حب جنوني
البارت الرابع والعشرون
ل وردالعامري
بيومهه لليل وخالي ماكو والطفل بليل بده البجي مالته هوه يبجي واني ابجي وياه كلشي ماعرفله امي تتقدم مثل لي ناوي وماناوي تركض من تسمعه عاط وبعدين لاتشيله ولاتوصله تطلع امي هدى تشيله وتبدله حافوضته وتسويله ممه لوتطينياه ارضعه الليل كله اينوص وامي هدى حاطته بحضنهه سمعنه باب الشقه طبت امي كالت اجه فاروق امي هدى مهتمت رفعت الطفل ع جتفهه وادك عله ضهره ع كيف
غاده: كومي يولي لرجلج شبيج
هدى: غاده روحي نامي
رغد: سمعنه خالي يصيح هدى حطت الطفل يمي وطلعت امي باوعت عليه وع طفل وطلعت هدوءماكو صوت هناك وصار صياح اسمع خالي يكول اني عايفلج الجمل بما حمل وحته وجههي متشوفيه بعد وصوت باب الشقه اركع طبت لغرفتي واخذت الطفل طبت امي تكولهه ولج حتهجمين بيتج
هدى: غاده انتي مو فارشه بصاله روحي نامي عيني
رغد: طلعت امي وسدت لباب وراها ماما كله بسببي هذا سويت مشاكل بينج وبين بابا
هدى: ماكو مشاكل حاله عصبيه تنحل ولج شنسميه لهذا لحلو
رغد: والله مادري
هدى: ولج فكري بااسم تره اني اسميه هههه
رغد: ههه سميه ماما بكيفج
هدى: خوش لعد اسميه عمر
رغد: هههه حلو سهل وهم3حروف
هدى: ههه اي تعال يمه ائذن بااذنك عبالي الله يهدي فاروق تعال اني بمكانه هههه
رغد: اذنت بااذنه وحطته بحضنهه ضليت اباوع عليه لحد منمت ومحسيت بشي بعد كعدت الصبح فارشه بالكاع وهوه يمهه حته مكعدت عليه ولاادري شصار طبت امي طببت لفراش مالهه ع حس الطكطكه كعدت امي هدى سوت ريوك. تريكنه وكالتلي باليل شارب ممه امي سئلتهه ع خالي جان جوابهه مادري بيه وكامت وره شويه جتي بدلت لطفل واطتنياه ارضعه وشربته رقم ممه ونيمته يمي كالت عندي شغله مااتاخر اول مطلعت استلمتني امي راح تهجمين بيت خالج ياريت ذابحيج عمامج ومخلصيني الطفل هادئ مسمعت حسه بس البارحه بليل كلب الدنيه تقريبا ساعه وجتي امي هدى جايبه جربايه صغيره هزاز وبيه تور لونهه ازرك فرشت دوشك بيهه ومخده حطتله ونيمته امي بس تباوع
عدن 13يوم وخالي مااجه ولاشفناه
غاده: ولج رجلج وين مكرصج كلبج عليه شبيج تخبلتي
هدى: زين رجلي بخير بالعلوه ويه صديقه ايبات خابرته واطمنت عليه ومنا ليومين نشوف شيصير
غاده: مفهمت شيصير يعني
هدى: منا لوكتهه الله كريم
رغد: فات سبوع واجه خالي الاوضاع طبيعيه وهدوءعادي وره يومين كالو حيتسجل الطفل بااسم خالي وامي هدى صديقه الي وياه بالعلوه يعرف واحد بالنفوس العراقيه وع اساس يطلعوله بيان هم ايرتبوه وجنسيه عراقيه وبيد سايق ايدزهه لان بسوريا ميطون جنسيه للطفل الي ينولد بس صديق خالي يعرف ان الطفل ابن خالي همه يعرفون مسويه انابيب بعد ميدرون بل اسقاط مالهه جاب زوجته واجوي زارونه وع اساس امي هدى بالبيت جايبه امي مولدتهه لان جان الطفل نازل ورتبو فلم وع اساس مكادرين ايطلعون بيان لان هيه بالبيت جابت وضال الطفل هيج صديقه كله موكتلك اني احلهه هذا صاحبي بنفوس وكال حته بيان اني اسويله فات شهر واجه خالي جايب جنسيه لعمر ولبيان كان ولادته ببغداد عند قابله
فاروق: هاج افنديه هاي 6اوراق عله هل جنسيه ولازم بعد ادخله بجوازي
هدى: فدوه اله يمه يمحله اسمه عمر فاروق سلطان والام هدى سلمان يمه وليدي فدوه لااسمه
