صباحات تأتي بما لا نتوقع قد نتقبلها وقد نرفضها لا نعلم اين القدر الا حين الحدوث ....
......في شقه ملك مع نور الصباح لا زالت مستيقظه لم تنام فقد ظلت مستيقظه بعد ان غادر فارس ووالدته امس علي ان يعود فارس غدا واخذها لبروفه فستان الزفاف ...
محدثتها ....لسه صاحيه وبتفكري في ايه
ملك...غريبه مش عارفه بفكر في ايه ازاي بقي
محدثتها ...بقيتي غريبه ناويه علي ايه
ملك ...مش ناويه علي حاجه ناويه ارتاح منك
محدثتها بضحك واستهزاء...متخيله انك هترتاحي ده بعدك
ملك ...هنشوف تعرفي الغريب بجد اني بطلت اخاف منك
محدثتها ...وبطلتي تخافي ليه بقي
ملك ...مش عارفه يمكن لاني بقيت مقتنعه ان وجودي هو قوتك وانك بتعيشي علي ضعفي وانهزامي قدامك
محدثتها ....غريبه ولسه عارفه ده دلوقتي انتي مجرد لعبه عندي وهتفضلي لعبه وهتمتع اووي بعذابك ده
ملك ..ماتفرحيش اووي لكن قريب هتخسري المتعه بتاعتك دي وعد ...
محدثتها ...بتحلمي يا ملك روحك في ايدي بتحلمي
قاطعهم جرس الباب لتخرج ملك من غرفتها ...
ملك ..حاضر لحظه بس
فارس ..براحة الجميل استناه عمري كله
ملك ...صباح الخير يا حبيبي
فارس ...صباحك فل يا مليكتي
ملك..ادخل طيب
فارس ..صاحبتك صحيت ولا الكسل شغال معاها من امبارح
ملك مبتسمه ...اه لسه نايمه
فارس ..طيب يلا البسي وتعالي ننزل نفطر بره
ملك..لالا خلينا هنا وانا هجهز فطار ونفطر سوا في البلكونه ايه رائيك
فارس ...يا سلام علي الدلع هو انا هدلع كده كتير ولا ايه يا قلبي لما نتجوز انا عن نفسي بحب الدلع ده
ملك ...انا عوزاك تكون سعيد في كل وقت الوقتي وبعدين المهم تكون سعيد
وقف فارس بالقرب منها ممسك يدها وضمهما لصدره
فارس...ملك انا كل وقت بعيشه معاكي هو بس الوقت الي بكون فيه مبسوط وسعيد انا بحلم بكل حاجه معاكي انتي لانها الي هتسعدني وبس انا بحبك وده مصدر سعادتي وبس ...
ملك ...وانا بحبك واكتر منك ونفسي تعيش سعيد والله يا حبيبي
فارس مقبل يدها ...تعرفي نفسي احضنك حالا واضمك ليه لو عليه نفسي احطك بقلبي واقفل عليكي
ملك تقترب منه حتي تحتضنه بقوه ....انا بحبك اوووي يافارس اوعي تزعل مني واعرف اني بحبك وهفضل احبك وما حبيتش حد تاني غيرك في حياتي
فارس مطوقها بيديه الاثنان...وانا بعشقك وعمري ما ازعل منك انتي روحي يا ملك وحبك الي مخليني اعيش
جاءت مهدمه الذات ....صديقتها ...احم احم يا صباح الجمال في ناس عايشه معاكم يا بشر راعوا مشاعري
ملك وفارس مبتعدين عن بعض في خجل وحرج
ملك...صباح الخير يا ستي مالك بس كده علي الصبح
صديقتها ..ولا حاجه يا ستي واحده سينجل هنا وحضراتكم ناسين ده جوزوني وانا اسكت
فارس ..وعد يا ستي هنجوزك بس كده هعملك اعلان مطلوب عريس علشان واحده سينجل يا جماعه
ضحك الجميع ولكن ظلت ضحكات ملك حتي استعجبه فارس وصديقتها
فارس ... يا جمال الجمال لو هعرف ان كلامي هيخلي الضحكه العسل دي تظهر كنت اتكلمت كده من زمان
صديقتها...ربنا يسعدك يا حبيبتي وخليكي فاكره فارس وعدني بعريس اهو والنبي اختكم قلبها بدأ يعفن من الركنه
ملك ...يا ستي الله اعلم يمكن ربنا يرزقك بواحد زي فارس كده ويكون وقتها ربنا راضي عنك
صديقتها ...يا سلااااام علي الحب لا دا انا اقوم اصلي واجهزلكم الفطار وارجع دا الجو فل الفل انهارده ...
ملك ...لالالا روحي صلي انتي وانا هجهز الفطار وفارس هيفطر معانا في البلكونه
صديقتها ..يا بختك ياعم فارس ملك هانم بنفسها هتعملنا الفطار لا كتيرررر والله
فارس ..ربنا لا يحرمني منها ابدا انا هستناكم في البلكونه وهعمل كام تليفون كده تمام
ملك...تمام يا حبيبي .......
أنت تقرأ
دعيني ابقي !!!!
Misterio / Suspensoلازالت تتحدث باذني تسمعني ما يحدث بعيدا عني اصمتي لا تتحدثي... اصبحت شبحا منذ ان عرفتك اخشي حديث الاخر عني .....بل اصبحت اخشي عليهم مني اغلق اذني عنكي لكنك مازلتي تتحدثي اصمتي لا اريد معرفت البعيد لا اريد ان اعرف من سيرحل ومن رحل دعيني ابقي كما ان...
