اول سبل الحل الاعتراف ....
..... داخل احد الكافيهات يجلس فارس وعلاء
فارس .. قلقتني يا جدع انتي فهمني في ايه طول الطريق ساكت ودلوقتي في ايه
علاء ..انت تعرف ملك من امتي يافارس
فارس ..اعرفها من فتره من وقت ما استلمت شغلي في الكليه
علاء ...اقصد تعرف عنها ايه تعرف اي حاجه غير حادث اهلها علاقتها بيهم ايه قبل ما يتوفوا اي حاجه عنها حصلت من صغرها
فارس ..كل الي اعرفه ان ملك ماكنتش كده في صغرها كانت مرحه اكتر بس بعد وفاه والدتها اتغيرت ملك رغم ان زوجه باباها ما قصرتش معاها وكانا ام ليها
علاء ...طيب وحكايه انها بتتكلم مع حد دي
فارس ..صاحبتها شافتها اكتر من مره بتكلم نفسها وبتقفل ودانها زي الي بتحاول تمنع انها تسمع شي وبتصرخ ودايما بتقول سبيني حرام مش عاوزه اسمعك ده الي صاحبتها قالته ليه غير اني بلاحظ قي ايديها كدمات لونها ازرق
علاء ..انا لحظتها وسالتها عليها قالتلي انها معاها من صغرها
فارس ..هي قالت لي نفس الكلام
انت عاوز توصل لايه يا علاء فهمني
علاء ..انا تخميني لحاله ملك ان عندها نوع من الشيزوفرينيا وده النوع الايجابي منه الي بنقدر نعالجه بادويه الذهان
فارس ...شيزوفرينيا ازاي مش فاهمك
علاء ..ده نوع من المرض النفسي بيكون عباره ان الشخص بيتخيل ان في حد بيتكلم معاه وينصحه ويقله عن الغيب وده مش حقيقي بيبدا يفصله عن العالم ويكون شخصيه جديده ليه يهدده وبيكون مركز في التفاصيل الصغيره الي بتكون التخمين لحدث هيحصل وبتبدا توهم الشخص بان هيحصل حاجه فبالتالي بيقتنع بده ويبدا يرفض انه مريض نفسي الي عند ملك اكبر من حادث اهلها ملك اتكون عنده ده بدليل الكدمات الي متاكد انها بتعملها لنفسها من غير ما تحس بده
فارس . . ...انت متاكد من ده ياعلاء
علاء ...ده تخميني لدلوقتي محتاج اشوفها تاني وقتها اقدر احدد حاول تقنعها يا فارس رغم اني عندي احساس انها هتوافق
فارس ..ياريت يا علاء
.............
في منزل ملك
صديقتها ...ملك اجهزلك اكل يا حبيبتي انتي من الصبح ما اكلتي ودلوقتي بقينا نص الليل وانتي قاعده مكانك كده
ملك .. لا مش جعانه انا هحاول انام وانا اسفه علي الي حصل مني
اقتربت صديقتها وامسكت يدها ...يا ملك انتي صاحبتي ومقدره الي انتي فيه معلش يا حبيبتي ولا يهمك انا معاكي لما ربنا يعافيكي
ملك . ربنا يخليكي ليه
صديقتها ..خلاص هعملك ساندوتش خفيف واجبهولك وتسمع كلامي وتاكليه وهجبلك عصير معاه
ملك ...خلاص حاضر
خرجت صديقتها ...
"انتي هتروحيله حاسه انك هتعملي كده هقتلك يا ملك لو روحتي "
تحدثها في اذنها ....
ملك ...هروح عاوزه اخلص منك انا تعبت هروح
صرخت ملك فصرختها اتت بصديقتها جريا لها
صديقتها...مالك يا ملك في ايه
ملك ..ايدي ايدي
صديقتها ...ملها فهميني
ملك ...مش عارفه وجع رهيب
صديقتها ممسكه بيدها ...ازاي ده ايه ده ايده فيها كدمها لونها اسود كده ليه من ايه ده
ملك ...مش عارفه بتوجعني جداا
صديقتها ..طيب اهدي هجبلك كمدات ميه دافيه واجيلك لحظه استني
خرجت والدهشه تملئ وجهها في ايه مالك يا ملك ابه جرالك وايه الي بيحصل معاكي ده يا حبيبتي لازم اقول لفارس ده انا خايفه اوووي عليها بجد
رجعت ومعها كمادات مياه دافئه وظلت تضعها علي يدها حتي استسلمت ملك للنوم فخرجت صديقتها لتدعها تنام
وعزمت علي التحدث مع فارس وتخبره بما حدث لعل لديه حل لما تمر بيه صديقتها
أنت تقرأ
دعيني ابقي !!!!
Gizem / Gerilimلازالت تتحدث باذني تسمعني ما يحدث بعيدا عني اصمتي لا تتحدثي... اصبحت شبحا منذ ان عرفتك اخشي حديث الاخر عني .....بل اصبحت اخشي عليهم مني اغلق اذني عنكي لكنك مازلتي تتحدثي اصمتي لا اريد معرفت البعيد لا اريد ان اعرف من سيرحل ومن رحل دعيني ابقي كما ان...
