"اتفضلي في بيتك يا حبيبتي ادخلي "كلمات تقولها والده فارس لملك التي اغلقت عيناها لا تعلم لما لا تريد الدخول ودون ادني تفكير نطقت شفتاها
...."لا"
ساد الصمت بين فارس ووالدته للحظات
فارس ..ليه يا ملك
ملك ...عاوزه اروح بيت بابا لو سمحت
والدته ..ازاي ياحيبتي علي الاقل ادخلي ونتكلم
ملك..معلش علشان خاطري علي الاقل دلوقتي
فارس ..خلاص يا ماما انا هوصلها وهكلم صاحبتها تروح تقعد معاها وكلها يومين وكتب الكتاب معلش سبيها علي راحتها
والدته ..بس يا حبيبي
فارس ..معلش يا ماما بعد اذنك
والدته ...طيب يا حبيبي
فارس ..يلا يا ملك هرجعك بيتك بس اعرفي ان ده مؤقت بس هنا بيتك كمان
ملك ..اسفه يا فارس والله اسفه
فارس ..اوعي تاني تتاسفي انا فاهم كويس ان اهلك وحشوكي ووجودك في البيت هيكون صعب مش سهل يا ملك بس هسمع كلامك وهوديكي
ملك ..ربنا يخليك ليه
فارس ...ويخليكي ليه يا حبيبتي يلا بينا
اخذها رغم علمه بما سوف تمر بيه ملك حين تعود ولن تجد اهلها ستجد جدران تبكي لفراق اهلها ستجد عبقهم بين الاشياء لكن هم رحلوا
فارس ...ملك سرحتي في ايه وصلنا خلاص
ملك ...معلش خليني اطلع لوحدي
فارس ..ازاي يا ملك
ملك ..معلش سيبني براحتي وبعدين صاحبتي انت كلمتها وشوي وهتيجي
فارس ..حاضر يا ملك هفضل اكلمك اطمن عليكي طول الوقت
ملك ..حاضر خلي بالك من نفسك
فارس حاضر ...ملك
ملك....نعم
فارس ..بحبك
ملك ...وانا كمان سلام يافارس
نزلت من السياره لتصعد الي بيتها لا تعلم لما درجات السلم لا تنهتي وكانها تدور في متاه لا نهايه لها قدماها لا تقوي علي الصعود فتاره تصعد وتاره تبقي مكانها دموعها لم تجد سبيل لتوقف بل انسالت دون ادني مجهود وكانها فيضان اجتاح العالم
"""واقفه ليه اطلعي قلتلك عوزاكي هنا "محدثتها
..بلاي باك ....
"ماتدخليش هنا ارجعي البيت دلوقتي "حدثتها في اذنها كالعاده
في خاطر ملك ليه عاوزه ايه تاني
"قلتلك امشي ما تدخليش هقتلهم لو رجلك دخلت بس "
.......
انا جيت انتي فين بقي ليه خلتيني امشي من عندهم مبسوطه انك بتشوفيني بتعذب بقي ادمانك انتي عاوزه ايه هتجوز غصب عنك وهعيش وهبقي زي كل الناس وانتي مش هتقدري تغيري قدري
محدثتها ...هقدر يا ملك وهتشوفي اخدت اخواتك منك وهاخد فارس كل حاجه بتسعدك هاخدها زي ما اخدت مامتك قبلهم كلهم
ملك تجلس علي الارض والدموع تغرقها .....
حرام عليكي كفايه كفايه ليه انا بالذات ليه انا حرام عليكي . ...كفايه كفايه
دق الباب فانتبهت ملك التي مسحت دموعها بكفها ووقفت لتفتح الباب
صديقتها ...حبيبتي يا ملك حمد علي سلامتك
ملك ..الله ياسلمك
صديقتها...اول ما فارس كلمني جيتلك
ملك ..ما اتحرمش منك يا حبيبتي تعباكي معايه
صديقتها ..متقليش كده دا اانتي اختي يلا اخدك قوضتك ترتاحي واجهزلك انا حاجه تاكليها
ملك ...لالا انا محتاجه انام
صديقتها ..طيب يا حبيبتي .براحتك
دخلت ملك غرفتها وابدلت ملابسها وتوضات وادت فرضها وذهبت لتخلد ليس نوما ولكن هرباااا مما في عقلها ....
أنت تقرأ
دعيني ابقي !!!!
Misterio / Suspensoلازالت تتحدث باذني تسمعني ما يحدث بعيدا عني اصمتي لا تتحدثي... اصبحت شبحا منذ ان عرفتك اخشي حديث الاخر عني .....بل اصبحت اخشي عليهم مني اغلق اذني عنكي لكنك مازلتي تتحدثي اصمتي لا اريد معرفت البعيد لا اريد ان اعرف من سيرحل ومن رحل دعيني ابقي كما ان...
