#حب جنوني
الجزءالرابع عشر
ل وردالعامري
رغد: اوف يعني هم مصيبه هاي اني شسويلهه هيه مجتي اجيبهه كوه طلعن يركضن واني وراهن طبينه للغرفه وقفلن الباب اني بس عيوني تتحرك شكو يعني كارثه اذا مجتي خوما كارثه
هدى: رغوده ماماتي حبيبتي اخر وقت شوكت جان بضبط
رغد: ماما موتدرين من جتي قبل امتحاناتي وانتي رحتي للاسواق جبتيلي
هدى: ولج رغد هاي قبل مااسافر بيومين غيرهه شوكت
رغد: ماكو بعد هاي اخرمره
غاده: رغيده من سافرنه لليوم ولامره ولامره ابد اذكري يمه
رغد: ماما والله ماكو هيه مجتي شلون اخابرهه اكولهه ليش مجيتي
غاده: عزه العزاج ياغاده ولج غير تكولين مجتني
رغد: وليش اكول يعني هيه ماكو اني شعليه تكفخين بيه
هدى: الصوج موصوجهه عيني اني وياج شبينه منتبهنه ع هل سالفه
رغد: امي تلطم وامي هدى ادك عله رجلهه انوب امي كامت ملخت شعري تملخ هاي شبيج ياامي يعني اني شعليه حته هاي توكع براسي اني شكو اجيبهه كوه قابل
هدى: ولج عوفي لبنيه ليسمعج اخوج ولج سكتي راح اروح لدكتوره بحجه عندي الم وناخذهه ويانه بلكن الهه حل قبل ميعرف اخوج
غاده: ولج حليش عله هل حجي يعني مالهه حل
هدى: هسه دسكتي سديتهه دصبري يجوز خربطه هرمون صخام دسكتي فاروق هوه ممتحمل روحه
رغد: رحنه للدكتوره واطرش بزفه اني اخذولي سونار وكالو عمر الجنين 12سبوع يعني شنو جنين يعني ابطني جنين اني عزه
غاده: دكتوره ميصير عمليه اجهاض
-شو هل حكي استغفري ربك وليش لتجهضو
هدى: بصراحه دكتوره هيه تعرضت لحادث اغتصاب بالعراق واحنه من لمشاكل منتبهنه عله هل مسئله البارحه امهه انتبهت
- ييييي ياقلبي لساته صغيره وهلا مافي حل لان الجنين عندو نبض وكمان اذا بدكون نسمع دقات قلبو وفوق هل شي عمرها صغير واول حمل كمان يعني اي محاوله ممكن تخسرها الرحم. هاد اذا ماماتت بهل عمليه
غاده: دكتوره دخيلج ماكو حل
-بعتذر كتير ربي يصبركون
رغد: يعني من دون كل البشر لازم مارتاح مصيبه بعد مصيبه طلعنه من الدكتوره بس كل وحده تمشي وعقلهه بغير مكان اني عقلي شلون صارهيج وليش يعني حملت اني شسوي بيه خل يطلع من بطني كعدنه عله مسطبه طريقنه بس دوموع تنزل
هدى: يعني بليلتهه لان انتو الكم ٥٢يوم واني تهددت بالاجهاض شهر ادارون بيه وصار سبوعين من اجهضت يعني حساب عدل
غاده: وحلهه شسوي احطهه جوي رجلي واكطع نفسهه واخلص لواكتل نفسي
هدى: شنكول لفاروق
غاده: لاعيني روحي انتي لبيتج كوليله مادري طلعت ملكيتهن اني اخذهه نشمر روحنه جوه سياره نحرك نفسنه لا اصعد ع جبل واشمرهه واشمر روحي
هدى: اي ولادنيه ولااخره كومي غاده كومي مراح نعرف نفكر هسه بشي كومي نرجع للشقه العالم تتفرج علينه مسويات مناحه بشارع كومي وربج ميحير عبده
رغد: اتمنيت الموت امشي وادعي يارب اموت واخلص اول مطبينه للشقه خالي شاف وضعنه كال شبيجن لعيون مورمه شكو
هدى: ماكو شي عيني ماكو شي
فاروق: شماكو شي وجهجن ماتتفسر شكو غاده ليش هل بجي
غاده: مصيبه ياخويه مصيبه
فاروق: ولجن شكو فضني تره روحي بخشمي
هدى: دكعد ياابويه انت اكعد هيه مو بالصياح
فاروق: اللهم طولج ياروح فضنهه احجن شكو
غاده: مصيبه رغيده الي الله حطهه انتقام ع كلبي الله ياخذج يارغد ويخلصني دعوه ام لله ياخذج
فاروق: انسو لهل موضوع بعد لحد ايفتحه هذا قدرهه بعد لاهل ولازواج ولاابد خلينه بعاد وفضيحه بعيده ويانه
غاده: اخخخخخ ولك يابعاد يازواج ولك حامل رغيده حامل
فاروق: شلون احركجن غير شنو هل خريط حامل شنو
هدى: حكمت ربك شبيدنه
فاروق: الكن حل لاابتلي بيجن بنات الكلب راح تموتني ابتليت بس نسوان بركبتي حته الاخ مابيه خير
هدى: ماالها حل
رغد: خاتله بالغرفه اني ولازكه اذني بالباب الي تفصل لهول عن لغرفه سولفوله كلشي وامي هدى عادت كلام الدكتوره وهوه يعيط ويصيح
فاروق: وليش عفتنهه لهل فتره تردن تخبلني ولجن اني خلصتهه من الذبح وع ساعه اكول لومسلمهه احسن وارجع اكول بتي شلون اني ربيتهه تجن هسه تكوللي حامل منو احاسب بيجن هيه زعطوطه عقل ماكو انتن شبيجن تعرفن ليش هسه يله انتبهتو
هدى: ياعيني موشفتنه كضيناهه بين لمستشفيات والله محاطتهه ابالي اني
فاروق: شوفن اني راجع للعراق وضلن انتن هنا اني مااتحمل بعد لجن خبلتني
هدى: فاروق شبيك
فاروق: اشششششش ولاكلمه خبصتيني اريد اصير ام وجبتج وتالي كلهه لامتني عايف بيت بي نسوان شلون انوب جبتهن انتي ولفالحه ممنتبهات حته تلحكن. عله لمصيبه ليش هسه اذكرتو خلوهه من تريد اجيب ناخذهه ونتفاجئ هيييي اجانه طفل
