الشيطان العشق

1

الحلقة الأولى..
"بداية المشوار"

تبدا اول مشاهد حكايتنا في واحده من اكبر شركات الاستيراد والتصدير .. تحديدا في مكتب سكرتيرة المدير التنفيذي للشركة .. نلقو بنت في عمر العشرينات ومنظرها جادة ولابسة لبسة رسمية "آيات" مثال للجدية والاتقان في الخدمة .. خدمتها متشوبهاش اي شوائب , ديما جاهزة حتى في الاوقات الغلط ، ذكائها يفوت عمرها بمراحل..واكتر من مره نقذت الشركة من مواقف محرجة ، وطول الاربعة سنين لي خدمة فيها في الشركة ماتسجلش في ملفها ولا خطاء مهما كان صغير.

وتوا خل تبدا حكايتنا🎆
مقعمزة ورا مكتبها وكله معبي وراق ادقق فيها بتركيز طلب من مديرها ويقاطعها صوت تليفونها المتصل بمكتب المدير..
آيات؛ترن ترن ترن ترن تررررن ... زن زن زن .. شن هذا ماعيااش ؟؟؟؟ هذا حراااام .... هذا اسمه انتهاك لحقوق الانسان , كل شوية تعالي ياآيات امشي ياآيات ... يخربيت آيات ع اليوم اللي جت فيه تشتغل في المكان هذا .... حسبي الله ونعم الوكيل.
بعدين قامت التليفون وردت..
آيات بهدوء؛ايوا مستر هادي مع حضرتك ، تمام تمام ، اني بنشتغل ع الورق هذا شوية ويكون جاهز ع مكتب حضرتك .... لالا تأخير شني ولا يهمك حضرتك تعرف قداش نحب شغلي ... تمام اتفضل يامستر.

بعدين سكرت التليفون بعد ماعطاهها اوامر تانية لين جاها صداع نصفي😑

آيات وهي تكلم في روحها؛يعني ع خاطر الواحد ذوق ويحب شغله ومحافظ عليه يجي حضرته يدره كبدي ومخلي كل شي ع راسي ، يعطيني شغله بش هو يروح لي حوشه واني نسهر بداله ، منك لله يابعيييييد ، وهه حتى اليوم اني اخر واحده ح نروح من الشركة😧.

كملت شغلها بعد تذمرها اليومي بسبب كسل مديرها ويخلي في كل مسؤلياته ع سكرتيرته الخاصة .

في مكان تاني تحديدا في المطار ، يمشي بثبات , ملامحه جامدة ولامُبالية ك العادة وكأن مافي شي يثير اهتمامه ع الكوكب كله ... رجع بعد رحلة عمل شملت هلبا بلدان وتكون وجهته الاخيرة ومسقط راسه هي بلاده ، اتجه لي بوابة الخروج ولقي السواق متاعه ، جي يجري وخدي منه الشناطي وهوا فرحان ان مديره رجع بعد غياااب.
السواق؛أهلا أهلا ... البلاد نورت برجعتك أستاذ طائف .
طائف؛شكرا... حط الشناطي وامشي بينا للقصر بسرعة .
السواق؛حاضر

بعد 3 ساعات✨

آيات؛واخيرا كملت ، بعدين سمعت صوت غريب طالع من بطنها .... ان شاء الله انشوف فيك يوم يابعيد منك لله ماكليت شي من الصبح بسببك .😩
ناضت وساوت حوايجها واتجهت برا الشركة ، وفي طريقها خطمت ع سوبر ماركت مش بعيد هلبا ع حوشها .
لمرا لي تبيع بصوت حنون؛كيف حالك يابنتي شن مدايرة ؟
آيات؛تمام الحمدلله كيف حالك انتي ياروءة ليك وحشه والله💙
لمرا لي تبيع؛شن روءة متاعك اهيا ، اسمي رقيات شن مافيش احترام للاكبر منك ولا كيف !!
آيات وهي تغمزلها؛اكبر مني شني ياجميل تي يلي يشوفك يعطيك عشرين سنة ... انجي شني اني قدام الشعر الاصفر الحرير هدا ولا عيونك الخضر لي يطيحو اي راجل يشوفلك😉.
رقيات؛هههه ، توا قوليلي علاش تأخرتي اليوم ؟
آيات؛لخرا لي اسمه هادي السبب ، تخيلي مخلي الحمل كله عليا وهوا شي مفيش لا دم ولا احساس لكن شن بنقول هي منه لله😑.
رقيات؛معليش تحملي يابنيتي ...
انتي قدها وني واتقه فيك.
آيات؛تسلميلي ياعسسل انتي ، مافيش غيرك يحس بيا .. هيا اني عطلت خل نمشي ناكل حاجة من صبح ماكليت شي جعانة😧.
قعدت رقبات تشوفلها بحب وشفقة ع حالها ، يتيمة ام واب ماعندها حد من اقاربها ع قولتها ، انتقلت من اربعة سنين ع منطقتهم هادي في حوش وفراته ليها الشركة بش تكون قريبة منهم .