"""طمنيني عليكي يا ملك انتي كويسه هترجعي امتي يا حبيبتي وصحتك طمنيني " تحدثها والدتها التي لا تعلم لما انقبض قلبها علي ابنتها فهاتفتها لتطمئن عليها...
ملك... والله يا ماما ماتقلقيش انا كويسه وبعد بكره الصبح هنرجع
والدتها.... ماشي يا حبيبتي خلي بالك من نفسك
ملك... حاضر يا ماما
والدتها.. علي فكره عندي مفاجاه ليكي بخصوص احمد اخوكي بس لما ترجعي
ملك.. خير يا ماما
والدتها.. لما ترجعي يا حبيبتي
ملك.. ماشي يا ماما مع السلامه
انهت ملك المحادثه لتعتدل في نومها فهي لم تفارق سريرها اليوم رغم ذهاب زملائها لاكمال يومهم في رحلتهم
دق باب الغرفه
ملك... ايوه مين
فارس.. انا فارس يا ملك ماتفتحيش الباب
ملك... خير يافارس
فارس.. انتي كويسه
ملك.. الحمد لله احسن
فارس.. طيب ليه ما نزلتيش مع اصحابك
ملك.. حبيت ارتاح بس
فارس.. طيب ممكن تجهزي وتنزلي هستناكي تحت نشرب اي حاجه سوا واطمن عليكي لان مش هينفع اطمن عليكي هوا
ملك.. حاضر اسبقني انت وانا هحصلك
فارس.. تمام سلام يا ملك
وقفت ملك مسنده ظهرها لباب غرفتها تغلق عينها
"انت بتعلقني بيك اكتر واكتر منعتني افتح الباب علشان تطمن عليه خوف منك عليه.. بحبك يا فارس "
.......
"اسفه اني خليتك تنزلي "فارس
ملك. ..لا ابدا انا كمان كنت مليت وكنت هنزل اشرب قهوه او اتمشي
فارس... انتي كويسه يا ملك
ملك.. اه وربنا كويس متقلقش انت
فارس.. ازاي مقلش وحبيبتي حرمتني من اني اشوفها انهارده
ملك ترفع عيناها لتنظر له بصمت
فارس... بصتك دي بتقول كلام كتير اوووي
ملك.. بتقول ايه يعني
فارس مقتربا منهابعض الشي.... بتقلي بحبك يافارس وموافقه اتجوزك واكون ام عيال واريح قلبك بقي
ابتسمت ملك لكلماته التي قالها ببعض من التمني
ملك.. كل ده من نظره بس
فارس.... اه واكتر كمان بس تعرفي انا طول الليل ما نمت مش قادر انسي مسكت ايدك ولا ريحتك يا ملك انتي بقيتي روحي
ملك... وبعدين يافارس مش قلنا وقت بس
فارس.. وانا موافق هو كلها شهر شهر وتكوني حرمي المصون
ملك.. قول يارب يافارس
فارس... فارس بس مافيش كلمه تانيه كده تصبيره مافيش حبيبي ولا حاجه
ملك... طماع شكلك
فارس... طماع بيكي
ملك.. طيب مش هنطلب حاجه
فار س... بتهربي ماشي نشرب قهوه تمام
ملك.. تمام
طلب فارس لهم القهوة وجاءتهم وتناولها ولم يصمت فارس الذي لا يعلم من اين ياتي الكلام في حضرتها
ظلوا هكذا فتره طويله حتي عاد اصحابها ورأوا ان ملك وفارس جالسين مع بعضهم لم يسلموا من شغب الشباب وكلماتهم حتي غضبت ملك وصعدت لغرفته
صديقتها..... ملك ليه طلعتي كده وزعلانه ليه اوعي يكون من كلام العيال الهبله دي
ملك... لا ابدا
صديقتها... علشان تبقي بس عارفه فارس زعق فيهم وقالهم ملك تبقي خطيبتي ومستنين الامتحانات بس يعني خلي كل واحد فيهم يخرس بس زعلت منك يا ملك انك مش قلتيلي
ملك... هو قال كده ليه وازاي والله هو بس عرض عليه الفكره انا الي طلبت نستني الامتحانات علشان اقدر اقرر والله كنت هقلك بس هو ليه عمل كده
صديقتها التي جلست بجوار ملك ممسكه كتفها بيدها مقربه ملك لها.. يا حبيبتي ده واحد بيحب وبيخاف عليكي حتي من كلام ناس هبله الي زي ده بيحب ياملك وفارس واضح انه بيحبك اووي اوعي تخسري حد زي ده صعب انك تلاقيه تاني
ملك... عارفه انه بيحبني والي تعبني اني بحبه بس
صعب
صديقتها.. ليه ياملك ليه انتي غريبه كده حد يفكر وعنده حب بالشكل ده
ملك.. مش عارفه ومش هتفهميني عمرك ما هتفهميني ولا حد هيفهمني انا بين نار وجنه وماحدش حاسس بيه
اخذت ملك بالتكلم فوقفت وكادت تصدر كلماتها بصرخات حتي سقطت مغشي عليها
صديقتها... ملك ملك ملك
جرت صديقتها لتستنجد باحد فلم تجد احد خارج الغرفه فتذكرت ان لديها رقم فارس فجرت الي هاتفها لتتحدث معه "الحقني يا دكتور ملك وقعت مغمي عليها "لم تكمل كلماتها حتي هب فارس مسرعا الي غرفتهم فعندما دق الباب فتحت له صديقتها
فارس... معلش ممكن بس تلبسيها حجابها
صديقتها.. حاضر
حملها فارس الي سريرها وطلب طبيب الفندق لها الذي اتي وطمأنه عليها انها بخير مجرد اجهاد وطلب ان ترتاح رحل فارس مع الطبيب فلن يبقي معها ابدا رغم قلقه وانشغاله بها
فارس.. خلي بالك منها وانا هفضل صاحي اي شي يحصل كلميني
صديقتها.. حاضر يا دكتور باذن الله
غادر وقلبه بقي معها ليحميها قلبه الذي تمني ان يضمها اليه ليعانقها لعله يشاركها تعبها رغم ذلك كان فضوله يميته ليعرف لماذا حدث لها ذلك ظل فارس ساهرا تاره علي سريره وتاره في شرفته لعل الوقت يمر ليراها "ياتري ليه حصلك كده يا حبيبتي "
أنت تقرأ
دعيني ابقي !!!!
Misterio / Suspensoلازالت تتحدث باذني تسمعني ما يحدث بعيدا عني اصمتي لا تتحدثي... اصبحت شبحا منذ ان عرفتك اخشي حديث الاخر عني .....بل اصبحت اخشي عليهم مني اغلق اذني عنكي لكنك مازلتي تتحدثي اصمتي لا اريد معرفت البعيد لا اريد ان اعرف من سيرحل ومن رحل دعيني ابقي كما ان...
