#حب جنوني
البارت العشرون
ل وردالعامري
امير: ضليت انتضر الولد عبالك الوقت ميمشي كل واحد نام ع فراشه واني كاعد يم الباب شفته اجه كيفت اطاني التلفون وكال ربع ساعه واجيك
اخذته ولفيت روحي بالبطانيه وشيخ محمود كاعد ايراقب اخاف احدايحس دكيت الرقم جانت الساعه ب3:44الصبح دك رن 4مرات طوط طوط بالرابعه انفتح خط
الو
الوحجي ضياء
نعم تفضل
صوته مال واحد بسابع نومه جان
حجي ضياء اني امير الم........ ي ابن عبدالواحد
حجي ضياء: لحضه لحضه بس خل اصحه ياابن الحلال ياامير ابواسد
امير: حجي امير ابواسد لحلاق
حجي ضياء: لك وينك انت عايش
امير: حجي خابرني انت مااكدر احجي اكثر تلفون الشرطي هذا
سديته وبسرعه رجع اتصل
لك بويه والله ممصدك وينك كلنه مات
امير: حجي اني مسجون بوكه بلغ اهلي حجي ضيااءضروري تبلغهم اريد بمسئله حياه اوموت ماكدر اطول اكثر هذا تلفون الحارس
سديته منه واطيته للشيخ خابر اهله هم بلغهم احس اني ارتاحيت بس يجون اهلي ابلغهم يلحكون ع رغد يارب يلحكون يارب مصارلهه شي بذيج الليله كضيتهه ادعي مخليت امام منخيته الصبح طلعوني نتشمس وفات نزار الحارس من يمي اشرلي وطب لحكته
الحارس نزار: اكولك اتصل عليه رجال وضل يتوسل كال هوه خابرني من هل رقم البارحه ابوه بس يريد يسمع صوته ودزلي كارت ابو العشره كلي بس رمشلي احنه ندك طب بحجه دايخ مادام ماكو احد بالعنبر
امير: اخذت لتلفون ولفيت روحي بالبطانيه دكيت رقم حجي ضياء اطاني رفض ودك
الووو
لك بويه امير صدك انت عايش
هايابه عايش والله لاتبجي ياغالي
انت ابوكه ليش
مادري يابه لاحققوو ويايه ولااعرف تهمتي
امير يبوك اني وحجي ضياء رايحين لواحد يعرفه الحجي بس ردنه نعرف تهمتك شنو
يابه والله ماعرف اخذوني ومحد حقق وياي
يابه اني عوفني طبني مرض يابه اني سويت مصيبه واعرف مراح تسامحني عليهه بيوم يابه عوفني راضي طول عمري اكضي هنا بس الحك عله رغد يابه اني غلطت وياها
-يعني الي كاله خالهه صحيح واحنه تهمناه الله لايوفقك بريئ منك اني ماعندي ولد لاخلفت ولد
الووو يابه دخيلك
هاا امير عوف ابوك سالفه لبنيه صدك لو متبليك
لاحجي صدك صدك دخيلك الحك عل بنيه ابوس ايدك
لك شلحك شوازاك ليش هيج امير انت نشمي شلون تسيوي هل عمله
حجي موبوعيي كفيلك ابو فاضل مو ابوعيي محلفك بالعباس تروح لااهل لبنيه مستعد انعدم والله بس هيه مالهه ذنب
امير ماابقيك هناك اني اطلعك لتخاف وهسه راح احاول احل هل شغله اني وابوك روح ابني روح
سديته من حجي ضياء وغطيت وجهي وبجيت ربي راضي بكل شي بس اسمع انهه بخير
عدن 19يوم وكالو زياره للمساجين اني متاكد محد يجيني بس اتفاجأت صاحو اسمي طلعت شفت حجي ضياء وواحد وياه سلمت عليهم وعرفت هذا الي وياه جاي يفتهم شلون وصلت لهنا سولفتله وكام راح عافني اني وحجي ضياء
حجي ضياء: ممصدك تطلع هل عمله منك
امير: غصبا عني مو بوعيي والله
حجي ضياء: شلون يعني مو بوعيك
