي .  ماريد اشوفك  فزيت على كلمته ..  تخبلت ..شنو هذا نزلت .. سئلت  .شفاء ...هاي اكلت شربت
شفاء  عساهة .. بلموت .شمدريني
صعدت ..  لصبا .. غفران كلت
صبا ....اي .تاكل .  .
(((((غدير وسام )))
فتحت الباب . نايمه .   عرفت مماكله مبينه ..من شكلهة .صبا ...ليش تكولين ماكله
صبا ....  اني اخلي  واطلع شمدريني
اصيل ..  الله لايسلطج على مؤمن  سويلي اكل الهة
صبا ....ها ..ماطبخت .عبالي ماتجي
اصيل . ...خرب غيرتج .بس اعرف انتي شتسوين  النهار كله ارتاح ..   البيت وصخ الغرفه متنطب ..ملابس  تنغسل متنغسل نفس الشي  . اكل متسوين ..امشي ولي شوفي امي شطابخه .نعله على غيرتج 
رجعت لهاي تريد تسويلي بلوه ..كومي ..غسلي حتى تاكلين
غفران ...ماريد
اصيل ..غفران . شوفي ..هي شهرين   لو تلاثه خلي نمشيهن شلون مجان  بعدهة شتسوين سوي . مااهتم بس  هسة .انتي  شايله روح   متخافين على نفسج .خافي عليهة
غفران ...😢صارلهة يومين متتحرك
اصيل....   طبعا اذا متاكلين مسويه اعتصام    .
غفران .. اذا اكل .تتحرك
اصيل حسيت نفسي رجعت سنين ليوره  لمن جانت تسويلهة مكسوره وتجي تريد تلكه الحل والاطمئنان يمي
اي ..تتحرك ((((
(((()غدير وسام ))))
غفران . ...اي ..اي اكل  هسة اكل والله 
اصيل ...طلعت وين صرتي صحت
صبا ...جيت  بعدين ..خفت ..كلت خاف هاي من غيرتهة تحط شي ..لغفران ..  نزلت .عوفي .اني رايح اجيبلها
صبا ...ليش مو كملت
اصيل ...لا ..طلعت  جبتلها .لفات .كص ..  وعصاير . تحب هاي السوالف هي .بله اني عاقل مخبل ..وحده خاينتني . ويه خكيب اختي .واني   شسوي ..
رجعت .نطيتهة الاكل . اكلت .  ورجعت تمددت .جاي اطلع .
غفران .. كلت لفراس عليك
اصيل....شنو ..هاي تخبلت .
غفران ... البارحه  شفته بلمنام .وكتله عليك .
اصيل .. طلعت من يمهة ..  اووووف يارب ..اهديني .. اريد طريق امشي  بي ..
ا  الي .صار .. صعب اتحمله .خصوصا اذا كان حبك جبير .  .وانت مؤمن  انو هذا الشخص كامل .فجاة تنصدم صدمة عمرك .. رجعت ..اتذكر . شلون ..  جتي شفاء .. وكلتلي ..
اصيل .. الحكني ..
اصيل ..شبيج .
شفاء .. احنا اثنينه عايشين مخدوعين .. ولك غفران .ونؤاس ..بعدها تحجي ضربتها راشدي
شفاء..  اني هم ممصدكه ..بس اكتشفت بنفسي .تلفونه  اخذته بدون ميحس .. شوف رسلتهن .كلهن .
الي شفته وكف  عقلي .. صورها .ورسائل . واكلام جريئ هي وياي تستحي هيج تحجي .  
اصيل ...جذب ..اكيد مو غفران ..هي صار فتره تكلي  ماريد اصعد ويا
شفاء ...شوف شكاتبتله ..ماتحمل اشوفك وياها بعد راح اروح ويا اختي .
اصيل ... كلامهم جان  كلشي  بينه    حاجيته   رحت لكيتهة  تتراسل ويا من تلفونهة  . ماعرف شلون لزمت نفسي وما ذبحتها . كتلهة روحي لاهلج .  وحذرت  شفاء .  تكلولين  لاحد . خلي نفتهم .راحت .. لان اذا تبقى  اموتهة .   اتصلو اهل هذا السكط .  مطلكهة .وميريد يتزوج ردت اروح ..اموته واهلي .لزموني .كوه .. فات عمي ابو فراس .الله يرحمه
وهي ونور ورا ..شفته .مكسور .مو ذاك الانسان الهيبه
خفت اكسره اكثر .   سكتت من رجعها .وقررت ابقيها  لخاطره ..... بس وجودها عذاب .. كم مره خذت سلاحي وخليته براسها .  وردت اموتهة واخلص .واتراجع باخر لحضه .بس تذب ححملها . وخلص . تروح ..

