قدرك بين قوسين (بدايه... نهايه)
"ملك انتي معجبه بيه ولا خايفه عليه ولا خايفه من انك تعرفي قدر حد وتكوني مسئوله عنه "
تحدثت ملك مع نفسها حتي غلبها النوم فيومها في الكليه عامر وكافي بما يرهقها
اغمضت عينها لتاتيها محدثتها بعد غياب في حلما تمسكها مقبضه علي رقبتها حتي كادت ان تختنق
"سبيني هموووت سبيني "لم تجيبها ولم تتركها ولكنها تحدثت باذنها "هسيبه لاني عاوزه اعلمك الادب مش هيموت الا لما تتجوزوا وقتها بس هموته علشان اوجعك ووقتها هسيبك هفارقك "
غلظت عينا ملك التي اوشكت علي الاختناق لتفيق علي يدي والدتها واخواتها ووالدها بجوارها
والدتها... اصحي يا حبيبتي مالك في ايه
والدها... لا اله الا الله مالك يا بنتي بس
ملك... مافيش يا بابا انا كويسه والله حلم بس متقلقوش
احمد... قومي صلي يا ملك ده اكيد كابوس صوت صحي الشارع كله
ملك ..حاضر يا احمد هعمل كده
خرج الجميع من الغرفه لتبقي هي بمفردها قلبها يدق دقات تسمعها اذنها
"اخيرتها ايه علشان تبعدي عني انك تقتلي روح لالا انتي مجرد صوت انا هتجنن هو ايه الي انا فيه ده انتي شيطان عاوزه بس تجنني طيب انا هرتبط بيه وهيعيش وانت هتبعد عن حياتي... اااه "بعد لحظه رات يدها وقدمها باللون الازرق كالعاده حين تتحداها فمحدثتها لا تتراجع عن حقها
...........
""فارس اصحي يا حبيبي يلا ايه مافيش كليه "والدته التي تعلم انه لم ينام وظل ساهرا
فارس...حاضر يا ماما هي الساعه كام
والدته... الساعه 8
فارس... بجد طيب يا دوب الحق عندي محاضره 9.5
والدته.. طيب قلي بقي ايه كان مسهرك انا صحيت الفجر وشفتك في البلكونه
فارس.. ابدا يا ماما بس كنت بفكر في ملك وازاي هقلها اني معجب بيها وبعدين سبيني يا ست الكل دلوقتي محتاج اني اقوم اخد شور واصلي عند محاضرات وهتاخر
والدته ...ربنا معاك يا حبيبي هجهزلك الفطار
فارس... ماشي يا ماما
انهي فارس فطاره.. واتجه الي كليته لا يعلم لما اصبح الطريق طويلا ام التفكير الذي اطال الطريق ام رغبته لرؤيه ملك
فارس... ملك يا ملك لحظه ممكن
نادي فارس علي ملك حين رأها تدلف من باب الجامعه
ملك... ايوه حضرتك
فارس.. اسفه لو كنت ناديتلك كده بس كنت عاوز اتكلم معاكي بس انا للاسف عندي محاضره بعد نص ساعه فلو سمحتي ممكن اقابلك في كافيه الجامعه ده لو مش هيضايقك
ملك.. مش عارفه اقول لك ايه يا دكتور حاضر
فارس.. متشكر يا ملك ومش هاخد من وقتك كتير
ملك.. حاضر يا دكتور بعد اذن حضرتك
غادرت ملك علي رؤي انظار فارس الذي لم يفارقها حتي انه تناسي ان محاضرت ملك هي محاضرته فانتبه وذهب
"اتاخرتي ليه يا ملك كده عمومت هو الدكتور لسه ما جاش "صديقه ملك
ملك... لا ابدا مافيش اناجيت اهو
دخل فارس القاعه لم تفارق ملك نظارته حتي لاحظت صديقتها
صديقتها.. "ايه يا ست ملك الدكتور عينه مافارقتكيش ايه هنفرح قريب "
ملك... بطلي هزار وركزي فرح ايه وكلام ايه
صديقتها... خلاص خلاص يا ست ملك هسكت ده انتي كئيبه
انتهت المحاضره وذهب فارس الي الكافيه ليجد ملك هناك في انتظاره
فارس.. اسف اني طلبت منك اننا نتكلم
ملك.. ولا يهمك يادكتور خير
فارس.. كل خير بصراحه يا ملك انا معجب بيكي وحابب ارتبط بيكي
ملك ...حضرتك انت ما تعرفنيش ولا تعرف عني حاجه
فارس.. لا اعرفك يا ملك واعرف انك مجتهده ومحترمه واهلك ناس كويسه وده الي يهمني
ملك.. متاكد ان ده الي يهمك يمكن اكون مختلفه عنك في التفكير ده ما يهمكش يمكن طباعي غيرك يمكن بمثل يمكن ويمكن ده ما يهمكش
فارس.. مالك يا ملك متعصبه ليه انا مرفوض بالنسبالك لو كده قوليلي
ملك... للاسف انت مش مرفوض بس
فارس.. بس ايه طيب اعطي لنفسك فرصه نتكلم ونعرف بعض لو هي دي المشكله لكن انا معجب بيكي بجد
ملك... مش عارفه مش عارفه
غادرت ملك مسرعه وانهر من الدموع علي خديها لا تعلم هل توافق وتحدد مصيره الذي هو نفسه خلاصهاام ترفض وتظل هي بعذابها مصيرها بين بدايتها هي ونهايته هو.....
أنت تقرأ
دعيني ابقي !!!!
Mystery / Thrillerلازالت تتحدث باذني تسمعني ما يحدث بعيدا عني اصمتي لا تتحدثي... اصبحت شبحا منذ ان عرفتك اخشي حديث الاخر عني .....بل اصبحت اخشي عليهم مني اغلق اذني عنكي لكنك مازلتي تتحدثي اصمتي لا اريد معرفت البعيد لا اريد ان اعرف من سيرحل ومن رحل دعيني ابقي كما ان...
