ليا ماشي ليها

البارت 6

سهام:: وا فيقي فيقي من الاحلام اشمن تركيا و شموع احبيبة ف المروك مكان غي دموع و باطاطا معندهمش هنا مع رومنسية و الخوا لخاوي
غزلان:: لا لا نبيل غير نبيل رومنسي وديما يقولي باغي ندوز شهر العسل ف تركيا و باغي يكون زواجي مع ايمان ب طريقة مختلفة على العادي باغي يكون زواجنا مختلف و فيه شي حاجة لي نبقاو نتفكروها حياتنا كاملة و يولي نهار زواجنا ذكرى عمرها تمحى
سهام:: يويويويويووووي الحمد الله مين عرفتي بلي ايمان هي لي غيتزوج اوا لاش مصدعاني هانتي جاوبتي راسك ب راسك
غزلان:: اه هو لي قال ايمان بصح انا والله لا خليتولها تفرح بيه وداك الزواج لي ف شكل غنكون انا البطلة ديالو
سهام:: اوووف راسك حجرة اشمن حجرة راك نتي شي حاجة لي معرفت راه الحجر ومين يهرسوه يتقسم و يتفتت اما نتي و تقول والو لي فييك فيك يلاه قوليلي اش بغيتي قبيلة مصدعاني ديما نقولك مين نكون مع عبدو ابلا متعدبي راسك مكنجاوبش ف تلفون
غزلان:: ااااه فكرتيني عبدو شفتي كتهضري بزاف بلا فايدة ونسيتيني المهم ختك انا ياك كتبغيني جاوبي ب صراحة؟؟
سهام:: اممم بلا مديريلي ميلودي دراما غا قلبي ل ديلومي ميوزيك و جيني نيشان اش عندك
غزلان:: جيني نيشان قولي واش كتبغيني طبيب و حيران محتاجك تواسيني هيهيي وا جاوبي يلاه
سهام::غزلان صافي بلا تبهليل ديالك عارفة معزتك عندي بلا منقولك
غزلان:: معزتي عندك يا شفارة وانا كنقلب عليها هههه يخليك ليلي حبيبتي و عشيرتي دابا عبدو ياك انا عزيزة عليه وميخليك تخرجي مع حتى بنت من غيري ياك كاينة ولا مكيناش
سهام:: ناري باغا تحمقيني اجي بعدا نتي نهار نكون نتوحم متبانيش حدايا لا نمشي نجيب شي مسطية فحالك نوحل فيها نكون ف وحدة يرجعو 2
غزلان:: شكون بحالك لا جبتي وحدة بحالي سالف زعر و زين و طولة و لعينين طلبيني ب لفلوس باش توحمي عليا و متلقاينيش كاديري لعيب معايا حسابك هو لخر نتي
سهام:: اه مقلتي عيب هاد شي كامل فيك وبزيادة عاد ولاكن لعقل الله يجيب
غزلان:: لوااه زعتر اوا مين تكوني تولدي ديك لبعلوكة ديال بنتك لي مبغيتيهاش تكون فحالي دعي معايا ربي يديرلي عقل
سهام:: هههه زعفتي زعمة متجيش معاك وا غي كنضحك معاك وانا فين ايامي الى ولدت بنوتة زينة وتحمق بحالك و بحال قلبك لحنين ولبيض غ هو لعقل..
غزلان:: مالنا عاود يلاه كونا غاديين مزيان ونتي ترجعي ل سبان عاود زدتي فيه لي سمع يقول انا مسطية
سهام:: هههه اه مسطية وشنو معارفاش راسك بلي نتي هبيلة وهبالك هو لي كيخلي ناس تحماق عليك اصلا اوا كملي اش باغا من عبدو راك عزيزة عليه غي امري الالة
غزلان:: اش عندي نخلا بيه ماشي هو المستهدف انا بغيت نبيل
سهام:: ههه مسخوطة سعيتيه بعدا عبدو فين يبان حدا نبيل وانا بعدا نخليك حتى يكون هو المستهدف عليها نقتلك
غزلان:: شناهوا ؟؟ فين يبان مع نبيل من نيتك كتهضري راه عليها نتخاسرو انا وياك الى زدنا هضرنا ف هاد الموضوع مهم براكا من كتر لهضرة ونجيك good شوفي ولا سمعي حيت مركيش حدايا باش يشوفي ههه
سهام:: غزلان صافي هضري راك شوشتيني وباراكا من البسالا
غزلان::هههه كنديرلك suspense يلاه سمعيني مزيان قبيلة مين تفارقنا جيت لدار بدلت حوايجي و لبست بيجامتي ل غوز عرفتيها ياك
سهام:: غزلان راك بديتي تعصبيني غانقطع عليك خطينا من تبزبيز ديالك هضري نيشان بلا هاد المقدمات لي كيعصبو
غزلان:: اكانضحكو معاك مالك هجرتيهلي بفف مكايش كعامن مكاااينش خلاها كبور
سهام:: وا طلقينا خلاص انا معاك يلاه كلي ادان صاغية
غزلان:: صافي غنقولك بلا غوات مهم كنت كنشوف فيس ديال نبيل و باليا رجع مع عبدو صحاب ف فيس
سهام:: على هاد شي من صباح ونتي مشحفاني و خالعاني ف لخر لمندبة كبيرة وميت فار بغيتلك لقواااا
غزلان:: واااش نتي بصح جاك هاد شي عادي يعني غتهضريلي مع عبدو يعرفني على نبيل ياك ااووف وانا لي كنت خايفا متبغيش يخليك ليلي حبيبتي و صحبتي لعزيزة ماااااح علييك
سهام:: نو نو نو نو فهمتي غلاط مقصدتش هاكا كاع متحلميش راه عبدو مغادتش نهضر معاه ف هاد شي بغيتي يقتلني اش بغيتي نقوليه عرف غزلان على نبيل تما يقتلني اول حاجة يقولي فين تعرفي نبيل و كيدرتي حتى عرفتيني نعرفو لا لا انا خطيني ب هاد شي
غزلان:: ياااك هادي هي صحبة غاتخلاي عليا حرام عليك عبدو هو الامل لوحيد لي بقالي باش نتعرف على نبيل بليز غ شوفي كيف ديري شي طريقة غير مباشرة وصليلو الفكرة
سهام:: لا لاااا مستحيل عبدو عمرو هضرلي على شي صاحبو وميبغيش نهضرلو على شي حد من صحابو غي عفيني انا منقدش و غادي رون كلشي
غزلان:: عاد دابا قلتيلي امري و معزتك و ومعرفت شنو دابا كتقولي لا عفيني واخا ا لالة صافي سمحيلي يلاه بسلامة نساي لي قلتو ليك عارفة معندي زهر ‏‎😢
سهام:: اوووف مالك كتبكي دابا غزلان راك كتحطيني بين نارين صعيب والله
غزلان:: مالي اش قلت ليك باش حطيتك بين نارين لي سمعك يقول راه خيرتك بيني و بين عبدو وا مالك بوهاليا عادي مالو عبدو بوعو غاياكلك الى هضرتي معاه على شي صاحبو عادي نتي قولي ليه شكون هاد دري لي رجعتو صحاب جداد ف فيس هو غايجاوبك و تما قولي ليه اوا اجي نعرفوه على غزلان راه بايرة و خاسها غا فين تلصق اش باليك زوينة فكرة يااك