ليا ماشي ليها

البارت 5

سهام:: اديك لهبيلة عيقتي و زدتي فيه هبطي عينيك ششوية على دري راك كليتيه
غزلان:: ياختي غزااال اهه ياني واش لي شاف نوتيلا حداه محطوطة يقد يصبر عليها ميكلهاش
سهام:: غزلان تبتي راسك رجوع لله راك زدتي فيه
غزلان:: خليني نكحل عويناتي مساكين هادي شهر و هوما محرومين بازين شهر وانا نشوف غ كمارتك و كمامر شر ديال حومتي وتقول شي زين يفاجي
سهام:: فطري و سكتي راه يسمعك راك لاسقة ف طابلة ديالهم درتي شوهة شوية لقاك نقزتي حداه وكلستي هدا ما بقالك
غزلان:: والله ماكرهت لوكان راني كالسة معاه ولامعاك فرعتيلي راسي غ بلهضرة
(حنا يلاه كنتناgرو و نسمع واحد صوت يا سلام حنون و رنان وكلو رمنسية ماشي بحال صوتي يخلع الى سمعتيه سيمانة و ودنيك كونجي وشفت ويا ليتني لم اشوف )
نبيل:: ختي عفاك الى جات على خاطرك سكر الى عندكم بزايد
غزلان:: نعام اه عندنا سكر اه اه بغيت سكر اه كاين اييي (هادي قرسة جاتني ف رجلي من عند سهام كتعني راكي باينة مزعوطة تبتي )
نبيل:: ميرسي ختيتو سمحيلي على ديرونجمو
غزلان:: (ختيتو خويلك جناب لواه جداك) هانية خويا مرحبا
سهام:: هههههه عبر عليك
غزلان:: ‏‎tongue‎‏ رمز تعبيري مهم هضر معايا يلااااه موتي ب سمك
سهام:: واخا عليك ا شنيولة كدعي فيا
غزلان:: نوضي نتلاحو طلع ليا دم صافي عصبني هاد كمارة زاد فيه وانا دايرة فيه راسي هو كاع مشيفنيش ‏‎frown‎‏ رمز تعبيري
سهام:: ياك ما كتبغيه ا غزلان بصح ؟؟؟
غزلان:: لا غ كنضحك ملقيت مندير وطاحتلي على راسي فكرة نبغيه و على ودو منوافقش على شحال من واحد جا خطبني و على ودو مقبلتش ب مراد لي على ودي كان يحطهم دموع دموع و على ودو مبغيتش نمشي ل فرنسا عند ختي نعيش تما وزيد زيد....
سهام:: ولاكن ا غزلان راه مكيشوفكش و عمرو عبرك و لا حسسك بلي نتي موجودة هاكا راكي ضيعي غي نتي اما هو عايش حياتو ونتي ماشي كاع ف حسباتو
غزلان:: سهام ماشي ب خاطري 1000 مرة كنقولك صافي نبيل هو لي كنبغي و عمري نقد ولا نتخيل راسي مع شي حد من غيرو لقيت فيه كلشي لي كنبغي ولي عمري لقيتو ف شي حد اخر واهم حاجة هي رجولة و الاخلاص ديالو ل ايمان هاد شي كيزيد يحمقني ويخليني نمووووت انا فيه
سهام:: نتي حرة راك كبيرة وتعرفي مصلحتك
غزلان::صافي خليني عليك انا تعصبت غادي نشد طاكسي لدار نرتاح كرهني هاد بوراس
سهام:: صافي ياك قلتي ندوزو نهار ب2 اوا سيري تلاحي هاد نبيل شي نهار يهبلك تبقاي تلوحي حوايجك ف زنقة انا نعيط ل عبدو نكمل معاه نهار
غزلان:: سيري بغيتلك طيارة تهزك طيرك مترجعكش زعمة شايفاني معصبة و كارهة و تقوليلي نعيط لعبدو متراعيش شعور البايرة لي حداك
سهام:: هبيلة هههه نتي لي بغيتي تكوني بايرة اما لوكان راكي ب ولادك دابا ولاكن لا حياة لمن تنادي
غزلان:: صافيي بلا متغنيلي ديسك الحامض ديال ديما انا مشيت و بوسيلي عبدو اه بغيت نقول بلغي سلامي ل عبدو عنداك ديريها بصح و تمشي تبوسيه ديري سبا بيا عارفاك انا عارفاك هههه
سهام::سيري اشنيولة مبقبتيش كتحشمي ولا تحتارمي لكبير عليك
(ههه سهام كبر مني ب 4 سنين هي صحبتي من لي تولدت هه حيت ماماها و ماما صحابات داك شي علاش بقينا صحابات و كتر من الخواتات حيت ختي ل نسعاها عايشا ف فرنسا كنشوفها مرة كل عام وسهام دايراها فحال ختي ومسكينة هزالي هبالي وعبدو خطيبها كيحماقو على بعضياتهم ...
وصلت لدار اول حاجة درتها حليت فيس نشوف نبيل اش حاط جديد بقيت كنستنا يتكونيكطا باش نهضرو و يحكيلي اش دار ف سفر حيت كان مسافر على ود الخدمة ومكانش يفتح فيس وانا كنقلب و نخبش كيف العادة جات عيني على
Est devenu ami avec abdou ..
عبدو لا لا ماشي عبدو لي عنعرف لا هو راه amie en commun
طرت بالفرحة عبدو يعرف نبيل ياحليلي صونيت على سهام مجوبتش لفعة لغدارة مين تلاقا مع عبدو متعقلش حتى على باها بصح نعذرها الحب ومايدير سخسخنا الحب و مرمدنا الله يعطيه الموت هاد الحب وانا عايشه ف احلامي و هايمة ف افكاري حتى وصلت ل تركيا انا و نبيل راكبين يخت كبير وزين وحنا يد ف يد تحت ضوء القمر وشموع دايرة بينا والورد مرشوش فوق الطبلة و نبيل جبد بواط حمرا وكلس على ركابيه يلاه نبيل غيحل لبواط صونا تلفون شكون هاد عديم الاحساس تفوووووو هادي سهام ديما تعيط ف اوقات غير مناسبة..

غزلاان:: اش بغيتي عندي امم حرام عليك كان غادي يحل لبواط لحمرا جيتي حتى لهاد لقطة و صونيتي
سهام:: اشمن بواط راه نتي لي برزطيني ب لي ابيل ديالك مالك اش بغيتي؟؟
غزلان:: بغيت نعرف غي شنو كان ف لا بواط ضرني راسي حرام عليك لوكان خليتيني نشوف غ واش عندو دوق زين يكون فيها خاتم ياكي باينا حيت صغيرة ولا سنسلة زعمة ؟؟
سهام::اش كتخربقي واش نتي معايا كتهضريا ولا معامن؟؟
غزلان:: انا معا غوانتانامو اني معاك كنت عايشة الحلمة مع نبيل و شموع والورد و تركيا و جات لقطة ديال ل بواط لي ديما كنشوفها ف ل فيديو ف يوتيوب ولاكن ب سبابك مخليتينيش نعيش لحضة حرام عليك واش انا معنديش الحق نعيشها حتى ف حلم