ليا ماشي ليها

البارت 7

سهام:: هههه هبيلة نجيه من لخر ياك باش يجبدها معايا بتصرفيقة بحال مكتعرفيش عبدو نتي كيف داير معندوش مع هاد بسالا و لحموضة
غزلان:: ياك بغيتي تقولي انا حامضة اوا بزعطة عليك و نزيدك الحامض راه بشان ديالو و قيمتو يكفي انه موجود ف كل طبق مغربي لذيذ و كنديرو بيه عصير يبرد لينا العطش و فيه فوائد و فيتامينات و كيداوي الحبوب و مهدئ للاعصاب و زيادة على هاد شي راه هو اسم الدلع للقناة المغربية 2m والمشجع الرسمي لكل الافلام و مسلسلات و البرامج المغربية و حتى الجزائرية و تونسية و المغرب العربي بصفة عامة و شي مرات تيشجع حتى التركيين فكرتيني ف داك مسلسل لحامض ديال رهف شتي لبسالا دابا واش هوما دايرين هاد المسلسل خاصة للشعب المغربي ؛؟؟
سهام:: هههه ضحكتيني يعطيك موصيبة غي سكتي تركيين حماضو تعداو من المغاربة و مع ترجمة جات هي هاديك مغاربة من درجة الاولى
غزلان:: هه اه زادو فيه اما ديك سامحيني اانا بعدا والله لا سمحت ليها حيت بزاف على مسلسل هادوك انا باليا غي ولفو بعضياتهم ومسخاوش يديرو حلقة اخيرة و راهم مجمعين و كيصورو و يلوحو فلحلقات الحامضة و حنا تابعينهم انا غادي نتزوج نبيل و نولد معاه و ديك لي كطلب سماح مزال مسمحو ليها الفقصة.كوم
سهام:: يا لطيف على نبيل مدخلاهلي ف كل حاجة خليني دابا نعس صدعتيلي راسي
غزلان:: صافي تلاحي و غدا اتيني ب لخبار على عبدو
سهام:: اشناهواااا كاع متحلميش بزاف راه عبدو مغنقولو والو غا تهناي
غزلان:: سهام غتقوليهالو ولا نتاحر و دنوبي عليك نكتب رسالة و نقولهم نتي سبابي و ندخلك لحبس وتما عبدو يتزوج وحدة اخرى و بقاي تنوحي ف الحبس اوا ماحسن تقوليهالو و تزوجيه و تعيشو الحياة سعيدة و انا تتهناي ف مرة مني و نتعرف على االحوب ديالي و منبقاش كل نهار مصدعاك ب نبيل
سهام:: يا لطيف يا ستار ماحنا على فالك ياربي سلامة على هاد البنت باش مخدومة و منين جيتي منين
غزلان:: ختك مخدومة بالشوك كنوقف فلحلق منتصرطش وجيت من كرش ماما كاين منقضيو
سهام:: ناري سلامة كسيطة ديال ام كلثوم مكتساليش يلاه تلاحي خليني نعس غدا يحن الله ..بون دودو شنيولة ديالي
(جا صباح جديد فقت ناشطة ختكم حلمت ب نبيل لابس كوستيم و شادليا يدي وعايشين رومنسية ولاكن الحلمة ف وسطها خايب جات صفيريطة ديال ايمان داتولي و بقات تشطح معاه و مشيت و خليتهم زعمة غرت و هو شوية و لحقني ولاكن ديما احلامي مكتكملش جات حتى لقطة الواعرة وجات خالتي سميرة بصوتها داخلة لدار تقول داخلة عرس و خدامة فيه نكافة قفزاتني من بلاستي ولاكن معليش مهم شفتو و كان شادليا يدي ناريي احساس زويييين واخا عمرني جربتو من غير ف الحلم نخرج دابا نسلم على خالتو ندير صواب واخا معنديش معاها..)