💐🌸💮🏵🌹🌹💮🌸🌸💐غفران ...
دخلت .بالسابع . حركتي .صعبه   علاجي تركته ..الليل كله اخلصه تقلصات .وبجي ماانام ..كمت  التهي بالصلاة .وقرائة    وسبحان الله بدت  هاي الطقوس . تكون مسكن الي ولكلبي
جنت .بلبدايه ابجي على حضنه .واموت من اشوفه يمهة   وكبالي بيتي ..  جان اكبر عقاب اليه وهو جان يعرف واستخدمه ضدي ..مقبل ارجع للدوام ..خلف كل الوعود الي نطاهة لبابا ..واني ماكدر احجي .
خالتي ..انكلبت عليه مرات عمو يدز عليه ..يطلعون من المكان الاني بي .  وابد متسئل عن وضعي  وقاطعت امي الي متدري شنو السبب  اصيل ..بعد  ما حجة ذيج الكلمه
واني كطعت الاكل بدا يلين ويايه ...
وتغير صح ..عصبي . وبدون مشاعر ..  وتصرفاته واهتمامه محصوره بنته مو بيه .يحسسني كاني مجرد غلاف شايل شي عزيز بس  ينفتح ينذب باقرب زباله ..

اصيل ...شفتهة  شايله سلة ملابس .كوه تمشي .رحت
جيبيهة
غفران ... شبيك
اصيل ...ليش شايلتهة ثكيله
غفران....حملت الاثكل . ماظلت عليهة..لاتخاف
عافتني ..وراحت 
اصيل  .صبا ...   ليش مخليتهة  لوحدها تشتغل
صبا .. اشتغل .وياها بس اني .الدكتوره منعتني
اصيل ...ميخالف ..ساعديهة ..
صبا ..ميخالف
غفران ...سمعته ..ميهمني .ياريت على الشغل  تهون .
  اصيل ... مااصدك . وتعبت من التفكير .. 
نزلت يم اهلي ..
امي ... اريد اودي سهى تزور .. يمه البنيه راح تتخبل .اكعد الكاها تحجي ويا نفسها 
اصيل ... بيت عمي . يردون  يرحون هذا الاسبوع واخذيهة
.....ماروح وياهم اني اريدها تنسى وانت تريد تاخذهةوياهم ولكبر فراس
اصيل ... اني شكلت يمه .ماريد احد يعرف
....  اي شحجيت .فوك ماهجمت بيت اختك .ومخليهة  عندي .
اصيل ... كافي  خلي اهج احسن .طلعت  رجعت جان عمي يمنه  سلمت وكعدت يمه
.....اريد اخذ  غفران .   ..لان بعد يومين نروح للنجف 
اصيل ...باجر اجيبهة اني .
..  ...تروح انت ويانه . اكيد فراس مشتاقلك
اصيل .. اني هم اشتاقيتله . اني كل  فتره يمه بس ادلل اجي وياكم .
...... من اشوفك ارتاح .احس فراس موجود .. 
اصيل ... الله يرحمه ..
.....  ليش متخليهة تروح ويايه اليوم مدام جيت .
اصيل ...هسه اخليها تجهز نفسها
صعدتلهة .. روحي  ويا عمي لبيتكم
غفران ...الحمد لله افراج
اصيل .. بلا لغوة .  لا اشوفج السجن صدك
غفران ....دخيلك ..كافي شوفت وجهك انت وصبا ..سجن مؤبد مع الاعمال الشاقه
اصيل . ....اخخ
غفران ..اخخخخ لوما حامل .جان علمتج حفظناهة
اصيل ....طلعت لان بس ابقى ارتكب جريمه ..
نزلت لبابا ..  طبعا ..اهلي حاليا كاعدين بيت اجار.لان بيتنا بعنا نوفي فلوس .الفديه .مالت . فراس .سوده عليه .
اصيل ..وصلنه ..ورجع .  ارتاحيت بيت اهلي ..نمت  وبلليل كعدت على التقلصات ..صليت .وقريت قران لفراس .
ماما .طلعت تشرب مي ..ليش كاعده
غفران ..جنت اصلي .
ماما .. تقبل .الله . وجهج اصفر
غفران  تقلصات
.... وين علاجج مجبتي
غفران ....ماخذ علاج .تعودت على الوجع
ماما .... ليش  متاخذين مو تصير ولاده مبكره باجر اخذج للدكتوره
غفران ... ان شاء الله .
ماما ...خالتج ليش وجها ثكيل .صاير شي
غفران ... تعاركنه اني  وشفاء .وزعلت
ماما ....واني شعليه احنا اتفقنه من تزوجتو انتي وفراس  الله يرحمه شيصير مندخل
غفران .. .مادري يوم .. هي هيح عقلها شسويلهة
ماما ..  صاير ششي اكبر مو ..ادري بس متحجين .
غفران ....اي ..حجيتلهة .كلشي   وياريت ..ماحجيت ... وظليت ساكته ...

💐🌸💮💮🏵 اعرف ..تاخرت عليكم ..عذروني .. وياربت  تتحملوني .. .