جف حلقها وتوسعو عيونها من لي شافاته اول ماوصلت للعنوان لي بعتهولها ... فيلا كبيرة .. لا قصر ... حتى ان وصفه بي انه قصر شوية ، قعدت هلبا وهي تقنع في التاكسي انها هي بمنظرها لي خاش في بعضه انها قاصدة قصر العمري بالعنوان لي عطتهوله ومكانش محتاج النعتة لان معروف .. واهو هي توا واقفة قدام الفيلا وقاعدة مصدومة .
آيات؛هذا قصر رئيس الجمهورية ولا شني .. يخربيته من وين جابه هذا كله 😳 لكن والله حرام ينقال عليه حوش ... تي اني شقتي كلها متجيش دار واحده من القصر هذا ، شن صار ياآيات انتِ تحسدي فيه ولا شني قولي مشالله ... لكن هما الناس هاضو ينحسدو زي باقية البني آدمين ...
كملت لكلام لي كان يدور في عقلها وقدمت شوية خطوات ووصلت للبوابة الرئيسية للقصر ولقتها مسكرة ، كانت بتتصل بيه لكن لقت راجل يبان عليه في الخمسينات من عمره يشوفلها من الجوانب متاع البوابة ومشي يجري بس يفتح البوابة..✨
...؛اهلا نورتي الاستاذ طائف يستنا فيك الداخل😊.
عقدت حواجبها بحيرة .. ياربي مش توا قال انه بروحه ؟
تجاهلت كلامها وكملت مشيها الداخل لين وصلت لي بوابة كبيرة فكرت انها ح ادخلها لي عالمه🌍وكيف جاية بطق الباب لقاته ينفتح وقابلتها وجه بنت تبتسملها ورحبت بيها نفس الشي وكأنها كانت تستنى فيها😕.
...؛اهلين نورتي الا........
كملت آيات؛الاستاذ طائف يستنا فيك الداخل 🙂.
ابتسمت البنت برسمية وكملت كلامها؛فعلا الاستاذ الداخل يستنى فيك.
آيات؛الداخل وين ؟ ... وطالما انتو موجودين علاش ماطلبتولاش الدكتور😐.
شافتلها البنت بحيرة بعدين كملت؛الاستاذ يستنا فيك في غرفة الاكل تفضلي معاي🙂.
بعدين تحركت البنت بسرعة وتحركت وراها آيات وهي اتمتم.
آيات وهي تتأفف؛اتفضل هه وخيره خل نشوف اخرتها😑.
قعدة اتبع في البنت وهي تفوت في هلبا ديار اللي مسكرة واللي مفتوحة ف تفاجئت من كل لي شافاته حتى انها انست علاش جاية اهني ... حست ب روحها ع صوت البنت وهي تكلم في شخص تلفتت بسرعة وماتلقاش غير انه هو طائف.
قعدت تشوفله بصدمة ... تشوف فيه مقعمز براحة ع راس طاولة طويلة شافتها في المسلسلات بس واللي كانت تسحابها وهمية غير واقعية اصلا ... كان يشوفلها ب ابتسامة ع جنب ... حاله احسن من اي يوم شافاته فيه .. يعني معقولة الناس هاضو لما يمرضو وجوهم تولي مُشرقه ومن لكلام هذا ... معقولة يولو احلا من قبل حتى في الجمال ؟... ممكن😕!
سمعت صوته وهو يقول للبنت تمشي ..
آيات؛الف سلامة ع حضرتك !
اول ماكملت جملتها لين حس بي هستيريا من الضحك ف تغيرت تعابير وجهه فجاءه .. شد روحه بالسيف بش مايضحكش قدامها.
أنت تقرأ
الشيطان العشق
Short Storyالمقدمة.. هو غامض وصاعب ماعنداش لا صديق ولا حد غالي عليه هي غبية حمارة ح اطيح في شرك حد مايرحمش "اقتباس" تفتح عيونها وتثاوب بي بطء وتشوف بعدها لي جيهته وترمش لي لحظات هو؛صباح الخير. هي بي تلقائية؛صباح النور. بعدين رمشت مرة تانية قبل ماتنقز من مكانه...
