#حب جنوني
الجزءالثالث
ل وردالعامري
رغد: راح خالي ووره ساعه اجه
هدى: ها فاروق وين صرت
فاروق: والله واكف يم الجيران نسولف هذا ابوسرمد اسوه بروحه
غاده: ليش شبي
فاروق: هذا موبزمن صدام حزبي وحار شكتب تقارير عل العالم هسه انوب صاير ويه الامريكان هوه وسرمدابنه مترجم عدهم وهوه يبلغ عله الي عنده سلاح اني من قبل فتره موكتلج ايكولون ويه لامريكان بعدي بتج عن بته اليوم طابين شايليه هوه وابنه
هدى: ليش شوكت رجعو موعله اساس مسافرين
فاروق: لايابه همه كايلين للعالم هيج وهمه خاتلين بالقاعده مال ا…… ..يه ذوله مراقبيهم اليوم اول مشايفيهم طابين للبيت فوك روسهم صايرين ايكولك. ماخذين سرمد وابوه بجنطت السياره وكايلين لعائلته طلعو من المنطقه ممنوع تبقون هنا بعد
غاده: ياعزه صدك
فاروق: اي والله هذا ابو سراج ايكول ضليت اراقبهم من شباك غرفه ابني من وره البرده ايكول سياره جتي اول نزلو منهه 4والسايق ضال بره ايراقب بعدين جايه سياره ثانيه نازلين منهه3وكل واحد حاطيه بجنطه وطالعين الرجال خايف من فوك ايراقب وست رغد واكفه تباوع ومدري شمحاجيهه السايق ومنهزمه
غاده: وشموكفج انتي
رغد: موكتلكم انتضر عائشه وهذا الولد صيح عليه
فاروق: وشكو تنتضريهه لوماخذيج جان شنسوي معليج بعد باحد
رغد: بابا وهسه عائشه وين
فاروق: يله اكولهه معليج باحد تكولي عائشه راح ايشيلون بابا
هدى: زين وولده البقيه وين
فاروق: عايفيهم ايكولك سامر وسمير محد واصلهم بس ماخذين سرمد وابوه لان مبلغين عليهم ومشيول كم واحد بسببهم
رغد: بابا خل اروح اشوف عائشه قبل ميشيلون
غاده: يمه يامصيبتي ولج ياعائشه ايكولهه العالم مهدده تريد تروح ولج تردين اجلطيني انتي
فاروق: بابا ياعائشه ماكو احد كلهم طالعين مباقي احد منهم
غاده: كومي درسي غاده كومي راح تخبليني بسوالفج مترتاحين اله تسويلنه كارثه
رغد: اف هسه اني شعليه الله لاينطيهم من وراهم شالو بيت عائشه
ثاني يوم رحت للامتحان ممتعلمه وحدي امشي باوعت عله بيت عائشه اكول كون تنفتح وتطلع تروح ويايه كطع صفنتي صوت ولد يكولي راح اضربين العامود
انداريت شفته واكف نفسه لولد لي البارحه حاجاني
-انتبهي صافنه ع الباب شكو جان فلشتي العامود يمعوده خطيه هذا لعامود عنده اهل وجهال اذا فلشتي وين انوديه
رغد: شكد سخيف الله ياخذكم مجرمين كان كل املي اني اشوف عائشه بالمدرسه امتحنت وطلعت وهيه ماكو دمعتي انحبست بعيوني وين الي تعلمت كل سنه ويايه ونتناقش عل اسئله والغلطانه بالحل تنكفخ ونتعاند عل اجوبه مسحت عيوني وطلعت اني وكم بنيه اخر وحده اني اضل شفته منتجي عله سياره بي ام رصاصي وكاتف ايده
كملت طريقي واحس احد ورايه يمشي فتت للبيت انداريت بحجه اسد الباب شفته هوه بسيارته اشرلي مثل سلام وحرك هذا شبي مو صاحي استمريت باامتحاناتي وكل مااطلع الكاه واكف ويمشي ورايه بسياره الى ان اوصل لبيت يله يعوفني اليوم مشفته بركن الحمدلله قريب مااوصل لبيتنه شفت السياره مالته وهوه فاتح الباب مال السياره وكاعد بداخل ارعبت عزه راح ياخذ خالي الله لايوفقه ركضت للبيت دفعت الباب وطبيت
