#السراب

Part7الاخيررر

الجزء 7و الاخير

رجعو محمد وشهد... وهمه جانو لامين فلوس وفتح محمد محل مال موبايلات

والله رزقه الحمد لله...

اني صار عندي مشكله بالفقرات بسبب الخياطه كمت الليل كله مانام من الوجع والطبيب منعني اخيط

...بس بقيت ويه شهوده اتابعها واكعد وياها...هي كالتلي انت ليش حابسه نفسج...تعيني عندج شهاده وناس طابه طالعه علينا ونكول الوحده من النسوان بلكي عدهم معارف...

وصارت صدك...لكيت تعيين بدائره...وهم قريبه علينا سياره وحده...انسجمت ويه الموجودين...نسيت شكلي ونفسي وعقدي ويه قهر الدنيا...تغيرت نفسيتي من كمت اطلع... موظفين وموظفات وسوالف ...كلش كامو يحبوني...واني احبهم..جانت اكو بنيه مهندسه تجي مرات يمنا صغيره وهسه مخطوبه حلوه وحبابه اسمها سالي...كلش تحبني تكعد يوميه يمي وعرفتني على خطيبها هم بعمرها ويانا يشتغل...يوميه نتشاوف ونسولف...عرفت بعدين انه ابو بسام خطيبها مدير قسم بنفس الدائره بس بغير مكان...فد يوم اني طلعت من الدائره واكفه انتظر سياره طبكت يمي سياره...وفتحت الباب سالي كالتلي تعالي زينه نوصلج...لحت عليه صعدت وياهم جان خطيبها يسوق وابو كاعد يمه..عرفو عليه هو التفت عليه..وسلم...رجال هيبه عمره نهاية الاربعين كشخه او وسيم كلش...طلع عنده ماجستير...

وصلوني الراس الشارع...نزلت ورحت للبيت...ثاني يوم..جتي سالي عليه كالت عمو يريدج...كلتلها شكو...اني وهست...كالت لا اني وبسام حجيناله عليج علمود فقراتج وكلناله اذا اكو شغله ثانيه اسهل لان الكتابه تاذيج..كال انقلها يمي بس عالبريد مو شغله ثكيله...كلتلها والله ياريت...رحت اتشكرت منه وباشرت شغلي ويا بصفة سكرتيره...كلش انسان راقي وحباب ... ارتاحيت بالشغل ويا...عرفت بعدين انه عنده ولد اثنين وبنيه ابنه الكبير خارج العراق متزوج وبنته هم...بس باقي بسام...وزوجته متوفيه قبل 3 سنوات...

فد يوم جتي سالي توزع بطاقات دعوه مال حفلة المهر مالتها... باركتلها...كالتلي زينه بسام يريدج...هسه راح يجيج...اجا بسام كلي زينه عندي مشكله بس انت تكدرين تحليها كتله احجي خير...كال عازمج عالغده اليوم ...نطلع سوه...توقعت ديتشاقه ...بنهاية الدوام كمت دااطلع اجا بسام وزينه كالولي يله للمطعم او ويانه ابو بسام يصيحوله دكتور علاء...

اني ماقبلت كلتلهم ماارضى...همه ظلو يلحون...رحنا المطعم قريب عالدائره كعدنا...بسام كال...يسعدني ويشرفني تكونين زوجة الوالد شتكولين...

صدمه....لالا...مفاجأه....شنو داأحلم...شنو...ويه نفسي اباوع عليهم...جسمي كله ثلج عيوني دمعت ...كلبي يدك...اني...ودكتور علاء..

لا مستحيل ذوله ديتشاقون لو يضحكون عليه.

بسام صاح عليه وهو يضحك...زينه...زينه...اشو سكتي...الوالد يريد يخطبج.. وانت شتكولين...

اني راسا كمت ابجي مااتحملت...معقوله اني اللي محد باوع عليه فد يوم تفتح لي الدنيا ابوابها...

ابو بسام كلي زينه شبيج...منو قهرج اذا ضجتي انسد الموضوع...كتله لا ماضجت ...بس ردت اسالك دكتور...اشعجبك بيه واني هذا شكلي.. كلي ....اتصدكين اذا كتلج انت احلى وحده شفتها بعد ام بسام الله يرحمها...

كتله اني؟؟؟ كلي انت محد شايل مثل طيبتج وكلبج وحنيتج ...انت انسانه مخلوطه بملاك .... اني اختاريت اخلاقج واصلج الطيب ياطيبه....

اكيد اني دااحلم اني بغير دنيا...رجعت للبيت ركضت عالمكينه... يمه باركيلي يمه...

اخوتي مشالتهم الكاع ...الكل فرحانه بالدائره وبالبيت والاقارب...كلها تكولي زينه انت مو مره انت دنيا...انت نعمه...

والسراب صار حقيقه ولبست الفستان الابيض.... وكبل مااطلع من بيتنا...بوست المكينه مال امي وصورة ابويه وعلاوي....

انتهت قصتي بسعاده...ورب العالمين اذا راد شي يكله كن فيكون...وعوضه اكبر من كل عوض......

الله سبحانه وتعالى ميدبر الامور السيئه لعباده إنما هي نتائج افعالهم...
والله اذا احب عبدا ابتلاه...مع الاسف الكثير منا يتضجر ال اقل الم وال اقل حادثه ويانا بس منعرف ان هي ولا شي بنسبه ال هواي ناس وبنفس الوقت ننسى أنبياء الله ورسله شلون تحملوا اصعب الامور صح احنا منوصل ال مكانتهم بس هما متمسكين بربهم وايمانهم قوي يدعون ربهم يصبرهم اما نحن ندعي حبهم فقط ومنسير ع نهجهم وننسه ان بعد كل ظلام الليل تأتي شمس الامل ...لذالك نحب نتشارك هاي القصص حت لمن نسمع ونشوف مصايب غيرنا تهون علينا مشاكلنا ...
والحمد وشكر ع كل حال...💗😻
دمتم في حفض الله وامانته❤️