#حب جنوني
البارت السادس والثلاثون
ل ورد العامري
رغد :جلستي كانت اساس ع ان لازم احط الهدف ابني كدامي بس اني مستحيل انجمع ويه امير اتفقت وياه تجمعنه غرفه وحده بس ميجمعنه شي عدن 6ايام ننتضر عمر ايبادر ويجي من غير منغصبه هوه ينام بالكاع واني ع جربايه بس احس بضغط ع اعصابي وجودنه سوه كل يوم منام اله تجي امي هدى تكول نام
كاعدين دخل عمر واكف بالباب ويباوع علينه
امير: ها عمر حبيبي تجي تنام يمنه هسه رغد جانت تريد تحجي قصه تجي تسمع
رغد: اجه يمنه اني جنت كاعده ع جربابه وامير حاط كرسي وكاعد عالك تلفزيون 📺 اجه عمر نام يمي وامير هم نام من الجهه الثانيه حجيتله قصه وايدي ع كلبي اخاف يكوم مثل كل مره ضل يتكلب لحد منام كتمت حسي بالمخده اول مره اينام يمي اندارامير بتجاهه
امير: اشش ولج لتكعديه وعليمن تبجين شنووهل فال
رغد: وانت ليش تبحي اذا هذا فال موزين
امير: اني ابجي من فرحتي الحمدلله يعني استجاب للعلاج عمر
رغد :امير هاي اول مره ايننام عمربيهه يمي
امير: وان شاءالله مواخر مره بس لازم تتحملين ابوعمر هسه اسم الله فتحت عيونهه رغد ولج تتحمليني انام بالاتجاه الثاني مو بالكاع وسمعتي لدكتور كال لازم تتاقلمون ع هل شي وحته شوكت ميكعد يلكانه يمه
رغد: عده اسبوع وكل يوم عمر يمنه نايم واحنه محاوطيه يسولف ويانه بس ايصيحنه بااسمائنا كل يوم لعب وركض هوه وامير امير جان يعاني من الضغط ولشقيقه بس ايدوس ع نفسه علمود عمر خالي قرر يرجع لان احنه بعد عدنه فتره علاج الي ولعمر الدكتور كال قطعنه نص الطريق ومبقه غير القليل امي هم مقبلت تبقه تكول اختنكت وخالي يكول عفت شغلي صار 3شهور بقينه احنه يجمعنه بيت واحد نسولف ونضحك ونطلع ونلعب ويه عمر بس ميجمعنه اني وامير شي
قبل ميرجعون لبغداد امي هدى كالت اريد دكتوره نسائيه
غاده: ليش
هدى: صارشهرين ماكو ماعرف ليش
غاده; ليش يعني بربج طبيتي بالاربعين قطعت بعد
رغد رجعو وره شهر خابرتني امي هدى كالت حامل فرحتي متنوصف دعيت ان اتم هل فرحه وتكمل طب امير هوه وعمر لكوني ابجي واحجي بتلفون وياهم سمع باركلهم
امير: مخبله كلشي بجي شبيج
رغد: فرحانه امير هوه كدامي ماعرف شلون حضنته بس من فرحتي ماعرف شنو الي خلاني اتصرف هل تصرف عمر يصفك هييي راح يجيني اخ هييي بعدت عن امير فشلانه شلون هيج سويت
بقينه 3شهور باايران ورجعنه بعد ما الدكتور كال خلص متحتاجوني اني تقبلت امير بحياتي بس ميجمعنه شي كزوج وزوجه رجعنه للعراق امي هدى متقيده من كل شي تخاف ع حملهه عليهه 5شهور لحمدلله لكن مستمره ع لمثبتات امير كال نرجع لبغداد صار 10شهور اني بعيد عن اهلي وعن شغلي رجعنه لبيت اهله بين منضفنه بيت اهلي وكعدنه بي بس اول مطبيت لبيت اعصابي تعبت دورنه مشتمل صغير اجرناه واتففل بيت اهلي
عمر يستحق مدرسه هل سنه امي بقت يم امي هدى وتكول بغداد ماتراد بعد اتسجل عمر بااسم ابوه ولفضل لحجي ضياءالي خلاها تمشي بله سجن ومشاكل مشت بفلوس وواسطه لحمدلله دخلنه بال2014صارلنه مزوجين 9شهور احتفلنه براس لسنه ورحنه لبيت اهل امير وافترينه و16/1سوالي مفاجأه عيد ميلادي بشهر الثاني عمر داوم مدرسه صف اول كل يوم امير ايوديه لمدرسه اليوم مريض تعبان ماعرف شبي كوه كام جلبت بيهم كتلهم اروح وياكم لام منضر امير مومريح خفت ليسوي حادث وحده ودينه عمر ولحيت عليه اروح للمستشفى طلع ضغطه مرتفع ضربوه ابره رجعنه للبيت كل يوم من يطلع عمر نفترق بنومنه احنه وهوه ب9يروح لمحله مخليته يطلع اليوم راد اينام ع قنفه الصاله كتله نام بالغرفه سويتله ريوك كال اريد انام تعبان غصبته ياكل كم لكمه كلبي مشتعل نار خايفه عليه وجهه تعبان طبيت للغرفه جان نايم باوعت لوجهه ياريت الصار بينه مصار امير طيب وحنون وشهم محد ينخاه اذا مجان كدامه
اباوع بوجهه نايم سماره حلوه حواجبه ثخان لحيته خفيفه بيهه شيب مزيد جماليته شاربه بي شيبات متفرقه ليش هيج صار
غطيته وطلعت اتقبلت وجوده وحبيت اهتمامه بيه وباابنه خوفه علينه حته باابنه كرار يجيبه ويدز مصرف اله
الي بينه خوف اني اخاف اتقربله وهوه يخاف يتقربلي سنه كامله صارت واحنه مابينه شي
كعدته ب12ع جيت عمر جان احسن شويه راح جاب عمر قنعته يخلي بالخط كل يوم ايفوت من يم بيتنه ثاني يوم اتفق ويه ابو الخط كام ايجيبه ويوديه طبينه بشهر الثالث كعدت عمر بدلتله وهوه طلعه للخط
تتريك لوتنام
لاوالله انام بعد وكت ع محل اليوم مطر هم شعندي
براحتك رجعت للغرفه تمددت سمعت دك باب لغرفه فوت امير
-لج رغد اريد بطانيه لصاله ثلج
-امممممممم الله يرحم اي عيني بالملحق اخذ
-لالاتعالي شيرحم بله
-هههههههه الله يرحم ايام لنص ردن ونزلتي علينه لشته
-ههههههه احله ايام بس صدك بارده ليوم اني بحياتي مكايل بارده
