الشيطان العشق

البارت الثامنة

..

راقدة ؏ السرير بهدوء ولون وجهها مخطوف ، صخف عليها وهو مقعمز جنبها ونادم لأنه خلاها بروحها تشوف مأساة زي هادي ... هو لي دخلها في الحاجة هادي ونسي تحذيرات صاحبه.

حس بيها تتحرك وانتبه ليها امشي قعمز جنبها ولقاها تحاول تفتح فۧـۍ عيونها ... مرت ثواني ؏ الوضع هذا ولاحظت الشمس بمعنى يوم جديد ... بعد لحظات إذكرت أحذاث البارح ناضت بسرعة وهي مخلوعة وتشوف لي الدار ، بعدين قعدت تبكي بقوة اول ماشافت وجهه ف عرفت روحها انها قعدة حية..

قعد يراقب في تصرفاتها بتركيز وخلاها فترة تحاول انها تواجه لي اذكراته البارح لطن وهي تبكي معاش قدر يتحمل ف اتقدم جيهتها وقعمز جنبها وحاوط كتافها بي ايديه وهو يحاول يهدي فيها✨.

طائف؛اهدي اهدي ... ٳﺂنتِ معاي ٳﺂنتِ فۧـۍ أمان .. هذا كله تم خلاص مافيش خطر ... خلاص عاد ياآيات اهو اني معاك.

حاولت إنها تتكلم إنها تعبر ع ٳﻟﻟۑ عاشاته هديكا اللحظات من خوف ورعب لكن كل ماحاولت تتكلم انربط لسانها وزادت دموعها أكثر .

شاف حالتها اتزيد أكثر ... جسمها زاد يرعش أكثر .. زاد صوت بكاها أكثر وكأنه عياااط .... ف مالقاش حل غير إنه يحتواها بحضنه يمسد ع شعرها بهدوء وحنان ويهمس في وذنها.

طائف؛خلاص واللهْہ كله حاجة تمام ومش ح نخليك بروحك تاني رجلك؏رجلي في كل مكان غر اهدي شوية بس ... ماحد ح يجي جنبك وأني موجود .... ع جثماني لو حد قرب منك.

آيات وهي تشهق؛هذا .... هذا ق .... هذا قتله .... قتله قدام عيني .... دم .... كان كله دم😭.

زاد يحضن فيها أكتر وهو مغمض عيونه ومتعفلق لأنها شافت حاجة زي هادي .

طائف؛انسي انسي ياآيات ... امسحي هذا كله من ذاكرتك ... عارف انه صاعب لكن حاولي بش ترتاحي😧.

قعدو فترة ؏ الوضع هذا لين هدت هي من نوبة بكاها ف حست روحها بين ايديه ... بعدت عليه بهدوء وهي متحشمة ، مرت فترة من السكوت لين قطعه هو..

طائف بإبتسامة؛تبي نطلبلك اكل ولا شن تبي ؟ ... قولي واموامرك اليوم كلها تتنفذ😊.

آيات؛مانبيش غير حاجة واحدة ... نبي نفهم شن اللي صار ... ووعلاش صار هكي معاي؟

ناض من جنبها وتحرك بعيد عليها شوية وقعمز ؏ واحد من الصالونات .

طائف؛مافيش داعي نتكلمو فۧـۍ الموضوع هذا بش تقدري تنسي اللي صار.

آيات؛ومن قال ان نبي ننساه ... اني نبي نفهم مني هذا وشن كان يبي ... ع مااعتقد هذا من حقي.

طائف ببرود؛وبعد ماتعرفي؟؟؟؟

آيات؛مفهمتش؟

طائف؛نقصد بعد ماتعرفي ياآيات ... ؏ شن ناوية؟.