#حب جنوني
البارت الثلاثون
ل وردالعامري
هدى: عزه العزاني شحجاك يافاروق
رغد: انصدمت من حجه خالي حجايته واضحه حاول شكد ايطلع روحه من هل حجايه ماكو
فاروق: لالا وهذا مو موضوعنه
-عيوني ابوعمر ابنه غلط وابوه نزع عكاله وشوفه بعده بالكاع وحلف ميشيله وميحطه ع راسه اذا متنفذ الي طالبيه منك وهوه حق لازم من زمان يصير بس لضروف حكمتنه احنه جايين نطلب ايد كريمتكم لاابنه وياريت لخاطر هل شيبات لكدامك ترحم بحال ابوه وانه عمه شوفني اتعكز تعكز وجايك من بغداد ولو تصير بالصين والله لجيك ع راسي امشي عليك ابو فاضل قبل ماتحجي شي لاتردنه بهل طلب وشتؤمر دوس ع ركابنه
فاروق: حجي سالمه ركبتك وسلام الله ع العباس بس لوصار الصاير لبنتك تقبلهه
-لاوالله مااقبلهه واليوم جايك واحنه كلنه خجل منك
فاروق: يزوجهه ويطلكهه بنفس ليوم غير هل حجي ماعندي
-لامايصير واريد نفرح بعد هل سنين
فاروق: اني كلت هل شرط لان اريد بنتي تعيش حياتهه الي حرمهه منهه ابنكم وهوه عاش حياته وخلف
-ابوعمر اني ابوه واقسملك قسم بكتاب الله مكان راضي واني غصبته بس من بعد اذن لحاضرين كلهم ومن بعد اذنك سامحني اني رجال كبير وامون عليك وبحق عمري اكدر امون عليك بهل طلب
فاروق: ائمر حجي
-بويه امشي عليك اهل لبيت كلهم وعليك هذا كتاب الله الي انت حاطه ابيتك حته تتبارك بيه احلفك بيه بنتكم كانت متزوجه ومنفصله قبل ميصير الصار
فاروق: حجي شتحجي كل عمرهه14سنه بذاك لوقت شوكت ازوجت حته تخلف وثانيا انت جاي اتاكد ان ابنكم معتدي ع بنتي يعني هذا سؤالك تش…
-لالا يابويه لاتكمل وخليني اكمل بروح امك وابوك البت تزوجت بعد الصار
فاروق: حجي لوسمعت بنيه معتدي عليهه واحد ومينعرف وين صار تاخذهه لاابنك
-يبويه اخذني ع كد عقلي تعرف رجال جبير انه وعقلي بعد ميجمع مثلكم وكتلك امون عليك بويه يعني مزوجت لبت
فاروق: لااله الاالله لاحجي مزوجت
-ابوعمر عليك وعله حيلك وعله وليداتك واهل بيتك كتاب الله فوكاك وفوكاهم احلف بكتاب الله كلمتك مال لولد جانت قصدك لان ماكدرت تزوج ويصير عدهه بزر لو لان عدنه ولد يمكم
لاتسكت وتتهرب بيني وبينك كتاب الله
فاروق: عدهه ولد من ابنكم
رغد: افترت بيه لدنيه وكاني اول مره اعرف ان عندي ولد منه امي هدى كامت تلطم تصيح راح لولد والصاله نكلبت بااصواتهم الله اكبر شلون وشوكت ووين وخالي ساكت سمعت واحد يصيح صلو ع شغيعكم وهدو خل نفهم
-ابوعمر انت اعترفت صار عد بنتكم ولد من ابنه شلون صار يعني لاتاخذهه بغير قصد بس من حقنه نفهم وقبل مترد هاي جتافاتي لاابو فاضل مااقصد بهل كلمه غلط ابتكم بس اريد افهم شوكت جابت ويين الطفل وشسويتو
رغد: خالي حجالهم كلشي واسمع صوت رجال يبجي ويصيح عمت عيني يابويه
-بويه شحجي والله ان ردت ركبتي لااسلمهه الك بويه لخاطر لطفل الي صار بينهم خل يعقد عليهه ويربون هل ولد الي من بعد رحمه الله تربه تحت رحمتك والله مالي عين اباوعك ع سوايته ولو ردت ركبته لمده كدامك بيدي وارجع واكول لخاطر شيبتي ودمعتي هذي وانه رجال اكبر منك بسنين وكد ابوك
فاروق: حجي اني كلت يعقد عليهه بس الطفل لا ابني هذا. وبنتي بنفس ليوم ايطلكهه واريد اكولكم شغله حجي اني عندي اهل وعمام ولبنيه عدهه اهل وعمام بس الي خلاني هسه احجي وياكم وحيد وماكو الي لاعزوه ولااهل سوايت ابنكم وخوفي ع ركبت بنتي وحمايتهه من الذبح
- واحنه كدامك بعددنه وبعمامنه منوصل لربع لنوماس ولشهامه العدك وحمايتك لبنيه نكسرت وحفظ لحمنه وحمايته من الشارع انت فاكس عيونه هسه
رغد: طبو ب9الصبح لل5العصر يله طلعو وكل شويه اريد افوت ويلزمني شنو ازوجه شنو يطلكني افرفح واسمع خالي يتفق وياهم انوب عمر الي عرفو بسالفته صعدت لغرفتي فتحت لشباك اريد اتنفس شفت عمر واكف يم امير يحجي وياه وعمر يضحك وامير يكرصه من خدوده فرفحت شوكفه يمه صحت عمر عمر رفعو راسهم ثنينهم
عمر :ديده لصيحين عيب شارع
رغد: طب جوه طب جوه بسرعه
اندار ع امير الي كنبص حته يصير بمستواه وعمر مد ايده عود ايسالمه امير باسه من خده وعمر شمر روحه بحضنه وباسه من خده ودخل المنضر خله نفسي ايضيق رجلي نملت ماعرف دموعي منين طلعن كعدت كعود بالكاع عمر كتل نفسه ع طفل الي هوه اخوه واليوم يتودد لاابوه ربي ارحمني (يشهد عليه ربي وروح ابويه وروح الغالين الي فكدتهم هل موقف حقيقي ) ماعرف شتفقو سمعتهم طلعو مالي حيل اكوم ع حيلي
