ليا ماشي ليها

البارت 4

غزلان:: نوضي لموك اشمن شكون كاضحكي عليا رجعتي نعستي ياك العفريتة صبري انوريك
سهام:: واااا اش هاد شي غزلان حرام عليك ديما نقولك متفيقينيش ب هاد طريقة
غزلان؛: اصلا جربت جميع طرق معاك منفعني غي الما البارد فريش باش تعاودي ديريها بيا
سهام:: هانا فايقة صافي غلبس حوايجي سيري سبقيني
(بعد 5 دقائق دخلت لقيتها رجعت نعست كتفلا عليا)
سهام:: صافي صافي هاااني هاني فقت والله منعاود غزلان طفي شمعة نار لاااا راك حرقتيلي رجلي هبيلة نتي موتي على يديك شي نهار تجيبيلي سكتة قلبية نتي
غزلان:: هههههه مزيانة فيك باش عمرك تفكري ديري هاد الخدمة ديالك بسالا يلاه لبسي يلاه سربيي
(لبست سهام و خرجنا وصلنا ل كافي عارفة نبيل كايبغي يكلس لفوق قبل منطلعو )
سهام:: وا ديك لهبييلة فين غادا دروج منا واش عميتي صافي دختي قبل متشوفيه
غزلان:: هاتي داك صاك هاتي و تبعيني و سكتي
سهام:: اويلي انا جيباني ل طواليط اش درت انا ف حياتي باش تبليت بيك
غزلان:: هاكي صاكك خاوي بحالك مفيه لا مكياج لا ريحة جايبة معايا ولد عمي
سهام:: مكياج و ريحة !!! واش نتي خاطفاني من بلاستي ل هنا مخليتيليش فرصة حتى نغسل وجهي بعدا فكرتيني نغسل كمارتي عينيا باقين ب عمشهم
غزلان:: غسلي عمشك خليني ندير فنون تشكيلية ف وجهي قبل منطلعو لفوق لا على وا عسا نبيل يشوف فيا ليوم يعطيه لعما فقصني
ختي عندك مكياج الى جات على خاطرك هاد صاحبتي فيقاتني على صباح باش نجي معاها مخلاتليش فرصة نقاد راسي ولا نجيب معايا شي مكياج
البنت:: حبيبة معنديش حيت ممحتاجاش ليه وزيدون راه وجهك عامر مكياج فين باغا تزيدي مبقات حتى بلاصة فيه خاوية
غزلان:: شناااهوا ؟؟!! يمكن احبيبة عمرك شفتي ف مرايا ها هي فرصة نيت ششوفي راسك باش تخلعي هاد صباح و متعوديش طيري و تنزلي انا سولتك جاوبي على قد سؤال بلا متفلسفي عليا و نتي صاكك هو لي داودية كتقلب عليه لوكان نحلوه لقااو ل catalogue ديال avon كامل تما ونزيدك....
(جاب الله سهام جراتني من يدي و خرجاتني كنت غادي ندير ليها الوقفة المشهورة ديال بنات سوق و نوريها لفهامات عصباتني..)
سهام:: واش تي مسطية فين ما مشيتي دايرة حالة
غزلان:: دايرة حالة ف رجالة كلشي يغوت يا لغزالة هههه خليني اصحبتي نفرجك فيها لفرفورة فليفلة قاتلك وجهي عامر معندي فين نزيد حشيان الهضرة
سهام:: حتى نتي ملقيتي مديري ماشيا تسلفي مكياج منها فين كتعرفيها
غزلان:: اش فيها الناس ل بعثيييهااا يا حبيبتي ههه
سهام:: والله النفس ماعندك زيدي طلعي طلقينا شوفي داك بوركابي بغيتلو شلل الاطفال نتهنا منو هو سباب عدابي
غزلان:: لباااس عليه امين للمدعين و الدعوة للاولين
سهام:: ياك لمك كترديلي دعوة ليا انا قتلك نتي غتكوني سباب موتي زيدي زيدي طلعي
غزلان:: نطلع هاكا صفرة شوفي شوفي يكون شي جيب متقوب فيه شي كلوس هارب ولا شي فراجو ناعس تما قلبي قلبي
سهام:: راه معنديش مركيش تشوفي صاك قداش هو بداتو جيب يلاه هزيت زطام و سوارت وتلفون مجبت والو و اصلا هو شافك ب مكياج ولا بلاش كيف كيف نفس نتيجة ديال كل مرة كتكبي لما ف رملة
غزلان:: ديما محطماني ومطيحالي لمورال ولاكن لن استسلم و جمالي طبيعي سيتفوق على المكياج و غادي يشوف فيا ليوم يلااااه
(طلعنا ف دروج و قلبي ف كل درجة نطلعها كيزيدو دقاتو ناري غادي يسكت قلبي كنحسو وصل ل رجليا هاد شي مزال مشفتو هانا وصلنا عنيا كيتلاوزة كنقلب عليه فين كالس جات عيني عليه و شديت سهام من يديها جريتها و ريحنا طابلة فين كالس نبيل لسقت كي لصقة rapide ديال 3 دراهم مكتحايدش هههه)