منه : بس احنا كده هنخسر كتير يا احمد
احمد : هنخسر ايه؟
منه : شغلنا مثلا
احمد : انا شوفت شغل فى شركة تانية وهيبقا احسن من هنا
منه : طب يا سارة ايه رأيك
سارة : بدل الموضوع دا هيبعدهم عن بعض انا موافقة
احمد : تمام هنبدأ ننفذ من بكره
......................
استيقظت بسمه ونظرت الى هاتفها وجدت مكالمات كثيرة من مصطفى.. ف قامت بالاتصال به
بسمه : الو يا مصطفى
مصطفى : فينك مش بتردى ليه
بسمه : كنت نايمه
مصطفى : المهم انتى اخبارك ايه
بسمه : تمام الحمد لله
مصطفى : عايزين نخرج بكره
بسمه : نروح فين؟
مصطفى : نروح اى حته المهم انا وانتى نبقى مع بعض
بسمه : تمام ماشى
مصطفى : بسمه انا بحبك
بسمه : وانا كمان
واغلقت الهاتف بسرعة
اتصل مصطفى عليها مره اخرى
مصطفى : كنتى بتقولى ايه؟
بسمه : لا مكنتش بقول حاجة
مصطفى : تمام انا هقفل دلوقتى بقا
بسمه : ماشى بااى
مصطفى : بااى يا روحى
خرجت بسمه من غرفتها باسمة الثغر
بسمه : ازيك يا محمد
محمد : تمام.. شكل مزاجك حلو
بسمه : ايوة انا مبسوطة اوى يا محمد
محمد : يارب تبقى مبسوطة علطول.. بصى بقا عايزة اقولك حاجة
بسمه : قول
محمد : انا عايز اخطب
بسمه : ومين سعيدة الحظ؟
محمد : منى الى ساكنه فوقينا
بسمه : اه منى.. عسولة ومحترمة
محمد : ايوة.. المهم انا عايز اقول لامك بس خايف من ردة فعلها
بسمه : ايوة صح ممكن ماما متوافقش عشان المشاكل الى بينها وبين مامت منى
محمد : ايوة ما انا مش عارف اعمل ايه
بسمه : هحاول اقنعها
محمد : ربنا يخليكى ليا يا بوسى يا قمر
ذهب بسمه الى والدتها فى الشرفه
بسمه : ماما
الام : نعم
بسمه : عايزة اقولك موضوع كده
الام : قولى
حكت بسمه لوالدتها عن موضوع محمد ومنى
الام : سيبينى افكر شوية
بسمة : تفكرى فى ايه يا ماما.. يلا قولى موافقة
الام : موافقة
بسمه : احلى ماما فى الدنيا
.....................
مرت الايام بسرعة وجاء يوم خطبة محمد ومنى
ومر اليوم على خير
وفى اليوم التالى ذهبت بسمه للشركة..دخلت لمكتب مصطفى وجدته ينظر للكمبيوتر وواضح على وجهه علامات الضيقة
بسمه : فى ايه يا مصطفى
مصطفى : فى مصيبة....
