حرك كتافه فوق ولوطه؛الحل هوا ان نقعد اهني لين نوصل لي حد نعرفه.
آيات بعياط؛نعمممم؟؟؟؟؟
طائف؛علاش الصوت العالي هذا ، شن لي مش مفهوم في كلامي ؟.
آيات؛شن تقعد اهني لين توصل لي حد !!!.. انت من تسحاب روحك ؟ ووين ؟ هذا حوش بنت يا أستاذ وعايشة بروحها ومش كان استضفتك يوم معناها سايبة ... بلا هبال ياولد لحلال وشوف لي روحك مكان تمشيله اني مش فاتحة فندق اهني.
وأخيراً ناض من تقعميزته ووقف بشموخ مواجه لها .
طائف بإستفزاز؛اولاً ورداً ع اسئلتك لي مابتش اتم .. نسحاب روحي مني ف سبق وعرفتك ع روحي طائف العمري" تقدري بعملية بحث بسيطة ع النت تعرفي من انكون وعارف اني في ضيافتك من امس وسبق وقتلك ان تقدري تطلبي اي مبلغ وتاني يوم ح تلاقيه قدامك ... اما باقي كلامك ... كمل بهزوة ... ف ردي عليه هو اني مش شايف اي بنت واقفة قدامي حالياً🙄.
آيات؛وفوقها وقح انت كيف..
قطعها طائف بتنهيدة؛من غير اهانات وغلط خلي الليلة تكمل ع خير ومن غضوا ح نشوف حل للوضع هذا .. ها ارتحتي ؟ ... وبعدين كمل بصوت واطي ... واعرفي كويس ان لو ماساعدتينيش ونقذتيني واني مديون ليك ماكنتش خليتك تفوتي حدودك معاي ، لكن كله يهون ع خاطر موقفك المحترم متاع البارح يا ... ياقطة🌚.
بعدين خلاها في حالة صدمة من كلامه وتهديده ليها اما هوا تحرك براحة ومشي للمطبخ مرة تانية ..!
وأخيراً قررت انها تستسلم ، وتخلي الوضع ع حاله لانها ماعندهاش طاقة بش تتناقش معاه لانها اكتشفت انه النقاش معاه عقيم ومافيشي فايدة.
مشت لي دارها وسكرت بابها بالمفتاح وبعد شوية خدت كرسي وحطاته ع الباب ، للامان يعني🌚.
في مكان تاني نلقو صف من الرجالة واقفين قدام راجل في عمر التلاتينات ..
...؛شن هرب منكم ششششن .. بعد كل اللي جهزناه ودرناه كيف تخلوه يهرب منكم ؟
خمسة رجالة زيكم راجل واحد يقدر عليهم ويهرب؟؟؟لا والنكتة انه قدر حتى يضربكممم؟؟
واحد من الرجالة؛يابوس انت عارف ان درنا كل اللي نقدرو عليه لكن هوا اللي..
...؛هواا؟؟؟ هوا شني يابغل انت وياااااااه😡😡😡!
الراجل التاني؛يابوس انت عارف ان اللي اسمه طائف مش ساهل 😓!
...؛مش ساهل ؟ وماقصرناش !؟؟ شني اني باعتكم تقتلو جن ولا شني ماهو بشر زي اي حد لكن الفرق اني مشغل معاي كمشة حمرة مايفهموش😡.
الراجل الاول؛يابوس..
...؛تم لكلام ، خلاص خلو موضوع طائف عليا تو نشوف اخرتها معاه ... قولتو انه انضرب ولاه !!
واحد من الرجالة؛اي اي شفته بعيني الرصاصة جت فيه.
...؛امممم ، كويس 🤔... وبعدين شافلهم هي اقلب وجهك انت ويااه منبيش نشوف خليقت واحد فيكم.
أنت تقرأ
الشيطان العشق
Cerita Pendekالمقدمة.. هو غامض وصاعب ماعنداش لا صديق ولا حد غالي عليه هي غبية حمارة ح اطيح في شرك حد مايرحمش "اقتباس" تفتح عيونها وتثاوب بي بطء وتشوف بعدها لي جيهته وترمش لي لحظات هو؛صباح الخير. هي بي تلقائية؛صباح النور. بعدين رمشت مرة تانية قبل ماتنقز من مكانه...
