خرج مصطفى من مكتب ابيه وقد ظهر عليه علامات العصبيه وتوجه الى مكتبه بسرعة.. دخلت خلفه سارة (مهندسه فى الشركة)
ساره : مصطفى.. مالك؟
مصطفى : انا تمام مفيش حاجة
سارة : يعنى مش هتقولى مالك؟ هزعل منك
مصطفى : ما انا قولتلك مفيش يا سارة
سارة : بس انت شكلك متضايق.. طب ينفع القمر دا يبقا متضايق
مصطفى : انا عايز اقرب من بسمه بس مش عارف
ابتعدت ساره عنه..
ساره (بحده) : هو انت مزهقتش من الموضوع دا؟ كل شوية عايز تقرب منها وهى تصدك.. يابنى خد واحدة تحبك
مصطفى : خلاص يا سارة اقفلى الموضوع
ساره : طيب تمام.. بدل بيضايقك مش هفتحه تانى
وتوجهت الى الباب ثم التفتت
ساره : مصطفى
مصطفى : نعم؟
ساره : بحبك ❤️
وخرجت مسرعة وهى تضحك.. كان شخص ما يقف امام المكتب.. ورأى ساره وهى تخرج من عند مصطفى كانت تشعر بالضيقة الشديدة ةلا تعرف ما هو سببها
بسمه : طب انا متضايقة دلوقتى ليه؟ انا اصلا مش بحبه
ثم توجهت الى مكتبها
كان مصطفى يفكر فى بسمه وكيف يمكنه التقرب منها
مشيت ساره مسرعة الى صديقتها وزميلتها فى العمل منه
ساره :منه.. منه منه
منه : فى ايه يا بنتى مالك
سارة : كنت عند مصطفى دلوقتى
منه : بجد؟
سارة : اه.. وقولتله بحبك
منه : وقالك ايه
ساره : مقالش حاجة.. انا قولتله ومشيت علطول
منه : يابنتى انتى كان مفروض تتقلى شوية
ساره : ازاى
منه : يعنى مكنش مفروض تقوليله بحبك
ساره : ما انا بصراحة مقدرتش وبعدين انا بحبه اووى
منه : طب احنا عايزينه يقرب منك
ساره : اكيد هيقرب ما انا قولتله بحبك
منه : يا غبيه انتى نسيتى بسمه؟
ساره : ااه.. دا انا نسيتها خاالص
منه : تيجى نخرج النهاردة ونفكر نتصرف ازاى فى الموضوع دا؟
ساره : تمام ماشى
تجلس بسمه على مكتبها ثم توجه نظرها الى الساعة ف وجدتها الساعة 3 عصرا.. فأخذت مفاتيح سيارتها وهاتفها وحقيبتها ثم توجهت للخارج.. وجدت مصطفى يقف مع ساره ويتحدثان ويضحكان سويا فتوجهت الى السلالم لتذهب خارج الشركة
سارة : ايه رأيك نخرج النهاردة يا مصطفى
مصطفى : مليش مزاج
سارة : لا هتخرج معانا
مصطفى : هشوف واقولك
سارة : لا قولى انك هتخرج معانا
مصطفى : طب مين هيخرج
ساره : انا ومنه واحمد
مصطفى : ماشى
سارة : يعنى هتيجى
مصطفى : ايوة
سارة : اخيرا :)
ركبت بسمة سيارتها وتوجهت الى منزلها وهى تفكر فى سارة ومصطفى..ولكن لا تعلم سبب ضيقتها الشديدة عندما رأت مصطفى مع سارة
وصلت الى منزلها وطرقت الباب لتفتح لها والدتها
بسمه : السلام عليكم
الام : وعليكم السلام
بسمه : محمد لسه مرجعش؟
الام : لا بس احنا عندنا ضيوف
بسمه : مين؟
مريم : ايه يا بسمه نسيتينى؟
بسمه : وانتى بتعملى ايه هنا؟
الام : مريم اختك جت تزورنا
بسمه : ما هى لو كانت اختى كانت سألت علينا مش تقوم تختفى كده
مريم : عادى يعنى يا بسمه.. وبعدين انا اختفيت مع حد غريب؟ ما انا سافرت مع جوزى
بسمه : اه هو فين صحيح؟
مريم : طلقنى
بسمه : تستاهلى
الام : خلاص يا بسمه.. انا هروح اجهزلك الغدا
مريم : وانتى بقا مفيش حد كده ولا كده
بسمه : لا يل حبيبتى مش بفكر فى المواضيع دى
مريم : وهو فى بنت مش بتفكر فى كده؟
بسمه : انتى ملكيش دعوه اصلا.. وبعدين ما انتى حبيتى واحد وسابك فى الاخر كده استفدتى ايه؟
الام : تعالى يا بسمه اتغدى
