لحظات وقعدو الزوز ساكتين فۧـۍ السيارة قبل مايوصلو للحوش ودعاته بهدوء وشكراته ونزلت .. قعد يراقب فيها لين خشت وطمن عليها .. كيف كان بيمشي لكن وقفاته عيطة آيات من الداخل لين تجمد في مكانه.
ثواني لا اقل من ثواني وكان يطق فۧـۍ الباب بقوة بعد لحظات فتحتله .. وتشبحله بنظرات خوف ... لين تنفس اخيرا براحة من كتر ماخاف عليها ... قعد يشوف لي عيونها ويستنى فيها تفسر سبب عيطتها وهي تشوفله وعيونها مدمعات ... ماحس وقتها بي روحه الا وهو جبدها لي حضنه ... حس بي جسمها يرعش بين ايديه ... قعد يشوف بي عيونه للحوش لقاه مقلوب فوقي لوطي وكل شي متكسر وواضح ان في حد خاش للحوش ويبي يخوفها ... سكر عيونه وحط ايده ع راسه لما سمع صوت شهقاتها تزيد.
مشي قعمز بيها ؏ الكنبة و ﺣتۍ هي متكسرة من كل جيهة ... قعد بساوي فۧـۍ الكنبة و فۧـۍ نفس الوقت مقدرش يبعدها من حضنه ... قعمزو الزوز بهدوء مرو شوية دقايق وحس بجمودها بين ايديه ناضت طول من مكانها وعيونها كلهم حقد وكره ورافعة صبعها قدام وجهه.
آيات وهي تعيط؛انت ... انت ٳﻟﻟۑ قلبت حياتي وقاعد عندك عين توريني وجججهك ... شن تبي مني ... شن تبي مني اني طول عمري فۧـۍ حالي لا عمري ضريت حد ولا حد ضرني ... انت مني وشن تبي مني ... ياااسر يااااسر حرام عليك خليني في حالي.
وقف قدامها ... قرب منها تاني ومد ايديه جيهتها يحاول انه يهداها ... ضربت ايده بقوة وقدمت هي منه وقعدت تضرب فيه بي ايديها ؏ صدره لين وخر التالي شوية وهي قعدة تعيط ومنهارة.
آيات؛متمسنيش ... انت شني ماتفهمش ... قلت خليني فۧـۍ حالي ... اطلع بره ... برررره.
معاش قدر يصبر اكتر ... ياسر انهايرها للحد هذا .. شد ايديها وجبدها جيهته بقوة وهو يشبحه لي عيونها..
طائف بصوت عالي زي لعياط؛اهدي ... اهدي شوية واسمعيني ... علاش تقوليلي اني السبب ممكن يكون خناب خش ويبي يخنب الحوش .
آيات؛والخناب ح يخليلي هادي؟؟؟
مدت ايدها ليه كان فيها ورقة صغيرة مانتبهش ليها لما كانت في حضنه ...✨
خدي منها الورقة بتوتر واول ماقراها وجهه تغير .. كانت ورقة تهديد من عدوه ... بعدها سب سبة كبيرة لين هي عقدة حواجبها .
غمض عيونه وحاول انه يكون هادي ... ضغط ؏ ايده بقوة.
طائف؛ح انفذلك لي تبيه ... تبي تسيبي الشغل ... اني موافق معنديش مانع .. لكن بشرط.
آيات؛شرط شني ؟ قصدك الشرط الجزائي؟
طائف؛لا منبيش منڪ فلوس .. نبي حاجة تانية.
آيات؛شن هي.
طائف؛شهرين ...ح تقعدي لي مدة شهرين بس لين نلقى سكرتيرة مناسبة تفهم الشغل ...Deal؟
مرت دقيقة بعدين نطقت بإستسلام.
آيات؛Deal😩.
بعدين تحرك هو البرا وهو ساكت وهي تشوف لي مكانه الفاضي بتوتر واستغراب كيف وافق 😕.
أنت تقرأ
الشيطان العشق
Short Storyالمقدمة.. هو غامض وصاعب ماعنداش لا صديق ولا حد غالي عليه هي غبية حمارة ح اطيح في شرك حد مايرحمش "اقتباس" تفتح عيونها وتثاوب بي بطء وتشوف بعدها لي جيهته وترمش لي لحظات هو؛صباح الخير. هي بي تلقائية؛صباح النور. بعدين رمشت مرة تانية قبل ماتنقز من مكانه...