امير: شارب ع... ك واخذت حبايه هلوسه
حجي ضياء: لك امير انت الي تصلي وتصوم شوداك لهل درب شمشاك بيه
امير: هيه جانت بس بذيج ليليه اول مره جانت ضايج واوراس اطاني شربت والحبايه اطانياهه كال حته تكدر تخطفهه اني جنت ناوي اخطفهه حته اضغط عله اهلهه ايوافقون بس
حجي ضياء: لاتبجي يول الزلم عيب تنزل دموعهه هذا اوراس كم مره حذرتكم منه مسمعتو مني اخ اخ هوه هم مختفي متعرف عنه شي
امير: جان ويايه بيوم الحادث واخر مره شفته بالقاعده مال الامريكان بااس......... .يه
حجي ضياء: ياحادث يعني انتو الاثنين
امير: لالاحجي بس اني دخلت هوه جان بره ينتضرني بسياره ومن طلعنه وصلنه لشارع العام شالونه الامريكان حجي لبنيه مالهه ذنب اني غصبتهه دخيلكم اني مستعد لكلشي بس هيه لا
حجي ضياء: يصير خير ابني اني وابوك ده نحاول نعرف شصار بيهم
امير: ليش شصاير بيهم
حجي ضياء: البيت مالهم فارغ من اجه خالهه تهمناه بقتلك وجاي ايلفق تهمه ومن يومهه معرفنه وين راح فص ملح وذاب
امير: ورغد
حجي ضياء: ربك العالم بحالهه بعد
امير: حجي دخيلك دورو عليهم دخيلك حجي خبر منهم اريد
حجي ضياء: ابني الزياره انتهت هسه ادعي ربك يفرجهه امك دزتلك اكل وهدوم وهاي فلوس ابوك منع احد يروحلك عسه وعل منا لزياره الجايه شويه رايح غضبه
امير: حجي خل ياخذ روحي والله مستعد اذا تكولولي انذبحك اني اتمدد بس لبنيه حجي لبنيه
حجي ضياء: ايصير خير ايصير خير يله هذا كام ايصيح الحرس ثيمالا
امير: طبيت مشتعل نار احس صداع قوي عندي وين راحت ذبحوها لا ممعقوله امه شافت اني طبيت غصبتهه لاذبحوها حته يخفون الشغله كلهه اني السبب الكاع كامت تفتر بيه ومحسيت بشي بعد
حسيت واكف يمي رجال ضرب ابره بالمغذي الي معلكيه الي
-شلون تحس نفسك
مصدع دكتور الدنيه ادور بيه
-عندك هبوط بالضغط هسه تتحسن حالتك. ماكو شي يخوف يكمل المغذي ماله ورجعوه لعنبره ماكو داعي يبقه هنا
طلع وضل الحارس واكف واني دماغي ايودي ويجيب خلص لمغذي ورجعوني سولفت لشيخ محمود كالي اصبر لاتستعجل متعرف الي صار شنو يجوز انهزمو يجوز سافرو
امير: اني بالي يمهه اشسولها
شيخ محمود: لعلم عد ربك محد يعرف غيره
عده شهر واجه موعد لزياره قبلهه كم مره خابرت ع حجي ضيااءيكولي ماكو جديد محد يعرف عنهم شي وابويه يدور عليهم بس ميريد ايشوفني ولايسمع صوتي
صاحو اسمي طلعت شفت امي وحجي ضياء حضنتهه وكامت تبجي واني دموعي تنزل وياها ضربتني عله جتفي هيه وحاضنتني وكالت ليش لك ليش مربيتك هيج ابتعدت عنهه كعدو حجيت السالفه كلهه وكتلهم راضي وقابل لوتعلكون مشنقتي بس اسمع خبر عنهه
حجي ضياء: اني وابوك ده نركض من الجيران محد يعرف شي يكولون فجاءه اختفو حته بيتهم طبينه مابيه قفل قوي قفله مال واحد طالع خطار ويرجع مو مختفي صار خمس شهور سئلنه ع دوام الرجال ورحنه لدائرته كالو جان ماخذ اجازه وخلصت الاجازه ومابين واكثر من انذار طلع بااسمه لحد مفصلوه من دوامه
