الشيطان العشق

البارت التاسعه

كملت من سرد ارعب لحظات مرت قدام عيونها وطبعا ماننسوش شهقاتها وهي تبكي .. حاول بي كل طريقة عنده انه يهداها ماقدرش بعد فترة مش قصيرة كانت الدار هدوء..

ناضت آيات من مكانها وهي مصدومة؛اني كيف نحكيلڪ ٳﻟﻟۑ صار وانسيت ان كل ٳﻟﻟۑ صار بسببڪ.😳
تي هذا سألني لو كان هذا الحناح ليڪ وآﻧﮧﺂا السكرتيرة متاعڪ ... هذا كله كان بسببڪ انت ... شوف اني منبيش نعرف هو شن كان يبي .. هذا مايخصنيش ... بس اني مش ح نقدر انعيش فۧـۍ الرعب هذا تاني و ؏ خاطر هكي اني توا بنستقيل ... ووعد مني مش ح تشوف وجهي تاني ولا ح نطالب بي اي تفسير غر حليني نمشي ؏ حالي وخلينا نشوفوا شرط مُناسب للشرط الجزائي هذا ... يعني لو ممكن ندفعه ؏ دُفعات.

كملت كلامها ولقاته مقعمز براحة يشبحلها بهدوء وكأنها قبل شوية ماكانتش تعيط في وجهه ... جت بتتكلم مرة تانية لين صبقها هو وقعد يصفق بي ايديه ... و ؏ وجهه إبتسامة صفرا.

طائف؛برافو ... لا بجديات برافو .... حضرتك تبي تسيبي الشركة لا وفكرتي ﺣتۍ فۧـۍ حل للشرط الجزائي ... هذا كله حلو و ممكن نوافق عليه ﺣتۍ من غير مانطالبك بفلوس ... لكن لازم يكون فۧـۍسبب مقنع لي هذا كله.

آيات؛مفهمتش ... شن معناه لكلام هذا.

طائف؛يعني شن السبب ٳﻟﻟۑ ع خاطره تبي تسيبي شغلك ياآنسة؟.

آيات وهي فاتحة عيونها ؏ وسعهم؛سبب ؟ تبي السبب ؟ مش سادك ٳﻟﻟۑ صارلي والراجل ٳﻟﻟۑ مات ... شوف يأما توافق ؏ إستقالتي يأما ح نطلع للسفارة ونقوللهم ان فۧـۍ حد طق ؏ باب داري وكان يبي يقتلني وبدل مايقتلني اني قتل العامل متاع الرووم سيرفس ... وطبعا مش ح نسسى اسمك وسط لكلام الحلو هذا.

ماسمعت شي غير صوت ضحكه العاالي.

طائف؛السفاااارة مرة واحده😂... لا بجد اني نهنيك ؏ ذكائك .... لكن لما بتشميلهم شن بتقوليلهم ... هااا؟ اذا كان اصلا مافيش حد مات ولا حد شاف حاجة من ٳﻟﻟۑ ٳﺂنتِ قولتيه.

آيات بصدمة؛شني؟

طائف؛زي ماقتلك هكي ... مافيش حد انقتل ولا في حد هددك اصلا🙂.

آيات؛لكن ... هذا مش صح ... انت عارف ان فۧـۍ حد مات ماهو اني مش مجنونة اني شفت هذا كله بعيني ... والفندق ... إدارة الفندق عندها علم بي ٳﻟﻟۑ قلته وهي ح تشهد ؏ كلامي .

طائف بهزوة؛ good luck .

لحظات بس وفهمت ان امتسحت كل الأحذاث ٳﻟﻟۑ صارت لا شرطة جت او اتبلغ ﺣتۍ ؏ الحاذث ... شلتها الصدمة لين ﺣتۍ رجلاها معاش حست بيهم وطاحت مقعمزة لوطا .

آيات؛انت مني؟

طبس لوطا لين وصل لي مستواها وراسه قدام وجهها بالضبط.

طائف بهدوء؛طائف العمري رئيس مجلس إدارة شركة العمري للإستيراد والتصدير ... خلي هذا فۧـۍبالك بس مش أكتر ... و ٳﺂنتِ ... ٳﺂنتِ آيات رأفت ... سكرتيرة رئيس مجلس إدارة شركة العمري للإستيرادوالتصدير.