في خاطري انقولها🙊

العيد🙊

عندي كلاام وحاجات😪
#في خاطري انقولها. .🙊
وحبيت انشاركم بيها. .
وان شاء الله اللي #في خاطري يوصللكم واتكون فقره خفيفه عليكم وتستفيدو منها🙈
تحياتي: رونق الشتاء❄"Wisha"
.
.
.
و أول موضوع اليوم من فقره
#في خاطري انقولها
"الاحساس بالغير"
بما ان العيد ع الابواب حبيت نفتح الموضوع هدا ونلمسو جانب الاحساس بالغير في هالمناسبه العظيمه اللي ربي خلقها للود والرحمه والتراحم بينا وان شاء الله اتكون عند حسن ظنكم. .🙈
.
.
.
فاااتو الاياام وجي صبح العيد🙈
دوشتي و لبستي اجمل لبسه👗وعطرتي احلى العطور🌹وكملتي طلتك ب الاكسسوار والاظافر و و ألخ👑💄👒نزلتي عيدتي ع امك وبوك وخوتك وجهزتي الصالون من حلوياات وعصاير ومكسرات و و ..ألخ🍷🍹🍧🍩🍰
امم وجيتي لأهم جزء في العيد😔
💨التصوير💨
خديتي جهازك وصورتي نص لبستك💁وصالونك وبوك وخوتك👨👦ونزلتي أحلى عيد مع الغالي👨..احلى عيد مع العيله👪احلى لبسه من باابي ربي يحفظه😎😻احلى عيد مع خوتي سندي في الدنيا👬😻🙊تجهيزاتنا لستقبال ضيوفنا🍷☕🍭احلى مش عارف شني..شي ع الانستا شي ع الفيس ووو ألخ"وقبل منكملو شن بديري تعااليلي جااي اشوي"
لما نزلتي لبستك مفكرتيش في اللي معندهمش بيش ايعيدو💔لما نزلتي تجهيزاتكم🍻مفكرتيش في اللي مش لاقيين حق غداهم🍃لما تزلتي صور بوك مفكرتيش في اللي بوهم مش امعاهم😿محسيتيش باللي اول عيد ايعيدو بلا بوهم😭ومتنسيش ان العيد اللي فات كان بوهم معاهم😔😵"بغير سو ع بوك طبعا❤"طيب يا ستي مفكرتيش في اللي فاقدين اوخيهم في العيد😖امم بتقوليلي ليش يفتحو في اليوم هدا😏. .😵التواصل الاجتماعي حقنا كلنا😌حقنا كلنا تستخدموا والواجب عينا كلنا ننضبطوا وكل واحد فينا يبدا بنفسه😔واصلا هوا من اسمه تواصل اجتماعي💞يعني نتواصلو مع بعض بالكلمه الطيبه والخير والود والرحمه بيناتنا😙😳مش انجرحو ونكسرو بخاطر بعض💔
وبعييييدا عن هدا كله🙈✊
لما اتنزلي صورة اوبيك وخوتك وفرحتكم في العيد ولمتكم مع بعض💞👪متخافيش حد يشبحها وميصلين ع النبي😼عين تشبكلكم بحسد ومتدكرش الله👀والعين تؤدي الرجل الي القبر والجمل الي القدر😱. .والكلام هدا مش من عندي..هدا كلام اشرف الخلق"عليه الصلاه والسلام😍"مخفتيش اتجيكم عين"بغير سو" اطرشقكم😔مخفتيش اتجيكم عين تحرمك من احبابك العيد الجاي😖. .
نبي نعرف ليش رحنا كان الناس مشافوش فرحتنا مكأناش فرحنا😔😖ليش كلنا رحنا المظاهر أولا👎رغم ان مش الكل لما اينزلوا بقصد الفخفخه او الجكترا🙈بس هكي عااده راحت فيا😔😪معاش انقدرو ولا انراعو في مشاعر حد😖ولا انخافوا ع روحنا وعيلتا من عواقب اللي انديرو فيه👀ومش معنى كلامي ان متصوريش ولا تفرحي ولا شي بالعكس صوري افرحي هييجي💃😻😹ببس خليها ضمن نطاق اللي فرحتي معاهم مفيش داعي اتنوضي جرووح حد💔😖👎
.
.
وبعد مانزلتي اصور الصبح فاات الوقت وجو عمامك او مشيتو لخوالك تبدي عااد..احلى عيد واحلى لمه مع ابنيات عمي/خالي👭..ان شاء الله ديما ملتمين واحلى عيد معاكم💑..وو ألخ
اخر كلمه🙊🙊
مش كل الناس تمشي لخوالها او عمامها في العيد💔مش كل الناس سمنه ع عسل معاهم😔والااااهم..مش كل الناس تشبح الصور واتقول ربي ايدووم لمتكم😖وفي الاصل مش كل من علقلك بيها قاصدها من قلبه😏ركزي في كلاامي وان شاء الله المغزى ووصل😌😓

"وكلامي وربي شاهد مش تلقيح ع حد ولا شي😊. .بس مجرد اكليمات#في خاطري انقولها😤..وان شاء الله تلمس اقلوبكم واتحسو باللي قلته👐💓"
وربي يحفظلكم اهلكم واحبابكم من كلل شر وربي ميضوكم مر افراقهم💕..وان شاء الله اللي فاقد حد منهم يجمعه ربي بيه في الفردوس الاعلى وايصبره ع فراقه👐
وان شاء الله اتكونوا استفدتو🌹
وكان عجبتكم الفقره حنستمر كل فتره انزللكم موضوع🙈
.
.
.
بووساتي💋