#في خاطري انقولها
تحياتي:رونق الشتاء❄"Wisha"
موضوعنا اليوم بعنوان
"سعيده انخطبت"
كاان يا ماكاان في هدا الزمان في بقعه من بقااع الارض..كان في ابنيه اسمها سعيده..بنت عايشه حيااه طبيعه زي اي بنت ليبيه ضرب وهرجه واعياط وما إلى ذلك..وعندها صحبات وقريبات وحيااتها طبييعيه جداا🍃
.
.
لعند ما جي اليوم الموعود🙈💨
واشرقت الشمس من غربها وناضت عزوز القايله من نومتها
وانخطبت عمتكم سعيده🙈💍😂..
وصاارت هزه ارضيه،انقلاب كوني،بركان نووي،انفجار مائي"مش عارف من وين جبت هالشي هدا😂عموما ان شاء الله خير"زي ماتبو اتسموه سمووه..وتحول حرف"ط"الى"ت"واصبحت القطوسه كتوسه و حطمت الرقم القياسي بنطقها لكلمه ختيبي بمعدل 100000 مره في الدقيقه..وتغير اسمها من سعيده إلى سيرين💁😂ورااحت جو اتكيت وختيبي جابلي وختيبي حطلي ووو ألخ..وياريتها وقفت ع هكي وبس لا العدوه انتقلت لي امها وبدت قدام الجارات ومرت العم ومرت الخال..نسيبي جاب نسيبي حط ووو ألخ..
وعمكم طايح السعد ايكر وايجيب وع قولت بنت عمي ختيبها جابلها وبنت خالتي ختيبها حطلها ويقعد عمكم الختيب ايكر😤..وهدا كوووله كوم وانها معاش اتقمعز مع السنقولات كووم تاني💁😒أااال شو..ايفسدنها😕..
بجد نبي نفهم ليش اللي تنخطب معاش اتقمعز مع صحباتها وقريباتها😕..ليش معاش اترد كان كلموها😑..وليش تنسى ماضيها وكل اللي عاشاته امعاهن وتقعد بس اتفكر بالسنيور اللي خطبها😷..وانزيدكم من الشعر بيت..انها كان غلطت وقمعزت فبتأكيد محور واساس الجلسه هو"ختيبي"لدرجه انه قريباتها او صحباتها يفرحن وين متقمعزش معاهن😂..
عمووما ربي ايهني سعييد بسعييده😉..وربي ايكمل عليها بالخير💓..وكلامي ميمتلش الكل ومش قاعده انه كل اللي انخطبن داارن هكي👍..بس مع الاسف الشريحه السائده هكي💔..فاهماات ان الخطبه تذكره للجنه..انها لو انخطبت خلااص الدنيا رااحت كلها ليها ومعاش تشبح حد في طريقها وتاخدها بالطوييل💨💦
.
.
وفي الاخير. .🙈
عمرك ماتهزي ع وحده اكبر مننك وانخطبتي قبلها مش حنقول الكلمه الشهيره بس حنقول تأخر نصيبها.😔.لأنك متعلميش مرات نصيبها اللي تأخر لتوا ايكون افضل واحسن من نصيبك اللي جاك بكري . .عموما💅. .
الدنيا نصيبيات وكل حد فينا حياخد نصيبه💞 ومستحيل ياخد لا اكتر ولا اقل منه..وربك وين يبعتلك نصيبك بدال ما اتشوفي روحك بيه وتتجكتري..احمدي ربك عليه ومتنسيش ان الزمااان ايدوووور ومحد ضامن روحه كيف يصبح غدوه😉💟
.
.
بوساتي💋❤
أنت تقرأ
في خاطري انقولها🙊
Non-Fictionكلام وفضفضه ليبيه🙊هدرزه من واقعنا والشي اللي حاسين بيه🙀شوويه خربووشات#في_خاطري_انقولها🙊
