لا نعلم الغيب ولكن يوجد قناعه بوجود عوالم خفيه....
تناولت ملك الغداء مع اسرتها في صمت رهيب منها حتي قاطع صمتها... "ملوكه يا ملوووووكه "احمد اخوها مناديا ايها ليخرجها من صمتها
"مالك ياقمر ساكته علي غير عادتك "
ملك.. ابدا يا احمد بس شكلي داخله علي دور تعب يمكن
والدتها.. مالك ياقلبي بس
ملك.. ابدا يا ماما تعب كده عادي هاخد اي مسكن وهبقي كويسه متقلقيش
والدتها.. ربنا يحميكي ياعمري
اسعد... يا ست ملك انتي بتاخدي الدلع كله واحنا ولا هنا
اشرف... ايوه يا ابني مافيش غير ملك بس واحنا ولاد البطه السوده
والدهم... بس يا واد انت وهو سيبوها انتم هتشتغلوها
ضحك الجميع بيما فيهم ملك لكن ليست ابتاسمتها العاديه فعقلها لازال يتذكر حديثها عن موته وحبه
انتهت الغداء واستاذنت ملك لتنام مره اخري
ولكنها لم تغمض عيناها ظلت تفكر ماذا تفعل فروحها تابي ان تعلم بموت روح اخري
"وبعدين يا ملك حرام شاب زيه يموت انا لازم اعمل حاجه "
......
في الجامعه في اليوم التالي عزمت ملك ان تتقرب لفارس معيدها الذي تحدثت هي عنه
""دكتور يا دكتور لو سمحت "
فارس.. ايوه يا ملك.. صمتت لحظه عل لازال يتذكر اسمها
ملك بقلك نعم
ملك.. اسفه يا دكتور بس بعد اذن حضرتك في اجزاء من المحاضره ماقدرتش استوعبها
فارس.. حاضر مافيش مشكله تعالي معايه مكتبي وانا بشرحها ليكي
ملك تبعته بخطواتها وكانها الحارس له تنظر امامها وخلفها وعن شمالها وعن يمينها حتي هو لاحظ ذلك دخل الاثنان المكتب وجلست هي الي المقعد الذي امام مكتبه وجلس هو بمكتبه
فارس... ها يا ست ملك قليلي ايه الي مش فهمتيه
ملك.. وضعت الكتاب علي المكتب واخذت بسرد بعض السطور التي لم يستوعبها عقلها لياخذ هو بالشرح والتبسيط لها وحين انتهي شكرته ولكنه ابي ان تغادر قبل ان تتناول معه القهوه
ملك. ...شكرا والله يا دكتور
فارس.. انتي بخيله ولا ايه فهميني
ملك مبتسمه.. لا والله ابدااا
فارس ....طيب يا ستي يبقي تقعدي تشربي القهوه معايه وليه عندك عزومه ايه رائيك
ملك.. اكيد انت حضرتك تأمر
فارس.. خلاص قهوتك ايه
ملك.. ساده
فارس.. ليه بس كده ساده
ملك... القهوه لو بقت بسكر ضاع جمالها
فارس.. طيب وانا كمان هشربها ساده زيك
ابتسمت ملك في خجل وطلب فارس القهوه وجاءت اليهم ولكنه بفضوله اخذ في سؤالها
فارس... ملك انتي عندك اخوات
ملك ...اه تلاته اكبر مني وانا اصغرهم
فارس ...تمام ربنا يخليكم لبعض.طيب انتي مرتبطه ولا
ملك ....تنظر الي الارض.. لا لسه بدري دراستي اهم
فارس ...بنظره انتصار وابتسامه واضحه... ربنا يرزقك بالي يستحقك
ملك.... شكرا لحضرتك يارب
فارس... علي فكره انا مش مرتبط
ملك.. ربنا يرزقك انت كمان طيب استاذن انا
فارس.. انا ضايقتك ولا ايه
ملك.. لا ابدا بس عندي محاضره وشكرا لحضرتك علي القهوه
همت ملك مسرعه بالخروج فهي تعلم انه معجب بها وتاكد كلام محدثتها كاد قلبها يقف من الرعب عليه وكيف تنقذه
....بعد انتهاء اليوم الجامعي عاد فارس الي منزله
في منزل فارس
والدة فارس... مالك يا حبيبي سرحان ليه
فارس... مش عارف يا ماما حاسس احساس غريب
والده فارس ...قلبي بيقلي فيها بنت الحاله بتاعتك دي
فارس بابتسامه خفيفه.... اه يا ماما بنت هاديه وجميله طالبه عندي في الجامعه من يوم ما شفتها وانا متعلق بيها
والده فارس... خلاص يبقي نروح نخطبهالك وخليني افرح بيك يا حبيبي.
فارس ممسك بيديها مقبلهم... لسه يا ست الكل لما اتاكد انها بتبادلني نفس الشعور
والده فارس.. ربنا يجعلها من نصيبك يا حبيبي
عاد فارس براسه الي المقعد واغلق عيناه بتمني "يااارب يا ماما ياااارب "
.....يتبع
أنت تقرأ
دعيني ابقي !!!!
Mystery / Thrillerلازالت تتحدث باذني تسمعني ما يحدث بعيدا عني اصمتي لا تتحدثي... اصبحت شبحا منذ ان عرفتك اخشي حديث الاخر عني .....بل اصبحت اخشي عليهم مني اغلق اذني عنكي لكنك مازلتي تتحدثي اصمتي لا اريد معرفت البعيد لا اريد ان اعرف من سيرحل ومن رحل دعيني ابقي كما ان...
