في خاطري انقولها🙊

😍🙈

#في خاطري انقولها
تحياتي:رونق الشتاء❄"Wisha"
موضوعنا اليوم بعنوان
"سعيد الحظ1"
امم..رسمي لما قريتو العنوان كل شخص فهمه شككل😂عمووما المقصوود هوا👇
.
.
سعيد الحظ🙈..
هو الشخص اللي ابترتبطي بيه يا غزاالتي باقي عمرك💕..هو الشخص اللي حتسيبي اهلك عشان اتكملي معااه👫..هو الشخص اللي بتربي معاه اصغارك"بإذن الله"في المستقبل👪..مش شرط ايكون نسخة الشخص اللي راسمتي في خيالك بس اكيد هو اللي حتعيشي احللى حياه ورديه امعااه💑..
اخيرا. . .هو الشخص اللي من حظه السعيد جيتي نصيبه💝💍
.
.
موضوعنا اليوم بتسخير الله حيكون فيه اكتر من جزء🙊..وع فكره خاطري نعرف رايكم في الكلام اللي نكتب فيه ولهدا فتحت سايات ونوروني بتعليقاتكم💋Sorry طولت عليكم😳نررجعوا لمضوعنا😂
.
.
كل بنت منا راسمه شخصيه وكاركتر لفارس احلامها🙈وكل وحده فينا عندها فارس مفيش منه غير نسخه وحده ليها💎وبطبيعه الحال مش كل اللي في الخيال حتلقي نسخه طبق الاصل منه في الواقع..وفي هدرزتنا اليوم حنهدرزو ع القواعد والاساسيات اللي تختاري بيهم فارسك الواقعي اللي ع ارض الواقع واللي هوا"سعيد الحظ🙈❤"
واهم شي لازم كلنا نعرفو ان مش كل شي افلوس💲 مش كل شي سيارات وفيلات و شركات🏨ومش كل شي شكل وموضه وجو طرحات⌚مش كل شي ماديات😔
لازم اديريها قاعده في راسك الفلوس عمرهن ماكانن السعاده..اوكي تمام امعاك الفلوس من وسائل السعاده بس نكرر عمرهن مكاانن هيا🙉والشكل ربي اللي خالقه👤واللي حبيتيه لأنه طرف واللي
عفتيه لانه وجه زينقو"ع قولتك" كلهم ربي سواهم وهما مليهمش اي علاقه👀
الخلاصه:لما ابتختاري نصك التاني وفارسك الواقعي🙈اختاري الشخص اللي يعجب قلبك قبل عينك😻اللي ينزرع في خاطرك بدون اي تخطيط❤اللي تقعدي قدامه ع طبيعتك بدون اي تصنع🙆اللي تتعاملي امعاه بصراحه بدون مجاملات..اللي حبك لكونك انت لكون فلانه مش لانك بنت كدا او عندك كدا💅..اختاري اللي مجرد مايشبح لي اعيونك يعرف شن فيك وشن تفسيتك😖..الشخص اللي مجرد ميجي اسمه في الحديت قلبك💓يقعد ايدربك😳😂..الشخص اللي لمس قلبك قبل ما ايفكر يلمس يدك💖..والاهم من هدا كلله..شخص اتقولي سندي ووواثقه انه مستحيل يرخي بيك..✊شخص حبك و نواك بالحلال وخلا الرابط اللي بيناتكم شرعي واثبت ان راجل وقد كلمته ووفى بالعهد امعااك💐💍
وصدقيني هدا اللي حقا تقدري اتسميه فارسك وسندك ونصك التاني💒..اما الطرف واللي الشهر الجاي امنبعت امي🚸..خلي للي ابتخطبهله امه😂..
وصدقيني انت جوهره وجوهره غاااااليه💎وعندك صيادك اللي يراجي فيك وحيجي اليوم اللي يخطفك من اهلك لي بيته وايصونك وايحطك في اعيونه😻🙊..وعمرك متقولي معنديش حظ او فلانه خير مني او علانه اسمح مني😪😔..كل واحد فينا عنده حظه في الدنيا🌺وعنده نصيبه اللي ربي كاتبهله✊وعنده اليوم اللي ربي كاتبله يجمعه بيه💞..
وان شاء الله ربي يجمعكم بحبابكم واتعيييشو احلى عمر مع بعضكم👐وربي يبعتلكم كل الايام الحلوه ويبعد عليكم كل شر يا رب👐💝
.
.
ان شاء الله كان عجبكم الموضوع حيكون فيه جزء تاني🙈..ع سعيد الحظ بعد يقسم وايولي نصيبك وهككي😘😹
.
.
بوووووووساتي💋