#حب جنوني
الجزءالثاني
ل وردالعامري
رغد: باامتحانات اخرالسنه للصف الاول متوسط كبال مدرستنه سوو مقر لاحدى الاحزاب واغلب اهالي لمنطقه ميردوهم جانو بطلعت لمدرسه يوكفون كم واحد ويصيح عليهم رجال جبير وياهم وميفيد
خلصنه امتحانات بالعطله طلعنه لسوريا خاله هدى دائما تروح علمود الاطفال وتتعالج هناك يم دكتور سوري قبل بدايه الدراسه بكم يوم اجينه وحضرت نفسي هل سنه ثاني متوسط عمري كان 13سنه
غاده(ام رغد) :ها ماما حبيبتي شلون المدرسه
رغد: زينه تمام بس اكو صعوبه بكم درس
غاده: ها رغد سالمين بعدنه هستونه النه شهر شنو صعب اليدرس ماكو صعب عنده
رغد: ماما انتي سئلتي وجاوبت مع العلم اعرف هيج حتكولين
غاده: جيد وشصار بالوعد لو اوعدك بالوعد واسكيك ياكمون
رغد: ياوعد ياكمون هههه
غاده: رغيده لتغشمين نفسج مو عله اساس هل سنه تلبسين حجاب
رغد: اهوووو ماما رجعنه
غاده: ووجعو
طارق: شكو شكو شبيج تصيحين غاده منو ويه بتي منو مزعل ام دميعه
رغد: بابا تعال شوف اختك
هدى: ههههههه وشبيهه اختهه شبيج ويه رغد غاده
غاده: اوووف عندي غير لحجاب وياهه الي يبس ريكي من صف الرابع ابتدائي اصيح لحجاب وكل سنه اتاجل عله الي بعدهه والله اخاف عليهه اوضاعنه صايره حدث بلاحرج
فاروق: باباتي كلام امج صح تره الوضع من سيء الى اسوء
رغد: اييي يابابا والله اعرف بس يخنكني ماكدر مااتحمل وبعدين لوضع شعليه بحجابي مثلا
غاده: لج ماما حبيبتي الحجاب ستر للبينه وانتي شعرج حلو ياامي يجذب النضر الج وانتي دومج ناكشته
هدى: والله بعدهه صغيره ياغاده شوانتي ازوجتي والله يرحمه سامح هوه الي حجبج هسه لاحكه رغد
غاده: لج عيني وضعنه تغير والله كام ايخوف
رغد: ماما حبابه اجليهه
فاروق: ههههه نفس كل سنه مو رغد عل سنه الجايه هل مره موانتي تقررين اني اقرر غاده عوفيهه هل سنه بس بثالث تلبس
رغد: لالا والله وعد وره تخرج الكليه البس😎
غاده: لاباله متكلفه اخاف ماكو هل سنه يلبس سمعتهه من كلت هل سنه لا استقوت
رغد: لالا تمام تمام بس بروح ابوج من انجح للرابع البس بداعت ابوج
فاروق: ههههههه غاده مااتحمل منضرهه من تبرطم والله ميخالف وره امتحانات لبكلوريه اذا الله خلانه طيبين حجبيهه وعد عوفيهه هل مره
غاده: محد ناطيهه عين غيرك يله هم خل نشوف
رغد: كل يوم اطلع اروح لبيت عائشه ونطلع سوه للمدرسه
وصلنه امتحانات نص السنه كان ثاني يوم باامتحاناتنه رجعنه من الامتحان وشفنه سياره اباب بيت عائشه وولدواكف منتجي عله السياره
عائشه: اهوو يمكن عدنه خطار عود ده اجي وياج ندرس رياضيات
رغد: اي عادي طبي كولي لاامج ولحكيني
عائشه :لاحبابه تعالي فوتي وياي حته تقتنع كولهه خالج ايدرسنه
رغد: يله ماشي
دنطب وولد صاح هوووب وين فايتات
عائشه: بيتنه عيني هذا
-انتي بنت ابوسرمدالحزبي
عائشه: اي
-وانتي
صديقتي هاي ليش تسئل شنو ممنوع نفوت بيتنه
-انتي فوتي وصديقتج خل تروح ممنوع تفوت هيه
عائشه: اوف اوكفي هنانه رغد عليج الله لترحين
اوك
وكفت يم بيت ابو معمر جيرانهم المنطقه بيوت كبار ودوم هدوء
يابنيه شسمج الووو
زين شعرج انتي لافته هيج لوهوه
يمعوده شبيج اخرسيتي
فنصه ههههه خشمج دايس عليه لقطار زين ايطبلج هوه لولا ههههههه
رغد: بيده جكاره ويضحك عليه منتجي عل سياره مدرتله بال
طلع رجال كله حضر السياره افتح الجنطه وسئله منو هاي ليش مخليهه توكف
-لاهسه جتي ده ادك الباب عله بيت ذوله وكتلهه يمكن طالعين روحي يابنيه لتضلين واكفه هنا
رغد: كذب ع الرجال يكوله ادك باب اني اصلا مدكيت باب بيت ابومعمرهوه مويدري ده انتضر عائشه طب الرجال وتقدم عليه
-روحي لتضلين واكفه بسرعه روحي لبيتكم
رغد: صيح عليه ومخنزر يخوف وسلاح بحزامه بسرعه ركضت للبيت
هدى: خير خير ماما ليش تبجين شبيج ولج
رغد: ماما هذا ولد يم بيت ابوعائشه صيح عليه
غاده: عزه منو ولج هذا
رغد: ماعرف واكفين يم بيت ابوعائشه وضل يصيح لتوكفين هنا روحي لبيتكم ومخلاني اطب ويه عائشه لبيتهم
هدى: يااول تالي ميخلوج تفوتين شو امهم تتوسل
رغد: ماما حته عائشه متعرفه للولد وشايله مسدس
غاده: ياااسترك ربي كومي هدى كعدي فاروق ايشوف شكو
