الشيطان العشق

البارت الخامسة

سهام وهي طالعة من مكتب رئيس مجلس إدارة الشركة؛ يخربيت جماله الزفت .. هو في هكي .. فرخة آيات قوليلي انتِ كيف تتعاملي مع الكائن هذا😍.

آيات؛اني مش فاهمة مُغرمين بي السي طائف هذا علاش ... ماهو هادي يعني زيه زي اي راجل.

سهام؛زيه زي اي راجل ؟ اتقي الله لينا شهر نشتغلو وقاعدة متعودتش ع جماله وبرستيجه ... بعدين تنهدت بهدوء .. يابختها لي ح يكون من نصيبها😩.

آيات؛باللهي اسكتي ماجربتيش بروده واستفزازه .. وانتِ كيف ح تحربيه وهو مخزنهم كلهم ليا اني😑.

سهام؛لو الاستفزاز من النوع هذا فيا اهلا بيه .. هي خل نخليك تو ونطير نشوف الشغل اللي وراي .... سلام.

آيات؛سلام

عدلت تقعميزته اول ماطلعت صاحبتها ، شردت في الاحذاث لي فاتت ... شهر فات ع خدمته قي الشركة ... شهر استمرت فيه الاستفزازات والانتقادات .... صبرت وصبرت وصبرت ... لين معاش صدقت انها بدت تتحكم في كلامها قدام استفزازه لكن لي امتى ؟.

قطع ع تفكيرها صوت تلبفون المكتب وك العادة يباها تجي للمكتب .. بش ادير لي تعودت عليه الفترة الاخيرة قبل ماتخش لي مكتبه .. هيأت روحها لي اي تعليق يجي منه .. وبرغم انه تستعد كل مرة يجي ب شي ماتتوقعاش نهائي.

خشت الداخل ولقاته مقعمز ورا مكتبه..
قدمت ووقفت قدامه وتكلمت برسمية✨.

آيات بهدوء؛حضرتك طلبتني.

ناض من كرسيه اول ماتكلمت ودار ع المكتب وطلب منها تقعمز ، قعمزت وهو نفس الشي قعمز في الكرسي لي قدامها .. مرت ثواني وهما ساكتين لين تكلم هو..

طائف؛زي ماانتِ شايفة مر شهر ع شغلنا مع بعض ... واسبوع ع عرضي ليك .. وع مااعتقد ان هادي هي المكة لي طلبتاها بش تفكري في عرضي.

شافتله بصدمة .. يبصر هذا ولا شني 😳 ع اي عرض يتكلم هذا؟.

آيات؛سبق ورديت ع حضرتك بخصوص عرضك هذا وقلت رائي فيه.

تعدل في مكانه ورجع ظهره التالي وحاط رجل فوق رجل ... طلع سبسي وقعد يدخن بهدوء ... ويطلع في دخان من فمه بدون اهتمام وكأن مافي حد موجود قدامه لين ناض بهدوء يقتل.

طائف بثقة؛واني ماقبلتاش واعطيتك وقت تفكري فيه كويس.

آيات؛رغم انه مافيش داعي للتفكير في العرض مرتين ومع ذالك اني نرفضه للمرة التانية.

طائف بغرور؛رفضك مش مقبول🌚.

ياسر .. لي هني وساد .. مش ح تتحمل غروره اكتر من هكي ... ح اطلع لي في قلبها واللي بيصير خل يصير.

وقفت وتكلمت بثبات؛حضرتك عرضت عليا عرض والمفروض ان قدامي خيارين يأما نقبل يأما نرفض.

طائف ببرود؛مش صح ، اني فعلا عرضت عليك عرض بس عرضي ماليشي اختيارين ... هو اختيار واحد بس .... والرفض عندي مش مقبول.